ತಮಿಳುನಾಡಿನ ಉಪಮುಖ್ಯಮಂತ್ರಿಯಾಗಿ ತ್ರಿಶಾ..? ಬಾಂಬ್ ಸಿಡಿಸಿದ ಮಾಜಿ ಸಚಿವ..!

ಸುದ್ದಿಒನ್, ಚೆನ್ನೈ, ಜೂನ್‌. 28 : ತಮಿಳುನಾಡು ರಾಜಕೀಯದಲ್ಲಿ ಏನು ಬೇಕಾದರೂ ಸಾಧ್ಯ! ನಿನ್ನೆಯವರೆಗೂ ಬೆಳ್ಳಿತೆರೆಯಲ್ಲಿ ದಳಪತಿ ವಿಜಯ್ ಜೊತೆಗೆ ಚಲನಚಿತ್ರಗಳಲ್ಲಿ ಹಾಡಿ ಕುಣಿದಿದ್ದ ನಟಿ ತ್ರಿಷಾ ಶೀಘ್ರದಲ್ಲೇ ಉಪಮುಖ್ಯಮಂತ್ರಿ ಸ್ಥಾನದಲ್ಲಿ ಕುಳಿತುಕೊಳ್ಳಲಿದ್ದಾರೆ. ಅವರು ಅಧಿಕೃತವಾಗಿ ಸಿಎಂ ವಿಜಯ್ ಪಕ್ಕದಲ್ಲಿ ಕುಳಿತುಕೊಳ್ಳಲಿದ್ದಾರೆ. ನಾಳೆ ಬೆಳಿಗ್ಗೆ, ನಟಿ ತ್ರಿಷಾ ತಮಿಳುನಾಡು ಸಚಿವಾಲಯದಲ್ಲಿ ದಳಪತಿ ವಿಜಯ್ ಪಕ್ಕದಲ್ಲಿ ಉಪಮುಖ್ಯಮಂತ್ರಿಯಾಗಿ ಕುಳಿತುಕೊಳ್ಳಬಹುದು ಎಂದು ಹೇಳುತ್ತಿರುವ ವ್ಯಕ್ತಿ ಬೇರೆ ಯಾರೂ ಅಲ್ಲ, ವಿರೋಧ ಪಕ್ಷದ ಎಐಎಡಿಎಂಕೆ ಪಕ್ಷದ ನಾಯಕ.

ಇತ್ತೀಚೆಗೆ, ಸಿಎಂ ವಿಜಯ್ ಅವರು ಕರ್ನಾಟಕದ ಪ್ರಸಿದ್ಧ ಚಲನಚಿತ್ರ ನಿರ್ಮಾಪಕ ಮತ್ತು ಕೆವಿಎನ್ ಪ್ರೊಡಕ್ಷನ್ಸ್ ಮುಖ್ಯಸ್ಥ ವೆಂಕಟ ನಾರಾಯಣ ಅವರನ್ನು ದೆಹಲಿಯಲ್ಲಿ ತಮಿಳುನಾಡು ಸರ್ಕಾರದ ವಿಶೇಷ ಪ್ರತಿನಿಧಿಯಾಗಿ ನೇಮಿಸಿದರು. ವಿಜಯ್ ಜನ ನಾಯಗನ್ ಚಿತ್ರವನ್ನು ನಿರ್ಮಿಸಿದ್ದಾರೆ ಎಂಬ ಕಾರಣಕ್ಕಾಗಿ ನಮ್ಮ ರಾಜ್ಯದ ನಾಗರಿಕನಿಗೆ ತಮಿಳುನಾಡಿನ ಪರವಾಗಿ ಬಹಳ ಮುಖ್ಯವಾದ ನಾಮನಿರ್ದೇಶಿತ ಹುದ್ದೆಯನ್ನು ನೀಡಲಾಗಿದೆ ಎಂಬ ಅಂಶದ ಬಗ್ಗೆ ದೊಡ್ಡ ವಿವಾದ ಭುಗಿಲೆದ್ದಿದೆ. 8 ಕೋಟಿ ಜನಸಂಖ್ಯೆಯನ್ನು ಹೊಂದಿರುವ ತಮಿಳುನಾಡಿನಲ್ಲಿ ದೆಹಲಿಗೆ ಕಳುಹಿಸಲು ಒಬ್ಬ ತಮಿಳಿಗನೂ ಸಿಗಲಿಲ್ಲವಾ ಎಂದು ವಿರೋಧ ಪಕ್ಷಗಳು ಆಕ್ರೋಶ ವ್ಯಕ್ತಪಡಿಸುತ್ತಿವೆ.

