ಜುಲೈ 25 ರಂದು ಶಾಸಕ ಕೆ.ಸಿ. ವೀರೇಂದ್ರ ಅವರಿಂದ ಡಿವೈಡರ್ ಕಾಮಗಾರಿಗಳ ವೀಕ್ಷಣೆ ಹಾಗೂ ಅಹವಾಲು ಆಲಿಕೆ

ಸುದ್ದಿಒನ್, ಚಿತ್ರದುರ್ಗ,(ಜು.24): ನಗರದ ವಿವಿಧೆಡೆ ರಸ್ತಗಳಲ್ಲಿ ನಿರ್ಮಾಣಗೊಂಡಿರುವ ಡಿವೈಡರ್‍ಗಳು ಹಾಗೂ ಇತರೆ ಕಾಮಗಾರಿಗಳ ಕುರಿತು ಚಿತ್ರದುರ್ಗ ಶಾಸಕ ಕೆ.ಸಿ. ವೀರೇಂದ್ರ ಪಪ್ಪಿ ಅವರು ಹಾಗೂ ಇವರೊಂದಿಗೆ ಜಿಲ್ಲಾಧಿಕಾರಿಗಳು, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ಮತ್ತು ಸಂಬಂಧಪಟ್ಟ ಅಧಿಕಾರಿಗಳ ಸಮಕ್ಷಮದಲ್ಲಿ ಜು. 25 ರಂದು ಮಧ್ಯಾಹ್ನ 01 ಗಂಟೆಯಿಂದ ವೀಕ್ಷಣೆ ನಡೆಸುವರು ಅಲ್ಲದೆ ಈ ಬಗ್ಗೆ ಸಾರ್ವಜನಿಕರಿಂದ ಅಹವಾಲುಗಳನ್ನು ಆಲಿಸುವರು.

ಜು. 25 ರಂದು ಮಧ್ಯಾಹ್ನ 01 ಗಂಟೆಗೆ ಹೊಳಲ್ಕೆರೆ ರಸ್ತೆ ಕನಕದಾಸ ವೃತ್ತ ಬಳಿಯಿಂದ ಕಾಮಗಾರಿಗಳ ವೀಕ್ಷಣೆ ಪ್ರಾರಂಭವಾಗಲಿದ್ದು, ಬಳಿಕ ಗೌರಸಮುದ್ರ ಮಾರಮ್ಮ ದೇವಸ್ಥಾನ ಬಳಿ, ಹೆಡ್ ಪೋಸ್ಟ್ ಆಫೀಸ್, ಗಾಂಧಿ ಸರ್ಕಲ್, ಎಸ್‍ಬಿಐ ಬ್ಯಾಂಕ್ ಸರ್ಕಲ್, ಪ್ರವಾಸಿ ಮಂದಿರ, ವಿ.ಪಿ. ಬಡಾವಣೆ ರಸ್ತೆ ಮತ್ತು ಜೆಸಿಆರ್ ರಸ್ತೆ, ಆರ್‍ಟಿಒ ಕಚೇರಿ ರಸ್ತೆ, ತುರುವನೂರು ರಸ್ತೆ, ಮದಕರಿ ನಾಯಕ ವೃತ್ತ, ಸಾರ್ವಜನಿಕ ಆಸ್ಪತ್ರೆ ಮುಂಭಾಗ ಹಾಗೂ ಚಳ್ಳಕೆರೆ ಗೇಟ್ ವರೆಗಿನ ಡಿವೈಡರ್ ಕಾಮಗಾರಿಗಳು ಮತ್ತು ಇತರೆ ಕಾಮಗಾರಿಗಳ ವೀಕ್ಷಣೆ ಮಾಡುವರು.  ಸಾರ್ವಜನಿಕರು ಈ ಬಗ್ಗೆ ಸೂಕ್ತ ಅಹವಾಲುಗಳನ್ನು ಸಲ್ಲಿಸಬಹುದಾಗಿದೆ ಎಂದು ಚಿತ್ರದುರ್ಗ ಶಾಸಕರ ಕಚೇರಿ ಪ್ರಕಟಣೆ ತಿಳಿಸಿದೆ.