‘ಡೆವಿಲ್’ ಆಗಿ ಬರಲು ಸಜ್ಜಾಗಿದ್ದಾರೆ ನಟ‌ ದರ್ಶನ್: ಹೊಸ ಸಿನಿಮಾ ಬಗ್ಗೆ ಅಭಿಮಾನಿಗಳು‌ ಫುಲ್ ಖುಷ್..!

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಂದ್ರೆ ಕ್ರೇಜ್ ಅಷ್ಟಿಷ್ಟಲ್ಲ. ಅಭಿಮಾನಿ ಬಳಗ ಸಿಕ್ಕಾಪಟ್ಟೆ ದೊಡ್ಡದಿದೆ. ದರ್ಶನ್ ಅಂದ್ರೆ ಸೆಲೆಬ್ರೆಟಿಗಳು ಹೊತ್ತು ಮೆರೆಸುತ್ತಾರೆ. ಅವರ ಸಿನಿಮಾ ಬಂತು ಅಂದ್ರೆ ಕೇಳ್ಬೇಕಾ. ಇದೀಗ ನಟ ದರ್ಶನ್ ಹೊಸ ಸಿನಿಮಾ‌ ಅನೌನ್ಸ್ ಮಾಡಿದ್ದಾರೆ. ಅದು ಟೈಟಲ್ ಸಮೇತ. ಪೂಜೆಯ ನೆರವೇರಿದೆ.

ಸದ್ದಿಲ್ಲದೆ ಸೆಟ್ಟೇರಿದ @dasadarshan ಬಾಸ್ ರವರ ಹೊಸ ಸಿನಿಮಾ ❤️
ಜೈ ಮಾತಾ ಕಂಬೈನ್ಸ್ ಬ್ಯಾನರ್ ಅಡಿಯಲ್ಲಿ ಚಾಲೆಂಜಿಂಗ್ ಸ್ಟಾರ್ ಡಿ ಬಾಸ್ ರವರ ಹೊಸ ಸಿನೆಮಾ #D57 ಮುಹೂರ್ತ ಇಂದು ಬೆಂಗಳೂರಿನ ದೊಡ್ಡ ಮಹಾ ಗಣಪತಿ ದೇವಸ್ಥಾನದಲ್ಲಿ ನೆಡೆಯಿತು🙏#BossOfSandalwood #Dboss
@MilanaPrakash pic.twitter.com/lidF4DLtKX

— Vijay Thoogudeepa (@ThoogudeepaViji) November 2, 2023

ಈಗಾಗಲೇ ಕಾಟೇರ ಸಿನಿಮಾ ರೆಡಿಯಾಗಿದ್ದು, ದರ್ಶನ್ ಅಭಿಮಾನಿಗಳು ಕಾಟೇರ ದರ್ಶನಕ್ಕಾಗಿ ತುದಿಗಾಲಿನಲ್ಲಿ ನಿಂತು ಕಾಯುತ್ತಿದ್ದಾರೆ. ಕಾಟೇರ ಸಿನಿಮಾದ ಸಾಂಗ್ ಒಂದರಲ್ಲಿ ದರ್ಶನ್ ಬ್ಯುಸಿಯಾಗಿದ್ದಾರೆ. ಇದರ ಮಧ್ಯೆ ಡಿ57 ಸಿದ್ಧವಾಗಿದೆ. ಅದುವೆ ಮಿಲನಾ ಪ್ರಕಾಶ್ ಜೊತೆಗೆ.

ತಾರಕ್ ಸಿನಿಮಾ ನಂತರ ಮಿಲನಾ ಪ್ರಕಾಶ್ ಹಾಗೂ ದರ್ಶನ್ ಕಾಂಬೋ ಮತ್ತೆ ಒಂದಾಗಿದೆ. ದೊಡ್ಡ ಗಣಪತಿ ದೇವಸ್ಥಾನದಲ್ಲಿ ಸರಳವಾಗಿ ಈ ಸಿನಿಮಾದ ಮುಹೂರ್ತ ನೆರವೇರಿದೆ. ಫ್ಯಾಮಿಲಿ ಆಡಿಯನ್ಸ್ ಗೆ ಮಿಲನಾ ಪ್ರಕಾಶ್ ಎತ್ತಿದ ಕೈ. ಇದೀಗ ದರ್ಶನ್ ಜೊತೆಗೆ ಹೊಸ ಸಿನಿಮಾ ಘೋಷಣೆ ಮಾಡಿರುವುದು, ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ. ಈ ಸಿನಿಮಾಗೆ ‘ಡೆವಿಲ್’ ಎಂಬ ಟೈಟಲ್ ಇಡಲಾಗಿದೆ. ಅದರ ಜೊತೆಗೆ ದಿ ಹೀರೊ ಎಂಬ ಟ್ಯಾಗ್ ಲೈನ್ ನೀಡಲಾಗಿದೆ. ಹೆಸರು ಕೇಳಿದರೇನೆ ಇದೊಂದು ದೆವ್ವದ ಕಥೆ ಇರಬಹುದಾ ಎಂಬ ಕುತೂಹಲ ಮೂಡಿದೆ. ಇಲ್ಲಿಯ ತನಕ ದರ್ಶನ್ ಯಾವತ್ತು ದೆವ್ವದ ಸಿನಿಮಾದಲ್ಲಿ ನಟಿಸಿಲ್ಲ. ದೆವ್ವದ ನಾಯಕನಾಗಿ ಈ ಸಿನಿಮಾ ಮೂಲಕ ಬರಲಿದ್ದಾರೆ ಎಂಬುದು ಫ್ಯಾನ್ಸ್ ಗೆ ಕುತೂಹಲ ಹೆಚ್ಚಾಗುವುದಕ್ಕೆ ಕಾರಣವಾಗಿದೆ.