ಚೆನ್ನೈ: ಕರ್ನಾಟಕದಲ್ಲಿ ಕಾವೇರಿಯ ಕಾವು ಹೆಚ್ಚಾಗಿತ್ತು. ಮೊದಲೇ ಮಳೆಯಿಲ್ಲದೆ ರೈತ ಕಂಗಲಾಗಿದ್ದಾನೆ. ಹೀಗಿರುವಾಗ ತಮಿಳುನಾಡಿಗೆ ನೀರು ಬಿಡುವುದನ್ನು ವಿರೋಧಿಸಿ ರೈತರು, ಕನ್ನಡಪರ ಸಂಘಟನೆಯವರು ಎರಡು ಬಾರಿ ಬಂದ್ ಮಾಡಿದ್ದರು. ಇದೆ ವೇಳೆ ತಮಿಳು ನಟ ಸಿದ್ಧಾರ್ಥ್ ತನ್ನ ಸಿನಿಮಾ ಪ್ರಚಾರಕ್ಕೆಂದು ಬಂದಿದ್ದಾಗಲೂ ಆತನ ಸುದ್ದಿಗೋಷ್ಟಿಯನ್ನೇ ನಿಲ್ಲಿಸಿದ್ದರು. ಇದಕ್ಕೆ ಶಿವಣ್ಣ ಕೂಡ ನಟ ಸಿದ್ಧಾರ್ಥ್ ಅವರಿಗೆ ಕ್ಷಮೆಯಾಚಿಸಿದ್ದರು.
ಇದೀಗ ನಟ ಸಿದ್ಧಾರ್ಥ್ ಮಾತನಾಡಿದ್ದು, ಯಾರೋ ಹತ್ತು ಮಂದಿ ಗೂಂಡಾಗಳು ಮಾಡಿದ ತಪ್ಪಿಗೆ ಕರ್ನಾಟಕವನ್ನೇಕೆ ದೂರಬೇಕು ಎಂದಿದ್ದಾರೆ. ನನ್ನನ್ನು ತಡೆದವರು ಯಾರೋ ಗೂಂಡಾಗಳು. ಕರ್ನಾಟಕ ಬಹಳಷ್ಟು ಪ್ರೀತಿ ಕೊಟ್ಟಿದೆ. ಈ ಸಂಬಂಧ ಈಗಾಗಲೇ ಶಿವರಾಜ್ ಕುಮಾರ್, ಪ್ರಕಾಶ್ ರೈ ಕ್ಷಮೆ ಕೇಳಿದ್ದಾರೆ. ಆದರೆ ಅವರು ಕ್ಷಮೆ ಕೇಳುವ ಅಗತ್ಯವಿರಲಿಲ್ಲ. ಈಗ ಯಾರೋ ಅಟ್ಯಾಕ್ ಮಾಡಿದರೆ ನಾನು ತಮಿಳುನಾಡನ್ನು ದೂಷಿಸುವುದಕ್ಕೆ ಆಗುತ್ತಾ ಎಂದಿದ್ದಾರೆ.
ಅಂದು ಕರ್ನಾಟಕದಲ್ಲಿ ಪ್ರೆಸ್ ಮೀಟ್ ಮಾಡುವಾಗ ಹಲವರು ಆ ಪ್ರೆಸ್ ಮೀಟ್ ಗೆ ನುಗ್ಗಿ, ನಿಲ್ಲಿಸಿದ್ದರು. ಸಿದ್ಧಾರ್ಥ್ ಎಷ್ಟೇ ಹೇಳಿದರೂ ಕೇಳುವುದಕ್ಕೆ ತಯಾರಿರಲಿಲ್ಲ. ತಮಿಳು ನಟ ಎಂಬ ಒಂದೇ ಒಂದು ಕಾರಣಕ್ಕೆ ಈ ರೀತಿಯ ಸಮಸ್ಯೆ ಆಗಿತ್ತು. ಕೊನೆಗೆ ನಟ ಸಿದ್ಧಾರ್ಥ್ ಕೈಮುಗಿದು ಹೊರ ನಡೆದಿದ್ದರು. ಆ ಬಳಿಕ ಈ ವಿಡಿಯೋ ಸಾಕಷ್ಟು ವೈರಲ್ ಆಗಿತ್ತು. ಇದೀಗ ನಟ ಸಿದ್ಧಾರ್ಥ್ ಮತ್ತೆ ಕರ್ನಾಟಕದ ಮೇಲಿನ ಪ್ರೀತಿ ಬಗ್ಗೆ ಮಾತನಾಡಿದ್ದಾರೆ.
Newbie Techy