ಗಾಯಕಿ ಅರ್ಚನಾ ಉಡುಪಾಗೆ ಕ್ಯಾನ್ಸರ್ ; ವಿಡಿಯೋ ಮೂಲಕ ಬೇಸರ..!

ಬೆಂಗಳೂರು; ಸೋಷಿಯಲ್ ಮೀಡಿಯಾ ಡೆವಲಪ್ ಆದ ಮೇಲಂತು ಯಾವುದು ಸತ್ಯ, ಯಾವುದು ಸುಳ್ಳು ಎಂಬುದೇ ಅರ್ಥವಾಗಲ್ಲ. ಹಾಗೇ ನೋಡ ನೋಡುತ್ತಲೇ ವೈರಲ್ ಆಗಿ ಬಿಡುತ್ತವೆ. ಅದು ಹಳೆಯ ಸುದ್ದಿನಾ ಅಥವಾ ಹೊಸ ಸುದ್ದಿನಾ ಎಂಬುದನ್ನು ನೋಡುವುದಿಲ್ಲ. ಆ ರೀತಿ ಜನ ನಂಬಿ ಬಿಡುವಷ್ಟು ಸ್ಟ್ರಾಂಗ್ ಆಗಿದೆ ಇಂದಿನ ಸೋಷಿಯಲ್ ಮೀಡಿಯಾ. ಈಗ ಅರ್ಚನಾ ಉಡುಪಾಗೂ ಬೇಸರ ಮಾಡಿಸಿರುವುದು ಇದೇ. ಈ ಸಂಬಂಧ ಅರ್ಚನಾ ಉಡುಪಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋವೊಂದನ್ನ ಮಾಡಿ ಕ್ಲಾರಿಟಿ ನೀಡಿದ್ದಾರೆ.

ಅರ್ಚನಾ ಅವರಿಗೆ ಆರೋಗ್ಯ ಸಮಸ್ಯೆ ಇದೆ, ಕ್ಯಾನ್ಸರ್ ಇದೆ ಎಂದೆಲ್ಲಾ ಹಬ್ಬಿಸಿದ್ದಾರೆ. ಇದರಿಂದ ಮಾನಸಿಕವಾಗಿಯೂ ಅರ್ಚನಾ ನೊಂದಿದ್ದಾರೆ. ವಿಡಿಯೋ ಮೂಲಕ ಹೇಳಿದ್ದೇನು ಅಂದ್ರೆ, ‘ಎಲ್ಲರಿಗೂ ನಮಸ್ಕಾರ. ನನ್ನನ್ನು ತುಂಬಾ ದಿನಗಳಿಂದ ಕಾಡುತ್ತಿದ್ದ ಎರಡು ಮುಖ್ಯವಾದ ವಿಚಾರವನ್ನು ಇವತ್ತು ನಾನು ನಿಮ್ಮ ಮುಂದೆ ಹಂಚಿಕೊಳ್ಳಬೇಕು ಅಂತ ಈ ವಿಡಿಯೋ ಮಾಡ್ತಾ ಇದ್ದೇನೆ. ಈ ವಿಡಿಯೋ ಮಾಡಬೇಕೋ..? ಬೇಡವೋ..? ಇದರಿಂದ ಉಪಯೋಗ ಆಗುತ್ತೋ ಇಲ್ವೋ ಎಂಬ ಅನುಮಾನ ಮನಸ್ಸಲ್ಲಿ ಇತ್ತು ಎಂದಿದ್ದಾರೆ.

3-4 ವರ್ಷಗಳ ಹಿಂದೆ ನಾನು ಒಂದು ಸಂದರ್ಶನ ನೀಡಿದ್ದೆ. ನನಗೆ 20 ವರ್ಷಗಳ ಹಿಂದೆ ಗಂಟಲಿನಲ್ಲಿ ಸಣ್ಣ ಸಮಸ್ಯೆ ಉಂಟಾಗಿ ತಿಂಗಳುಗಳ ಕಾಲ ನನಗೆ ಹಾಡಲು ಆಗುತ್ತಾ ಇರಲಿಲ್ಲ ಎಂಬ ವಿಷಯವನ್ನು ಆ ಸಂದರ್ಶನದಲ್ಲಿ ಹೇಳಿಕೊಂಡೊದ್ದೆ. ಆ ತೊಂದರೆಯಿಂದ ನಾನು ಹೇಗೆ ಹೊರಗೆ ಬಂದೆ..? ಮತ್ತೆ ಹೇಗೆ ಹಾಡಲು ಶುರು ಮಾಡಿದೆ ಎಂಬುದನ್ನು ನಾಲ್ಕು ಜನಕಗಕೆ ಉಪಯೋಗ ಆಗಲಿ ಅಂತ ಹಂಚಿಕೊಂಡಿದ್ದೆ. ಪ್ರಚಾರಕ್ಕಾಗಿ ಅವರು ಅದರ ಕ್ಲಿಪ್ ಮಾತ್ರ ಹಾಕಿದ್ದಾರೆ. ಪೂರ್ತಿಯಾಹಿ ಸಂದರ್ಶನ ನೋಡದೆ ಕೇವಲ ಚಿಕ್ಕ ತುಣಕು ನೋಡಿಕೊಂಡು ನನಗೆ ಹಾಡಲು ಆಗುತ್ತಿಲ್ಲ, ಹಾಡುವುದನ್ನೇ ನಿಲ್ಲಿಸಿದ್ದೇನೆ, ಗಂಟಲು ಹೊರಟು ಹೋಗಿದೆ ಅಂತ ತುಂಬಾ ಜನ ಹಬ್ಬಿಸಿದ್ದಾರೆ ಎಂದು ನೋವು ತೋಡಿಕೊಂಡಿದ್ದಾರೆ.