ಚಳ್ಳಕೆರೆ | ಬಿಜೆಪಿ ಮುಖಂಡ ಸಿರಿಯಣ್ಣ ನಿಧನ

ಸುದ್ದಿಒನ್, ಚಳ್ಳಕೆರೆ, ಜನವರಿ. 18 : ಕಾಡುಗೊಲ್ಲ ಸಮುದಾಯದ ಕಣ್ಮಣಿ, ಬಿಜೆಪಿ ಮಂಡಲದ ತಾಲೂಕು ಮಾಜಿ ಅಧ್ಯಕ್ಷರು, ನಂದ ಗೋಕುಲ ಸೌಹಾರ್ದ ಪತ್ತಿನ ಸಹಕಾರ ಸಂಘದ ಸಂಸ್ಥಾಪಕರು ಹಾಗೂ ಬಾಪೂಜಿ ಕಾಲೇಜಿನ ನಿವೃತ್ತ ಪ್ರಿನ್ಸಿಪಾಲ ಬಿ.ವಿ. ಸಿರಿಯಣ್ಣ (78 ವರ್ಷ) ನಿಧನರಾದರು.

ಮೃತರು ಪತ್ನಿ, ಇಬ್ಬರು ಪುತ್ರರು ಸೇರಿದಂತೆ ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ. ಅಂತ್ಯಕ್ರಿಯೆ ಭಾನುವಾರ 11 : 30 ಕ್ಕೆ ಇವರ ಸ್ವಗ್ರಾಮವಾದ ಗೋಪನಹಳ್ಳಿ ಗ್ರಾಮದ ಜಮೀನಿನಲ್ಲಿ ನೆರವೇರಲಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ಬೆಳಗ್ಗೆ 9.30 ರವರೆಗೆ ಪಾರ್ಥಿವ ಶರೀರವನ್ನು ಸಾರ್ವಜನಿಕರಿಗೆ ದರ್ಶನಕ್ಕೆ ನಿವಾಸದಲ್ಲಿ ವ್ಯವಸ್ಥೆ ಮಾಡಲಾಗಿದೆ ಎಂದು ಪುತ್ರ ಮಂಜುನಾಥ್ ಯಾದವ್ ತಿಳಿಸಿದ್ದಾರೆ.