ಇದೀಗ ಇದನ್ನೆ ಗುರಿಯಾಗಿಸಿಕೊಂಡು ಎಐಎಡಿಎಂಕೆ ಮಾಜಿ ಸಚಿವ ಉದಯಕುಮಾರ್ ಅವರು ಮಾತನಾಡಿ ಸಿಎಂ ವಿಜಯ್ ತಮ್ಮ ಸ್ನೇಹಿತರು ಮತ್ತು ಚಲನಚಿತ್ರ ರಂಗದವರಿಗಾಗಿ ಸರ್ಕಾರಿ ಉದ್ಯೋಗಗಳು ಮತ್ತು ಉನ್ನತ ಹುದ್ದೆಗಳನ್ನು ನೀಡುತ್ತಿದ್ದಾರೆ ಮತ್ತು ಈ ಪ್ರವೃತ್ತಿ ಮುಂದುವರಿದರೆ, ಮುಂಬರುವ ದಿನಗಳಲ್ಲಿ ಮೇಡಂ ತ್ರಿಷಾ ಅವರನ್ನು ಉಪಮುಖ್ಯಮಂತ್ರಿಯನ್ನಾಗಿ ಮಾಡಿದರೂ ಆಶ್ಚರ್ಯಪಡಬೇಕಾಗಿಲ್ಲ ಎಂದು ಹೇಳಿದ್ದಾರೆ.

ಮುಖ್ಯಮಂತ್ರಿ ವಿಜಯ್ ಅವರ ಆಡಳಿತ ಮತ್ತು ಅವರು ತೆಗೆದುಕೊಳ್ಳುತ್ತಿರುವ ನಿರ್ಧಾರಗಳನ್ನು ಟೀಕಿಸಲು ವಿರೋಧ ಪಕ್ಷಗಳು ವಿಜಯ್ ಅವರ ಕ್ರೇಜಿ ಕಾಂಬಿನೇಷನ್ ತ್ರಿಶಾ ಹೆಸರನ್ನು ಮುನ್ನೆಲೆಗೆ ತಂದಿವೆ. ಕೇವಲ ಸ್ನೇಹಕ್ಕಾಗಿ ಅವರು ಸರ್ಕಾರದ ಉನ್ನತ ನೀಡುತ್ತಿದ್ದರೆ ನಾಳೆ ತ್ರಿಶಾಗೆ ಉಪಮುಖ್ಯಮಂತ್ರಿ ಹುದ್ದೆ ನೀಡುತ್ತಾರೆ ಎಂಬ ಉದಯ್ ಕುಮಾರ್ ಅವರ ರಾಜಕೀಯ ಟೀಕೆ ಈಗ ರಾಜ್ಯದಾದ್ಯಂತ ಚರ್ಚೆಯಾಗಿದೆ. ಎಐಎಡಿಎಂಕೆ ಮಾಡಿದ ಈ ‘ಉಪ ಮುಖ್ಯಮಂತ್ರಿ ತ್ರಿಶಾ’ ಹೇಳಿಕೆಗಳಿಗೆ ವಿಜಯ್ ಅವರ ಪಕ್ಷ ಮತ್ತು ಟಿವಿಕೆಯ ಕಾರ್ಯಕರ್ತರು ಹೇಗೆ ಪ್ರತಿಕ್ರಿಯಿಸುತ್ತವೆ ಎಂಬುದನ್ನು ಕಾದು ನೋಡಬೇಕಾಗಿದೆ.