ಬೆಂಗಳೂರು: ಬಿಗ್ ಬಾಸ್ ಗೆ ಅದರದ್ದೇ ಆದ ಸಪರೇಟ್ ವರ್ಗವಿದೆ. ಬಿಗ್ ಬಾಸ್ ಶೋ ಶುರುವಾಗುವುದನ್ನೇ ಕಾಯುತ್ತಾವಿರುತ್ತಾರೆ. ಇಷ್ಟು ಸೀಸನ್ ಒಂದು ರೀತಿಯಾದ್ರೆ ಈ ಸೀಸನ್ ಬೇರೆಯದ್ದೇ ರೀತಿಯಾಗಿರುತ್ತದೆ. ಹೀಗಾಗಿ ಕುತೂಹಲ ಕೊಂಚ ಜಾಸ್ತಿಯೇ ಆಗಿದೆ. ಸೀಸನ್ 11 ಕೊನೆ, ನಾನು ಬಿಗ್ ಬಾಸ್ ಬಿಡ್ತಾ ಇದ್ದೀನಿ ಅಂತ ಕಿಚ್ಚ ಸುದೀಪ್ ಅವರೇ ಅಧಿಕೃತವಾಗಿ ತಿಳಿಸಿದ್ದರು. ಸೀಸನ್ 12 ನಡೆಸಿಕೊಡುವುದಕ್ಕೆ ಹಲವು ಮಹತ್ವದ ಕಂಡೀಷನ್ಸ್ ಹಾಕಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಈ ಬಾರಿಯ ಸೀಸನ್ ವಿಶೇಷತೆಯನ್ನು ಒಳಗೊಂಡಿದೆ.
ಇಂದು ಬಿಗ್ ಬಾಸ್ ಬಗ್ಗೆ ಬಿಗ್ ಅಪ್ಡೇಟ್ ನೀಡುವುದಕ್ಕೆ ಕಲರ್ಸ್ ಕನ್ನಡ ದೊಡ್ಡ ಪ್ರೆಸ್ ಮೀಟ್ ಅನ್ನ ಸಿದ್ಧಪಡಿಸಿದೆ. ಸಂಜೆ ವೇಳೆಗೆ ಶುರುವಾಗುವ ಪ್ರೆಸ್ ಮೀಟ್ ಮೂಲಕ ಬಿಗ್ ಬಾಸ್ ಗೆ ಕಾಯ್ತಿದ್ದವರಿಗೆ ಹಲವು ಪ್ರಶ್ನೆಗಳಿಗೆ ಉತ್ತರವೂ ಸಿಗಲಿದೆ. ಸುದೀಪ್ ಅವರೇ ಇರ್ತಾರಾ..? ಹಾಕಿರೋ ಕಂಡೀಷನ್ಸ್ ಏನು..? ಸ್ಪರ್ಧಿಗಳು ಯಾವ ಥರ ಹೀಗೆ ಅನೇಕ ಗೊಂದಲಗಳಿಗೆ ತೆರೆ ಎಳೆಯಲಿದ್ದಾರೆ.
ಬಿಗ್ ಬಾಸ್ ಗೆ ಈ ಬಾರಿ ಯಾವೆಲ್ಲಾ ಸ್ಪರ್ಧಿಗಳು ಬರ್ತಾ ಇದ್ದಾರೆ ಎಂಬುದಕ್ಕೆ ಕಲರ್ಸ್ ಕನ್ನಡ ವಾಹಿನಿ ಯಾವುದೇ ಕಾರಣಕ್ಕೂ ಕ್ಲೂ ಬಿಟ್ಟು ಕೊಡುವುದಿಲ್ಲ. ಆರಂಭದ ದಿನವೇ ಸ್ಪರ್ಧಿಗಳ ಬಗ್ಗೆ ಅಧಿಕೃತ ಮಾಹಿತಿ ಹೊರ ಬೀಳುತ್ತದೆ. ಆದರೆ ಸೋಷಿಯಲ್ ಮೀಡಿಯಾದಲ್ಲಂತೂ ಈಗಾಗಲೇ ಬಿಗ್ ಬಾಸ್ ಕನ್ನಡ ಸೀಸನ್ 12ಗೆ ಹೋಗುವ ಸ್ಪರ್ಧಿಗಳ ಪಟ್ಟಿ ಸಿದ್ಧವಾಗಿದೆ. ಆದರೆ ಅದೇ ಸ್ಪರ್ಧಿಗಳು ಅಂತಿಮವಾಗಿರುವುದಿಲ್ಲ. ಒಂದೆರಡು ಆಯ್ಕರ ಸರಿಯಾಗಿರಬಹುದು.
