ಮನುಷ್ಯನ ದೇಹದಲ್ಲಿ ಎಲ್ಲಾ ಭಾಗಗಳು ಸರಿಯಾಗಿದ್ದರೆ ಮಾತ್ರ ಬದುಕು ಚಂದ ಎನಿಸುವುದು. ಯಾವುದಾದರೊಂದು ಅಂಗ ಡ್ಯಾಮೇಜ್ ಆದರೆ ನರಕ ಎನಿಸಿ ಬಿಡುತ್ತದೆ. ಆರೋಗ್ಯ ಕೊಡು ದೇವರೆ ಅಂತ ಅದೆಷ್ಟೋ ಜನ ಸದಾ ಬೇಡಿಕೊಳ್ಳುತ್ತಾರೆ. ಅದರಲ್ಲೂ ಮೂಳೆಯ ಸಮಸ್ಯೆ ಇದ್ದರಂತೂ ಕೂರಂಗಿಲ್ಲ, ನಿಲ್ಲಂಗಿಲ್ಲ. ಅದರಲ್ಲೂ ಇತ್ತೀಚಿನ ದಿನಗಳಲ್ಲಿ ಈ ಕ್ಯಾಲ್ಸಿಯಂ ಸಮಸ್ಯೆ ಚಿಕ್ಕವಯಸ್ಸಿನವರಲ್ಲಿಯೇ ಕಾಡುವುದಕ್ಕೆ ಶುರುವಾಗಿದೆ.
ಕ್ಯಾಲ್ಸಿಯಂ ಸಮಸ್ಯೆ ಆದರೆ ನಮ್ಮ ದೇಹದಲ್ಲಿ ಮಜ್ಹಲ್ಸ್ ಹಿಡಿದುಕೊಳ್ಳುತ್ತೆ, ಮೀನಿನ ಖಂಡ ನೋವಾಗುತ್ತೆ, ದೇಹದ ಮೂಳೆಯ ಭಾಗದಲ್ಲಿ ಮೂಮೆಂಟ್ ಮಾಡುವುದಕ್ಕೇನೆ ಕಷ್ಟ ಎನಿಸುತ್ತದೆ, ಎಷ್ಟೇ ವಿಶ್ರಾಂತಿ ಪಡೆದುಕೊಂಡರು ತುಂಬಾನೇ ಸುಸ್ತಾಗುತ್ತೆ, ಹಲ್ಲುಗಳಲ್ಲಿ ಸಮಸ್ಯೆ ಉಂಟಾಗುತ್ತದೆ, ಹಾರ್ಟ್ ಬೀಟ್ ನಲ್ಲೂ ಪ್ರಾಬ್ಲಮ್ಸ್ ಬರುತ್ತೆ, ಕಾಲು ಮೂಳೆಯಲ್ಲಿ ಶಬ್ಧ ಬರುವುದಕ್ಕೆ ಶುರಿವಾಗುತ್ತೆ ಹೀಗೆ ಅನೇಕ ಸಮಸ್ಯೆಗಳು ಕಾಡುವುದಕ್ಕೆ ಶುರುವಾಗುತ್ತದೆ. ಇದು ಕ್ಯಾಲ್ಸಿಯಂ ಕಡಿಮೆಯಾದಾಗ. ಹಾಗಾದ್ರೆ ಕ್ಯಾಲ್ಸಿಯಂ ದೇಹದಲ್ಲಿ ಉಳಿಸಿಕೊಳ್ಳುವುದಕ್ಕೆ ಏನು ಮಾಡಬೇಕು ಅಂದ್ರೆ, ಆಹಾರದ ಕಡೆಗೆ ಗಮನ ಕೊಡಬೇಕಾಗುತ್ತದೆ. ಕ್ಯಾಲ್ಸಿಯಂ ಅಧಿಕವಾಗಿರುವಂತ ಆಹಾರವನ್ನೇ ಸೇವನೆ ಮಾಡಬೇಕು.
ಅದರಲ್ಲಿ ಬಹಳ ಮುಖ್ಯವಾಗಿ ಹಾಲು. ಸೋಯಾ ಮಿಲ್ಕ್, ಓಟ್ಸ್ ಮಿಲ್ಕ್, ಬಾದಾಮಿ ಹಾಲು, ಅಕ್ಕಿಯಿಂದ ರೆಡಿ ಮಾಡಿದ ನೀರನ್ನು ಸಹ ಕುಡಿಯಬಹುದು. ಹುರುಳಿ ಕಾಳು, ಬಿಳಿ ಬೀನ್ಸ್, ಕಡಲೇ ಕಾಳಿ, ಬ್ರೌನ್ ರೈಸ್, ರಾಗಿ, ಗಸಗಸೆಯನ್ನು ಬಳಸಬಹುದು. ಅದೇ ರೀತಿ ನುಗ್ಗೆ ಸೊಪ್ಪು, ಕರಿಬೇವು, ಪಾಲಕ್, ಮೆಂತ್ಯ ಸೊಪ್ಪನ್ನ ಬಳಸುವುದರಿಂದ ಕ್ಯಾಲ್ಸಿಯಂ ಸಮಸ್ಯೆ ಬಗೆಹರಿಯುತ್ತೆ. ದೇಹಕ್ಕೆ ಬೇಕಾದ ಪೋಷ್ಠಿಕಾಂಶ ಸಿಗುತ್ತದೆ. ಈ ಮೂಲಕ ಮೂಳೆಯ ಸಮಸ್ಯೆಗೆ ಪರಿಹಾರವೂ ಸಿಗಲಿದೆ.
