ಬಿಗ್ ಬಾಸ್ ಸೀಸನ್ 11ರ ಬಹುನಿರೀಕ್ಷಿತ ಸ್ಪರ್ಧಿಯಾಗಿ ಮಾನಸ ಮನೆಯೊಳಗೆ ಎಂಟ್ರಿಯಾಗಿದ್ದರು. ಬಿಗ್ ಬಾಸಚ ಮಾನಸ ವೇದಿಕೆ ಮೇಲೆ ಮಾಡುತ್ತಿದ್ದ ಕಾಮಿಡಿ, ಆ ಕ್ಷಣಕ್ಕೆ ಕೊಡುತ್ತಿದ್ದ ಟಾಂಟ್ ಎಲ್ಲವೂ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಜನರ ಬೇಡಿಕೆಗೆ ಅನುಸಾರವಾಗಿ ಬಿಗ್ ಬಾಸ್ ಮನೆಗೆ ಮಾನಸಾ ಬಂದಿದ್ದರು. ಆದರೆ ಮನೆಯೊಳಗೆ ಮಾನಸ ನಡೆದುಕೊಂಡ ರೀತಿ, ತಮಾಷೆಯನ್ನೇ ಮಾಡದೆ ಇದ್ದ ರೀತಿ ಜನರಿಗೆ ಬೇಸರ ತರಿಸಿತ್ತು. ನಿರೀಕ್ಷೆ ಸುಳ್ಳಾಗಿತ್ತು. ಅತ್ತ ಟ್ರೋಲರ್ಸ್ ಗೆ ಮಾತ್ರ ಮೃಷ್ಟಾನ್ನ ಭೋಜನವನ್ನೇ ನೀಡಿದರು.
ಮಾನಸಾ ಅವರ ಜೂಮ್ ಫೋಟೋಗಳ ಜೊತೆಗೆ ಪ್ರಾಣಿಗಳ ಫೋಟೋ ಹಾಕಿ ಕೆಟ್ಟದಾಗಿ ಟ್ರೋಲ್ ಮಾಡಿದ್ದರು. ಇದೀಗ ಮಾನಸ ದೊಡ್ಮನೆಯಿಂದ ಹೊರಗೆ ಬಂದಿದ್ದಾರೆ. ಈ ಫೋಟೋಗಳನ್ನೆಲ್ಲ ನೋಡಿ ಅವರು ಕೂಡ ಶಾಕ್ ಆಗಿದ್ದಾರೆ. ಜೊತೆಗೆ ಬೇಸರ ಕೂಡ ಮಾಡಿಕೊಂಡಿದ್ದರಂತೆ.
ಈ ಬಗ್ಗೆ ಮಾತನಾಡಿರುವ ಮಾನಸ, ಒಂದು ಕಡೆ ಹಂದಿ ಫೋಟೋ ಹಾಕಿದ್ದಾರೆ, ಮತ್ತೊಂದು ಕಡೆ ನನ್ನ ಫೋಟೋ ಹಾಕಿದ್ದಾರೆ. ಮೊದ ಮೊದಲು ಆಫೋಟೋ ನೋಡಿ ಜಿಗುಪ್ಸೆ ಬಂತು. ಆ ಫೋಟೋ ನೋಡಿ ಅಳುತ್ತಾ ಇದ್ದೆ. ಆಮೇಲೆ ಸಂತು ಬಂದು ಸಮಾಧಾನ ಮಾಡಿದರು. ಈಗ ಆ ಫೋಟೋ ನೋಡಿದರೆ ಬೇಸರ ಆಗಲ್ಲ. ನನಗಾಗಿ ಟೈಮ್ ಕೊಟ್ಟು ಇಷ್ಟೆಲ್ಲ ಮಾಡ್ತಾರಲ್ಲ ಅನ್ನಿಸುತ್ತೆ.
ಆದರೆ ನನ್ನದೊಂದು ಪ್ರಶ್ನೆ. ತುಂಬಾ ಅಸಹ್ಯವಾಗಿ ಟ್ರೋಲ್ ಮಾಡಿದ್ರಲ್ಲ ಅವರ ಮನೆಯಲ್ಲಿ ಎಲ್ಲರೂ ಸುಂದರವಾಗಿಯೇ ಇದ್ದಾರಾ..? ಪ್ರಪಂಚದಲ್ಲಿ ಚೆನ್ನಾಗಿ ಇಲ್ಲದೆ ಇರುವವರು ಇರುತ್ತಾರೆ ಅಲ್ವಾ ಎಂದು ಮಾನಸ ಪ್ರಶ್ನೆ ಮಾಡಿದ್ದಾರೆ. ಟ್ರೋಲ್ ನೋಡಿ ನೋವಾಗಿದ್ದನ್ನು ಹಂಚಿಕೊಂಡಿದ್ದಾರೆ.
