ಬೆಂಗಳೂರು: ರಮೋಲಾ ಯಾರಿಗೆ ಗೊತ್ತಿಲ್ಲ ಹೇಳಿ. ಕೆಲ ಸೀರಿಯಲ್ ಗಳ ಮೂಲಕ ಮನೆ ಮಾತಾಗಿದ್ದ ರಮೋಲಾ, ಇತ್ತೀಚೆಗೆ ಬಂದ ಭರ್ಜರಿ ಬ್ಯಾಚುಲರ್ ಮೂಲಕ ಸಾಕಷ್ಟು ಫೇಮಸ್ ಆಗಿದ್ರು. ಅದರಲ್ಲೂ ರಕ್ಷಕ್ ಜೋಡಿಯಾಗಿ ಕಾಣಿಸಿಕೊಂಡಿದ್ದರು. ಈ ಜೋಡಿ ತನ್ನರ್ ಅಪ್ ಕೂಡ ಆಗಿದ್ರು. ಆದರೆ ಇದೀಗ ರಮೋಲ ವಿರುದ್ಧ ನಿರ್ಮಾಪಕರೊಬ್ಬರು ದೂರು ದಾಖಲು ಮಾಡಿದ್ದಾರೆ.
ರಿಚ್ಚಿ ಸಿನಿಮಾದ ನಿರ್ಮಾಪಕ ಹೇಮಂತ್, ರಮೋಲ ವಿರುದ್ಧ ದೂರು ನೀಡಿದ್ದಾರೆ. ನಿರ್ಮಾಪಕ ದೂರು ಏನಂದ್ರೆ ಸಿನಿಮಾದ ಯಾವುದೇ ಪ್ರಚಾರಕ್ಕೆ ಬರ್ತಾ ಇಲ್ಲ ಅನ್ನೋದು. ಸಂಪರ್ಕ ಮಾಡಿದ್ರು, ಸಂಪರ್ಕಕ್ಕೆ ಸಿಕ್ತಾ ಇಲ್ಲ. ಸಾಲ ಸೋಲ ಮಾಡಿ ಸಿನಿಮಾ ಮಾಡಿರ್ತಿವಿ. ಹೀಗೆ ಸಿನಿಮಾದ ಪ್ರಚಾರಕ್ಕೆ ಬರದೆ ಕೈ ಎತ್ತಿ ಬಿಟ್ಟರೆ ಹೇಗೆ ಎಂದು ಫಿಲ್ಮ್ ಚೇಂಬರ್ ಗೆ ದೂರು ನೀಡಿದ್ದಾರೆ.
ನಟಿ ರಮೋಲಾ ರಿಚ್ಚಿ ಹೆಸರಿನ ಸಿನಿಮಾದಲ್ಲಿ ನಟಿಸಿದ್ದರು. ಈ ಸಿನಿಮಾ ಸೆಟ್ಟೇರಿ ಬಹಳ ಸಮಯ ಕಳೆದಿದೆ. ಈಗ ಚಿತ್ರದ ನಾಯಕ, ನಿರ್ದೇಶಕ ಹಾಗೂ ನಿರ್ಮಾಪಕ ರಿಚ್ಚಿ ಅವರು ನಟಿ ರಮೋಲಾ ವಿರುದ್ಧ ಫಿಲ್ಮ್ ಚೇಂಬರ್ ಗೆ ದೂರು ನೀಡಿದ್ದಾರೆ. ಯಾವುದೇ ಪ್ರಮೋಷನ್ ಗೂ ಬರ್ತಿಲ್ಲ, ಅಷ್ಟೇ ಅಲ್ಲ ಕರೆ ಮಾಡಿದ್ರೆ ಕರೆಯನ್ನು ಸ್ವೀಕರಿಸ್ತಿಲ್ಲ. ರಮೋಲಾ, ನಮ್ಮ ರಿಚ್ಚಿ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಆದರೆ ಪ್ರಮೋಷನ್ ಗೆ ಮಾತ್ರ ಬರ್ತಿಲ್ಲ ಎಂಬ ದೂರನ್ನ ನೀಡಿದ್ದಾರೆ.
ಭರ್ಜರಿ ಬ್ಯಾಚುಲರ್ ಆದ್ಮೇಲೆ ರಕ್ಷಕ್ ಹಾಗೂ ರಮೋಲಾ ಜೋಡಿ ಒಂದಷ್ಟು ಟ್ರೆಂಡ್ ಅನ್ನೇ ಸೃಷ್ಟಿ ಮಾಡಿತ್ತು. ಶೋ ಮುಗಿದ ಮೇಲೂ ಇಬ್ಬರು ಪ್ರಮೋಷನ್ ವಿಚಾರದಲ್ಲಿ ಸಾಕಷ್ಟು ಓಡಾಡ್ತಾ ಇರ್ತಾರೆ.
