ಚುನಾವಣಾ ಆಯೋಗದ ವಿರುದ್ಧ ಕಿಡಿಕಾರಿದ ರಾಹುಲ್ ಗಾಂಧಿ

ಸುದ್ದಿಒನ್ : ಲೋಕಸಭೆಯ ವಿರೋಧ ಪಕ್ಷದ ನಾಯಕ ಮತ್ತು ಹಿರಿಯ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಚುನಾವಣಾ ಆಯೋಗದ ವಿರುದ್ಧ ಪರಮಾಣು ಬಾಂಬ್‌ನಂತಹ ಪುರಾವೆಗಳಿವೆ ಎಂದು ಹೇಳಿದರು.

ದೆಹಲಿಯಲ್ಲಿ ಇಂದು ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದರು. ಮಹಾರಾಷ್ಟ್ರ ಚುನಾವಣೆಯಲ್ಲಿ ಚುನಾವಣಾ ಆಯೋಗ ಅಕ್ರಮಗಳನ್ನು ಮಾಡಿದೆ. ಚುನಾವಣಾ ಆಯೋಗವು ಬಿಜೆಪಿಗಾಗಿ ಮತಗಳನ್ನು ಕದ್ದಿದೆ. ಚುನಾವಣೋತ್ತರ ಸಮೀಕ್ಷೆಗಳು ಮತ್ತು ಚುನಾವಣೆ ನಂತರದ ಫಲಿತಾಂಶಗಳ ನಡುವೆ ಬಹಳಷ್ಟು ವ್ಯತ್ಯಾಸವಿದೆ ಎಂದು ಅವರು ಹೇಳಿದರು. ಮಹಾರಾಷ್ಟ್ರ ಮತ್ತು ಹರಿಯಾಣ ಚುನಾವಣೆಗಳಲ್ಲಿ ಅಕ್ರಮಗಳು ನಡೆದಿವೆ. ಮತದಾನಕ್ಕೆ ಸಂಬಂಧಿಸಿದ ಸಿಸಿಟಿವಿ ದೃಶ್ಯಾವಳಿಗಳನ್ನು ನಾಶಪಡಿಸಲಾಗಿದೆ. ಸಂಜೆ 5 ಗಂಟೆಯ ನಂತರ ಹೆಚ್ಚಿನ ಸಂಖ್ಯೆಯ ಮತದಾನ ದಾಖಲಾಗಿದೆ. ಮಹಾರಾಷ್ಟ್ರದಲ್ಲಿ 40 ಲಕ್ಷ ರಹಸ್ಯ ಮತದಾರರನ್ನು ಸೇರಿಸಲಾಗಿದೆ. ಚುನಾವಣಾ ಆಯೋಗವು ಎಲೆಕ್ಟ್ರಾನಿಕ್ ಡೇಟಾವನ್ನು ನೀಡುತ್ತಿಲ್ಲ. ಮತದಾರರ ಪಟ್ಟಿಯನ್ನು ಸಹ ನೀಡಲಿಲ್ಲ. ಚುನಾವಣಾ ಆಯೋಗವು ಐದು ವಿಭಿನ್ನ ದಿನಾಂಕಗಳಲ್ಲಿ ಮತಗಳನ್ನು ಕದ್ದಿದೆ‌. ಕರ್ನಾಟಕದ ಮಹದೇವಪುರದಲ್ಲಿ ಮತಗಳನ್ನು ಕದ್ದಿದೆ
ಎಂದು ಅವರು ಆರೋಪಿಸಿದರು.

ನಾಲ್ಕು ಮತಗಟ್ಟೆಗಳಿಗೆ ಒಂದೇ ಮತದಾರನ ಹೆಸರನ್ನು ಸೇರಿಸಲಾಗಿದೆ. ಬಹು ಮತಗಟ್ಟೆಗಳಲ್ಲಿ 11 ಸಾವಿರ ಜನರು ಮತ ಚಲಾಯಿಸಿದ್ದಾರೆ. ಒಂದೇ ಮನೆಯಲ್ಲಿ 80 ಮತದಾರರಿದ್ದಾರೆ ಎಂದು ತೋರಿಸಲಾಗಿದೆ. ಮಹದೇವಪುರದಲ್ಲಿ 11965 ನಕಲಿ ಮತದಾರರಿದ್ದಾರೆ. ನಾಲ್ಕು ರಾಜ್ಯಗಳಲ್ಲಿ ಒಬ್ಬನೇ ಮತದಾರ ಮತ ಚಲಾಯಿಸಿದ್ದಾನೆ. ಕರ್ನಾಟಕ, ಮಹಾರಾಷ್ಟ್ರ ಮತ್ತು ಯುಪಿಯಲ್ಲಿ ಒಂದೇ ಮತದಾರನಿಗೆ ಮತದಾನದ ಹಕ್ಕಿದೆ. ಮಹದೇವಪುರದಲ್ಲಿ 1 ಲಕ್ಷ 250 ಮತಗಳನ್ನು ಕದ್ದಿದ್ದಾರೆ. ಬಿಜೆಪಿ ಪ್ರಜಾಪ್ರಭುತ್ವವನ್ನು ಕೊಲೆ ಮಾಡುತ್ತಿದೆ ಎಂದು ರಾಹುಲ್ ಗಾಂಧಿ ಹೇಳಿದರು.