ಬಿಗ್ ಬಾಸ್ ಮನೆಯಿಂದ ಹೊರ ಬರ್ತಾರಾ ಭಾಗ್ಯಶ್ರೀ..?

ಸುದ್ದಿಒನ್, ಬೆಂಗಳೂರು : ಬಿಗ್ ಬಾಸ್ ಸೀಸನ್ 10 ಅತಿ ಕುತೂಹಲ ಮೂಡಿಸುವಂತ ಎಪಿಸೋಡ್ ಗಳನ್ನು ಪ್ರಸಾರ ಮಾಡಲಾಗುತ್ತಿದೆ. ಬಿಗ್ ಮನೆಯಲ್ಲಿ ಕಿಚ್ಚನ ಪಂಚಾಯತಿ ಎರಡನೇ ಬಾರಿಗೆ ಶುರುವಾಗಿದೆ. ಇಂದು ಪಂಚಾಯತಿ ಮುಗಿದ ಮೇಲೆ ಮನೆಯಿಂದ ಮತ್ತೊಬ್ಬರು ಹೊರ ಬರಲಿದ್ದಾರೆ. ಈಗಾಗಲೇ ಹದಿನೇಳು ಮಂದಿಯಲ್ಲಿ ಒಬ್ಬರು ಹೊರ ಬಂದು, ಹದಿನಾರು ಮಂದಿಯಾಗಿದ್ದಾರೆ. ವಾರ ಕಳೆದಂತೆ ಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿಗಳೇ ಎಲಿಮಿನೇಟ್ ಆಗುತ್ತಾ ಬರುತ್ತಾರೆ.

ಬಿಗ್ ಬಾಸ್ ಸದ್ಯ ಈ ವಾರ ಟಫ್ ಟಾಸ್ಕ್ ಗಳನ್ನ ನೀಡುತ್ತಿದೆ. ಸ್ಪರ್ಧಿಗಳು ಕೂಡ ಗೆಲುವಿನತ್ತ ಗಮನ ಹರಿಸುತ್ತಿದ್ದಾರೆ. ಇದರ ನಡುವೆ ಮನೆಯಲ್ಲಿ ಜಗಳ, ಮನಸ್ತಾಪಗಳು ಶುರುವಾಗಿವೆ. ಅದಕ್ಕೆ ಕಟರಣ ಟಾಸ್ಕ್ ಗೆಲ್ಲಬೇಕೆಂಬ ಹಂಬಲ. ಇದರ ನಡುವೆ ಇನ್ನೊಬ್ಬರು ಮನೆಯಿಂದ ಹೊರ ಹೋಗುವ ಸಮಯ ಬಂದಿದೆ.

ಸದ್ಯಕ್ಕೆ ಈ ವಾರ ಭಾಗ್ಯಶ್ರೀ, ತುಕಾಲಿ ಸಂತು, ಗೌರೀಶ್ ಅಕ್ಕಿ, ಸಂಗೀತಾ ಶೃಂಗೇರಿ, ತನಿಷಾ, ಕಾರ್ತೀಕ್ ಮಹೇಶ್ ನಾಮಿನೇಟ್ ಆಗಿದ್ದಾರೆ. ಇಷ್ಟು ಜನರಲ್ಲಿ ಟಾಸ್ಕ್ ವಿಚಾರ ಅಂತ ಬಂದಾಗ ಕೊಂಚ ವೀಕ್ ಆಗಿರುವುದು ಭಾಗ್ಯಶ್ರೀ. ಹೀಗಾಗಿ ಇವತ್ತಿಂದ ಭಾಗ್ಯಶ್ರೀ ಅವರ ಆಟ ಮುಗಿಯಬಹುದು ಎಂದೇ ಊಹೆ ಮಾಡಲಾಗುತ್ತಿದೆ. ನಿನ್ನೆಯೆಲ್ಲಾ ಕುಟುಂಬದವರ ನೆನಪು ಮಾಡಿಕೊಳ್ಳಲು ಬಿಗ್ ಬಾಸ್ ಅವಕಾಶ ಕೊಟ್ಟಿತ್ತು. ಈ ವೇಳೆ ಭಾಗ್ಯಶ್ರೀ, ತನ್ನ ಪತಿ ಭರತ್ ಗೆ ಥ್ಯಾಂಕ್ಸ್ ಹೇಳಿದ್ದರು. ಜೊತೆಗೆ ಮೊನ್ನೆ ಬಿಗ್ ಬಾಸ್ ಕಡೆಯಿಂದ ಭಾಗ್ಯಶ್ರೀಗೆ ಶಿಕ್ಷೆಯೂ ಸಿಕ್ಕಿತ್ತು. ಟಾಸ್ಕ್ ನಲ್ಲಿ ಸೋತ ಪರಿಣಾಮವಾಗಿ ಮನೆಯ ಒಳಗೆ ಬಿಟ್ಟುಕೊಳ್ಳದೆ, ಗಾರ್ಡನ್ ಏರಿಯಾದಲ್ಲಿಯೇ ಇರುವಂತೆ ಶಿಕ್ಷೆ ನೀಡಿತ್ತು. ಇಂದು ಮನೆಯಿಂದ ಹೊರ ಬರುವ ಎಲ್ಲಾ ಸಾಧ್ಯತೆಯೂ ಇದೆ.