ಅಬ್ಬಿನಹೊಳೆ ಪೊಲೀಸರಿಂದ ಕೇಬಲ್‌ ವೈರ್‌ ಹಾಗೂ ಮೋಟಾರು ಪಂಪ್ ಕಳ್ಳನ ಬಂಧನ

ಸುದ್ದಿಒನ್, ಹಿರಿಯೂರು, ಜನವರಿ. 19 :ಕೇಬಲ್‌ ವೈರ್‌ ಹಾಗೂ 10 ಹೆಚ್.ಪಿ ಮೋಟಾರು ಪಂಪ್ ಕಳ್ಳತನ ಮಾಡಿದ್ದ ಓರ್ವ ಆರೋಪಿಯನ್ನು ಅಬ್ಬಿನಹೊಳೆ ಪೊಲೀಸರು ಬಂಧಿಸಿದ್ದಾರೆ.

ತಾಲ್ಲೂಕಿನ ಕೂಡ್ಲಹಳ್ಳಿ, ಗ್ರಾಮವಾಸಿಯಾದ ಚಿದಂಬರ ರವರಿಗೆ ಸೇರಿದ ಹೂವಿನಹೊಳೆ ಗ್ರಾಮದ ಜಮೀನಿನಲ್ಲಿದ್ದ 10 ಹೆಚ್.ಪಿ ಮೋಟಾರು ಪಂಪ್ ಹಾಗೂ ಕೇಬಲ್‌ ವೈರ್‌ ಜನವರಿ 08 ರಂದು ಕಳ್ಳತನವಾಗಿತ್ತು. ಈ ಸಂಬಂಧ ಅಬ್ಬಿನಹೊಳೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡ
ಅಬ್ಬಿನಹೊಳೆ ಪೊಲೀಸರು ಜನವರಿ 17 ರಂದು ಆರೋಪಿ ಮಧುಸೂದನ್ ನನ್ನು ಬಂಧಿಸಿ ಆತನಿಂದ ಕಳ್ಳತನವಾಗಿದ್ದ ಅಂದಾಜು 35,000/- ರೂಪಾಯಿಯ 10 ಹೆಚ್.ಪಿ ಮೋಟಾರು ಪಂಪ್ ಮತ್ತು ಅಂದಾಜು 8,000/- ರೂಪಾಯಿಯ ಕೇಬಲ್ ವೈರನ್ನು ವಶಪಡಿಸಿಕೊಂಡಿದ್ದಾರೆ. ಇನ್ನೊಬ್ಬ ಆರೋಪಿ ಶಶಿಕುಮಾರ ತಲೆ ಮರೆಸಿಕೊಂಡಿದ್ದು, ಪತ್ತೆಗಾಗಿ ಬಲೆ ಬೀಸಿದ್ದಾರೆ.

ಪ್ರಕರಣವನ್ನು ಭೇದಿಸಿದ ಅಬ್ಬಿನಹೊಳೆ ಪೊಲೀಸರ ಕಾರ್ಯಾಚರಣೆಗೆ ಜಿಲ್ಲಾ ಪೊಲೀಸ್ ಅಧೀಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.