ಮಾನವನ ಜೀವನಕ್ಕೆ ಸಂಬಂಧಿಸಿದಂತೆ ಆಚಾರ್ಯ ಚಾಣಕ್ಯರು ಅನೇಕ ಮಹತ್ತರವಾದ ವಿಷಯಗಳನ್ನು ತಿಳಿಸಿದ್ದಾರೆ. ನಮ್ಮ ಜೀವನದಲ್ಲಿ ಮುಂದೆ ನಡೆಯುವ ಘಟನೆಗಳನ್ನು ಚಾಣಕ್ಯರು ಅಂದೇ ತಮ್ಮ ನೀತಿಶಾಸ್ತ್ರದಲ್ಲಿ ನಿಖರವಾಗಿ ಅಂದಾಜಿಸಿ ಹೇಳಿದ್ದಾರೆ. ಇಂದಿಗೂ ಇವುಗಳನ್ನು ತಿಳಿದುಕೊಳ್ಳಲು ಜನರು ಅಪಾರ ಆಸಕ್ತಿ ತೋರಿಸುತ್ತಾರೆ. ಅದರಲ್ಲೂ ಮುಖ್ಯವಾಗಿ, ಕೆಲವು ನಿರ್ದಿಷ್ಟ ವ್ಯಕ್ತಿಗಳ ಮನೆಯಲ್ಲಿ ಆಹಾರ ಸೇವಿಸುವುದರಿಂದ ನಮ್ಮ ಗೌರವ, ಮರ್ಯಾದೆ ಹಾಳಾಗುತ್ತದೆ ಎಂದು ಚಾಣಕ್ಯರು ಎಚ್ಚರಿಸಿದ್ದಾರೆ. ಹಾಗಾದರೆ ಆ ವ್ಯಕ್ತಿಗಳು ಯಾರು ಎಂಬುದನ್ನು ಇಲ್ಲಿ ತಿಳಿಯೋಣ.
ಕಳ್ಳತನ, ವಂಚನೆ ಮಾಡುವವರ ಆಹಾರ ಪಾಪದ ಕೂಳು
ಕಳ್ಳತನ, ಮೋಸ ಮತ್ತು ಭ್ರಷ್ಟಾಚಾರದ ಮೂಲಕ ಹಣ ಗಳಿಸುವವರ ಮನೆಯಲ್ಲಿ ಎಂದಿಗೂ ಊಟ ಮಾಡಬಾರದು. ಏಕೆಂದರೆ ಅದು ಪಾಪದ ಹಣದಿಂದ ಸಿದ್ಧಪಡಿಸಿದ ಆಹಾರವಾಗಿರುತ್ತದೆ. ಅಂತಹ ದುಷ್ಟತನದ ಸಂಪಾದನೆಯಿಂದ ಮಾಡಿದ ಅನ್ನವು ಮನುಷ್ಯನಿಗೆ ಒಳಿತನ್ನು ಮಾಡುವುದಿಲ್ಲ. ಇಂತಹವರ ಮನೆಯ ಆಹಾರವನ್ನು ಸೇವಿಸುವುದರಿಂದ ನಿಮ್ಮ ಮಾನಸಿಕ ನೆಮ್ಮದಿ ಮತ್ತು ಆರೋಗ್ಯ ಸಂಪೂರ್ಣವಾಗಿ ನಾಶವಾಗುತ್ತದೆ ಎಂದು ಚಾಣಕ್ಯರು ಹೇಳಿದ್ದಾರೆ.
ಸಮಾಜದಲ್ಲಿ ಗೌರವ ಇಲ್ಲದವರು ಹಾಗೂ ದುಷ್ಟರು
ಸಮಾಜದಲ್ಲಿ ಯಾವುದೇ ನೈತಿಕ ಮೌಲ್ಯಗಳಿಲ್ಲದ ಮತ್ತು ಕೆಟ್ಟ ಕೆಲಸಗಳನ್ನು ಮಾಡುವವರ ಮನೆಗೆ ಅವರು ಕರೆದರೂ ಸಹ ಹೋಗಬಾರದು. ಇಂತಹ ವ್ಯಕ್ತಿಗಳ ಮನೆಯಲ್ಲಿ ಆಹಾರವನ್ನು ಸೇವಿಸುವುದರಿಂದ ಶರೀರಕ್ಕೆ ಯಾವುದೇ ಉತ್ತಮ ಪೋಷಕಾಂಶಗಳು ಸಿಗುವುದಿಲ್ಲ, ಬದಲಿಗೆ ಅದು ದೇಹಕ್ಕೆ ಹಾನಿಕರ. ಅಷ್ಟೇ ಅಲ್ಲದೆ, ಇಂತಹವರ ಸ್ನೇಹದಿಂದಲೂ ಸದಾ ದೂರವಿರಬೇಕು.
ಅಹಂಕಾರ ಮತ್ತು ಕೋಪದಿಂದ ಬಡಿಸುವ ಅನ್ನ ವಿಷಕ್ಕೆ ಸಮಾನ
ಆಹಾರವನ್ನು ಯಾವಾಗಲೂ ಪ್ರೀತಿ ಮತ್ತು ಗೌರವದಿಂದ ಬಡಿಸಬೇಕು. ಯಾರಾದರೂ ಅಹಂಕಾರದಿಂದ ಅಥವಾ ಕೋಪದಿಂದ ಅನ್ನವನ್ನು ಬಡಿಸಿದರೆ, ಅದನ್ನು ಎಂದಿಗೂ ತಿನ್ನಬೇಡಿ. ಇಂತಹ ಆಹಾರವು ವಿಷಕ್ಕೆ ಸಮಾನ ಎಂದು ಚಾಣಕ್ಯರು ಅಭಿಪ್ರಾಯಪಟ್ಟಿದ್ದಾರೆ. ಇವರ ಮನೆಯಲ್ಲಿ ಊಟ ಮಾಡುವುದರಿಂದ ದೇಹದಲ್ಲಿ ನಕಾರಾತ್ಮಕ ಶಕ್ತಿ ಪ್ರವೇಶಿಸುತ್ತದೆ, ಇದು ಜೀವನಕ್ಕೆ ಅಷ್ಟು ಒಳ್ಳೆಯದಲ್ಲ.
