ಮೊಳಕಾಲ್ಮೂರು ಪೊಲೀಸರ ಕಾರ್ಯಾಚರಣೆ : 09 ಮಂದಿ ಅಂತರ್ ರಾಜ್ಯ ನಿಧಿ ಕಳ್ಳರ ಬಂಧನ

ಸುದ್ದಿಒನ್, ಚಿತ್ರದುರ್ಗ, ಮಾರ್ಚ್. 23 : ಮೊಳಕಾಲ್ಮೂರು ತಾಲ್ಲೂಕಿನಲ್ಲಿ ಐತಿಹಾಸಿಕ ಸ್ಥಳಗಳಾದ ಅಶೋಕನ ಶಿಲಾ ಶಾಸನ, ಜಟಿಂಗರಾಮೇಶ್ವರ, ಶ್ರೀ ನುಂಕಮಲೆಸಿದ್ದೇಶ್ವರ ದೇವಸ್ಥಾನದಂತಹ ಪುರಾತನ ಸ್ಥಳಗಳಲ್ಲಿ ಪುರಾತನ ನಿಧಿ, ಶಾಸನ, ವಿಗ್ರಹಗಳನ್ನ ಕಳುವು ಮಾಡಿ ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಿದ್ದ ಕರ್ನಾಟಕ-ಆಂದ್ರಪ್ರದೇಶ-ತಮಿಳುನಾಡು ರಾಜ್ಯದವರಾದ 09 ಮಂದಿ ಅಂತರ್ ರಾಜ್ಯ ನಿಧಿ ಕಳ್ಳರನ್ನು ಮೊಳಕಾಲ್ಮೂರು ಪೊಲೀಸರು ಬಂಧಿಸಿದ್ದಾರೆ.

ಬಂಧಿತರನ್ನು ಚಿತ್ರದುರ್ಗ ಜಿಲ್ಲೆಯವರಾದ

1] ತಿಮ್ಮರಾಜು ತಂದೆ ಮರಿಸ್ವಾಮಿ ಭೈರಾಪುರ ಗ್ರಾಮ, ಮೊಳಕಾಲ್ಮೂರು ತಾಲೂಕು,
2] ರಾಮಾಂಜಿನಿ ತಂದೆ ಪಾತಯ್ಯ, 45 ವರ್ಷ, ತೆಂಗಿನಗೌರಸಮುದ್ರ ಗ್ರಾಮ, ಮೊಳಕಾಲ್ಮೂರು ತಾಲ್ಲೂಕು,
3] ಟಿ.ಸಣ್ಣಪ್ಪ ತಂದೆ ತಿಮ್ಮಣ್ಣ, ಸುಮಾರು 60 ವರ್ಷ, ಗುಂಡೂರು ಗ್ರಾಮ, ಮೊಳಕಾಲ್ಮೂರು ಟೌನ್.
4] ಮೈಲಾರಪ್ಪ ತಂದೆ ಈರನಾಗಪ್ಪ, ಸುಮಾರು 52 ವರ್ಷ, ಬೊಮ್ಮಲಿಂಗೇನಹಳ್ಳಿ, ಗ್ರಾಮ, ಮೊಳಕಾಲ್ಮೂರು ತಾಲ್ಲೂಕು,

ತಮಿಳುನಾಡಿನ
5] ವೇಣು ತಂದೆ ಜಿ,ಗೋಪಾಲಪ್ಪ, 38 ವರ್ಷ, ಕೃಷ್ಣಗಿರಿ ಜಿಲ್ಲೆ,
6] ಎಂ.ಆರ್.ಮಂಜುನಾಥ ತಂದೆ ಮುನಿಯಪ್ಪ, ಸುಮಾರು 42 ವರ್ಷ, ಪ್ಲಂಬರ್, ತಳಿಕೊತ್ತೂಯಾರ್‌, ಕೃಷ್ಣಗಿರಿ ಜಿಲೆ,
7] ಎಂ.ಆನಂದ ತಂದೆ ಮುತ್ತಪ್ಪ, ಸುಮಾರು 36 ವರ್ಷ ಡ್ರೈವರ್ ಕೆಲಸ, ಎನ್.ಕೊತ್ತೂರು, ಕೃಷ್ಣಗಿರಿ ಜಿಲ್ಲೆ,

