ಚಳ್ಳಕೆರೆ | ಹೋಳಿಗೆ ಊಟ ಸವಿದು 50 ಕ್ಕೂ ಹೆಚ್ಚು ಜನ ಅಸ್ವಸ್ಥ

ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಬೆಳೆಗೆರೆ, ಚಳ್ಳಕೆರೆ,
ಮೊ : 84314 13188

ಸುದ್ದಿಒನ್, ಚಳ್ಳಕೆರೆ, ಏಪ್ರಿಲ್.24 : ಗ್ರಾಮ ದೇವತೆ ಜಾತ್ರಾ ಮಹೋತ್ಸವದಲ್ಲಿ ಹೋಳಿಗೆ ಊಟ ಸವಿದು 50 ಕ್ಕೂ ಹೆಚ್ಚು ಜನ ಅಸ್ವಸ್ಥರಾದ ಘಟನೆ ಚಳ್ಳಕೆರೆ ತಾಲೂಕಿನ ರೆಡ್ಡಿಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ರೆಡ್ಡಿಹಳ್ಳಿ ಗ್ರಾಮದಲ್ಲಿ ಮಾರಿಯಮ್ಮ ದೇವಿಯ ಜಾತ್ರಾ ಮಹೋತ್ಸವದಲ್ಲಿ ಪೂಜಾರಿ ಕಡೆಯ ವ್ಯಕ್ತಿಗಳು ಹರಕೆ‌ ಮಾಡಿಕೊಂಡಿದ್ದ ಪ್ರಯುಕ್ತ 250 ಜನರಿಗೆ ಹೋಳಿಗೆ ಹಾಗೂ ಬಾಳೆ ಹಣ್ಣಿನ ಶೀಕರಣಿ ಊಟ ಹಾಕಿಸಿದ್ರು. ಹೀಗೆ ರಾತ್ರಿ ವೇಳೆ ಊಟ ಮಾಡಿದ 50 ಕ್ಕೂ ಹೆಚ್ಚು ಜನರಲ್ಲಿ‌ ಅಸ್ವಸ್ಥತೆ ಕಾಣಿಸಿಕೊಂಡಿತ್ತು. ಅಸ್ವಸ್ಥರಿಗೆ ಪ್ರಾಥಮಿಕ ಆರೋಗ್ಯ ಕೇಂದ್ರ ಚಿಕಿತ್ಸೆ ಕೊಡಿಸಿದ್ದು, ಗುಣಮುಖರಾಗಿದ್ದಾರೆ. ಇನ್ನು ಆರೋಗ್ಯ ಇಲಾಖೆಯ ಅಧಿಕಾರಿಗಳು ಅಡುಗೆಗೆ ಬಳಸಿದ ವಸ್ತುಗಳ ಸ್ಯಾಂಪಲ್‌ ಪಡೆದು ಪರೀಕ್ಷೆಗೆ ಕಳಿಸಿದ್ದಾರೆ.

ತಹಶೀಲ್ದಾರ್ ರೇಹಾಮ್ನ್ ಪಾಷಾ, ಡಿವೈಎಸ್ ಪಿ ಟಿ.ಬಿ.ರಾಜಣ್ಣ , ಪಿಐ ಆರ್ ಎಫ್ ದೇಸಾಯಿ ಹಾಗೂ ಗೋಪನಹಳ್ಳಿ ಪಿಡಿಓ ತಿಪ್ಪೇಸ್ವಾಮಿ ಹಾಗೂ ಮಾನವ ಹಕ್ಕುಗಳ ಆಯೋಗದ ಪೌಂಟೇಷನ್ ನ ಜಿಲ್ಲಾಧ್ಯಕ್ಷ ಸುರೇಶ ಬೆಳಗೆರೆ , ತಾಲ್ಲೂಕು ಅಧ್ಯಕ್ಷ ಬಿ.ತಿಪ್ಲೇಸ್ವಾಮಿ ಹಾಗೂ ಸದಸ್ಯರು ಗ್ರಾಮಪಂಚಾಯಿತಿ ಸದಸ್ಯೆರು ,ಭೇಟಿ ನೀಡಿ ಪರಿಶೀಲನೆ ನಡೆಸಿದರು.