ದಕ್ಷಿಣ ಕನ್ನಡ: ಧರ್ಮಸ್ಥಳದಲ್ಲಿ ಅಸ್ಥಿಪಂಜರಗಳ ಕಾರ್ಯಾಚರಣೆ ಜೋರಾಗಿಯೇ ನಡೆಯುತ್ತಿದೆ. ಮಾಸ್ಕ್ ಧರಿಸಿದ ವ್ಯಕ್ತಿ ತೋರಿಸಿದ ಜಾಗದಲ್ಲೆಲ್ಲಾ ಮಾರ್ಕ್ ಮಾಡಿರುವ ಅಧಿಕಾರಿಗಳು, ಗುರುತು ಹಾಕಿರೋ ಸ್ಥಳದಲ್ಲೆಲ್ಲಾ ಅಗೆದು ನೋಡುತ್ತಿದ್ದಾರೆ. ಕೆಲವೊಂದು ಭಾಗದಲ್ಲಿ ವಸ್ತುಗಳು, ಮೂಳೆಗಳು ಸಿಕ್ಕರೆ, ಇನ್ನು ಕೆಲವೊಂದು ಭಾಗದಲ್ಲಿ ಏನು ಸಿಕ್ತಾ ಇಲ್ಲ. ಇಂದು ಕೂಡ ಶೋಧ ಕಾರ್ಯ ಮುಂದುವರೆದಿದ್ದು, ಎಂಟನೇ ಸ್ಥಳದತ್ತ ಎಸ್ಐಟಿ ಅಧಿಕಾರಿಗಳು ಸಾಗಿದ್ದಾರೆ.
ಇಂದು ಗುರುತು ಮಾಡಿದ ಏಳನೇ ಸ್ಥಳವನ್ನು ಆಳದವರೆಗೆ ಅಗೆಯಲಾಗಿದೆ. ಆದರೆ ಅಲ್ಲಿ ಏನು ಸಿಕ್ಕಿಲ್ಲ. ಹೀಗಾಗಿ 8ನೇ ಪಾಟಿಂಟ್ ನಲ್ಲಿ ಶೋಧ ಕಾರ್ಯ ಶುರುವಾಗಿದೆ. 7ನೇ ಪಾಯಿಂಟ್ 300 ಮೀಟರ್ ನಲ್ಲಿ 8ನೇ ಪಾಯಿಂಟ್ ಇದೆ. ಅಲ್ಲಿನ ಸುತ್ತಮುತ್ತ ಪರದೆಯನ್ನು ಕಟ್ಟಿ ಗೌಪ್ಯತೆಯನ್ನ ಕಾಪಾಡಿಕೊಳ್ಳಲಾಗಿದೆ. ಬಳಿಕ ಶೋಧ ಕಾರ್ಯವನ್ನು ಶುರು ಮಾಡಿದ್ದಾರೆ. ಏಳನೇ ಪಾಯಿಂಟ್ ನಲ್ಲಿ 5 ಅಡಿಗಳಷ್ಟು ಜಾಗವನ್ನು ಅಗೆದಿದ್ದಾರೆ. ಆದರೆ ಅಲ್ಲಿ ಏನು ಸಿಕ್ಕಿಲ್ಲ.
ಧರ್ಮಸ್ಥಳದ ಅಸ್ಥಿಪಂಜರ ಕೇಸ್ ಗೆ ಸಂಬಂಧಿಸಿದಂತೆ ಸಾರ್ವಜನಿಕರಲ್ಲೂ ಕೂಡ ಸಾಕಷ್ಟು ಕುತೂಹಲವನ್ನು ಮೂಡಿಸಿದೆ. ಹೀಗಾಗಿ ಓಡಾಡುವ ಜನರು ಕೂಡ ಅಲ್ಲಿ ಏನಾಗ್ತಿದೆ, ಹೆಣ ಸಿಕ್ತಾ, ಅಸ್ಥಿಪಂಜರ ಸಿಕ್ತಾ ಎಂಬೆಲ್ಲಾ ಕುತೂಹಲವನ್ನ ಬೆಳೆಸಿಕೊಂಡಿದ್ದಾರೆ. ಶೋಧಕಾರ್ಯ ನಡೆಯುವ ಜಾಗದಲ್ಲಿ ನೋಡುತ್ತಾ ನಿಲ್ಲುವ ಅಭ್ಯಾಸ ಮಾಡಿಕೊಂಡಿದ್ದಾರೆ. ಹೀಗಾಗಿ ಪೊಲೀಸರು ಗುರುತು ಮಾಡಿದ ಸ್ಥಳವನ್ನು ಅಗೆಯುವ ಮುನ್ನ ಭದ್ರತೆ ಮಾಡಿಕೊಳ್ಳುತ್ತಿದ್ದಾರೆ. 6ನೇ ಪಾಯಿಂಟ್ ನಲ್ಲಿ ಅಸ್ಥಿಪಂಜರ ಸಿಕ್ಕ ಬಳಿಕ ಭದ್ರತೆ ಮಾಡುತ್ತಿದ್ದಾರೆ. ಇವತ್ತಿನ 8ನೇ ಪಾಯಿಂಟ್ ನಲ್ಲೇನಾದರೂ ಸಿಗಬಹುದಾ ಎಂಬ ಕುತೂಹಲವೂ ಜನರಲ್ಲಿ ಇದೆ. ಸಂಜೆವರೆಗೂ ಕಾದುನೋಡಬೇಕಿದೆ.

ಸಾರ್ವಜನಿಕ ಕುಂದುಕೊರತೆ ವಿಭಾಗ : ನಿಮ್ಮ ಧ್ವನಿ - ನಮ್ಮ ವೇದಿಕೆ
ನಿಮ್ಮ ಊರಿನ ಸಮಸ್ಯೆಗಳು ಇನ್ನು ಮುಂದೆ ಕೇವಲ ಚರ್ಚೆಯಾಗಬಾರದು, ಅವುಗಳಿಗೆ ಪರಿಹಾರ ಸಿಗಬೇಕು.
ವರದಿ ಮಾಡುವುದು ಹೇಗೆ?
- ನಿಮ್ಮ ಸುತ್ತಮುತ್ತಲಿನ ರಸ್ತೆ, ನೀರು, ವಿದ್ಯುತ್ ಸಮಸ್ಯೆಗಳ ಫೋಟೋ, ವಿಡಿಯೋ ಅಥವಾ ಮಾಹಿತಿ ನಮಗೆ ಕಳುಹಿಸಿ.
ನಾವು ಏನು ಮಾಡುತ್ತೇವೆ?
- ನೀವು ಕಳುಹಿಸಿದ ವರದಿಗಳನ್ನು suddione.com ನಲ್ಲಿ ಪ್ರಕಟಿಸುತ್ತೇವೆ.
- ಸಂಬಂಧಪಟ್ಟ ಇಲಾಖೆಯ ಅಧಿಕಾರಿಗಳ ಗಮನಕ್ಕೆ ತಂದು ಪರಿಹಾರಕ್ಕಾಗಿ ಒತ್ತಾಯಿಸುತ್ತೇವೆ.
- ನಿಮ್ಮೂರಿನ ಅಭಿವೃದ್ಧಿಗೆ ನಿಮ್ಮೊಂದಿಗೆ ಧ್ವನಿಗೂಡಿಸುತ್ತೇವೆ.