ಮತ್ತು ತೆಲಂಗಾಣದ
8] ಸಲ್ಕಾಪುರಂ ಶ್ರೀನಿವಾಸಲು ತಂದೆ ಸಲ್ಕಾಪುರ ತಿಮ್ಮಯ್ಯ, ಸುಮಾರು 45 ವರ್ಷ, ಚಿನ್ನೋನಿಪಲ್ಲಿ, ತೆಲಂಗಾಣ ರಾಜ್ಯ.
9] ವೆಂಕಟೇಶ ತಂದೆ ಮಲ್ಲದಣ್ಯ, ಸುಮಾರು 40 ವರ್ಷ, ಚಿನ್ನೋನಿಪಲ್ಲಿ ಎಂದು ಗುರುತಿಸಲಾಗಿದೆ.

ಇವರೆಲ್ಲರೂ ನಿನ್ನೆ (ಮಾರ್ಚ್. 22 ರಂದು ) ಭೈರಾಪುರ-ಹಿರೇಕೆರೆಹಳ್ಳಿ, ಗ್ರಾಮಗಳ ಮಧ್ಯದಲ್ಲಿರುವ ವಿಭೂತಿ ಗುಡ್ಡದಲ್ಲಿ ಇನ್ನೊವಾ ಕಾರಿನಲ್ಲಿ ಉಪಕರಣಗಳನ್ನಿಟ್ಟುಕೊಂಡು ಅನುಮಾನಾಸ್ಪದವಾಗಿ ಗುಡ್ಡಗಳ ಸುತ್ತಾ-ಮುತ್ತಾ, ತಿರುಗಾಡುತ್ತಾ ಭೂಮಿಯನ್ನು ಶೋಧಿಸುತ್ತಿದ್ದರು. ಸ್ಥಳಿಯರು ನೀಡಿದ ಖಚಿತವಾದ ಮಾಹಿತಿ ಮೇರೆಗೆ ಮೊಳಕಾಲ್ಮೂರು ಪೊಲೀಸರು ಬಂಧಿಸಿ ಅವರಿಂದ ಇನ್ನೋವಾ ಕಾರ್, ಜನರೇಟರ್, ಡ್ರಿಲ್ಲಿಂಗ್ ಮಿಶಿನ್, 20 ಮೀಟರ್ ಉದ್ದದ ವೈರ್, ನಾಲ್ಕು ಪ್ಲಾಸ್ಟಿಕ್ ಪುಟ್ಟಿ, ಮೂರು ಸಲಿಕೆ ಯನ್ನು ವಶಪಡಿಸಿಕೊಂಡಿದ್ದಾರೆ.

ಈ ಅಂತರ್ ರಾಜ್ಯ ನಿಧಿಗಳ್ಳರನ್ನು ಪತ್ತೆಹಚ್ಚಲು
ಚಳ್ಳಕೆರೆ ಉಪ ವಿಭಾಗದ ಪೊಲೀಸ್ ಉಪಾಧೀಕ್ಷಕರಾದ
ರಾಜಣ್ಣ, ಟಿ.ಬಿ, ಮೊಳಕಾಲ್ಮೂರು ವೃತ್ತ ನಿರೀಕ್ಷಕರಾದ ವಸಂತ ವಿ ಅಸೋದೆರವರ ಮಾರ್ಗದರ್ಶನದಲ್ಲಿ ಪಿ.ಎಸ್.ಐ ಗಳಾದ ಈರೇಶ, ಮತ್ತು, ಪಾಂಡುರಂಗ ಮತ್ತು ಸಿಬ್ಬಂದಿಯವರನ್ನು ತಂಡವನ್ನು ರಚಿಸಲಾಗಿರುತ್ತದೆ. ಈ ತಂಡವನ್ನು ಚಿತ್ರದುರ್ಗ ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ
ರಂಜಿತ್ ಕುಮಾರ್ ಬಂಡಾರು ಮತ್ತು ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಕುಮಾರಸ್ವಾಮಿ, ಜಿ.ಎಸ್. ರವರು ಪ್ರಶಂಶಿಸಿರುತ್ತಾರೆ.