ನಿರೀಕ್ಷೆಗೂ ಮೀರಿ ಏರ್ತಿದೆ ಅಡಿಕೆ ಬೆಲೆ ; ರೈತರ ಮೊಗದಲ್ಲಿ ಸಂತಸ..!

ರಾಜ್ಯದಲ್ಲಿ ಒಂದು ಕಡೆ ಚಿನ್ನ ಬೆಳ್ಳಿ ಬೆಲೆಯೂ ಏರಿಕೆಯಾಗ್ತಾನೆ ಇದೆ. ಅದರಿಂದ ಮಹಿಳೆಯರಿಗೆ ಬೇಸರವೂ ಇದೆ. ಅಟ್ ದ ಸೇಮ್ ಟೈಮ್ ಅಡಿಕೆ ಬೆಲೆ ಏರಿಕೆಯಾಗಿದೆ. ಇದು ರೈತರ ಮೊಗದಲ್ಲಿ ಸಂತಸವನ್ನ ತಂದಿದೆ. ದಾವಣಗೆರೆಯ ಪ್ರಮುಖ ಬೆಳೆಯಾದಂತ ಅಡಿಕೆ ಇಂದಿನ ಮಾರುಕಟ್ಟೆಯಲ್ಲಿ 60,589 ರೂಪಾಯಿಗೆ ಏರಿಕೆಯಾಗಿದೆ. ಇದರಿಂದ ಅಡಿಕೆ ಬೆಳೆಗಾರರು ಫುಲ್ ಖುಷಿಯಾಗಿದ್ದಾರೆ.

ಚನ್ನಗಿರಿ ರಾಶಿ ಅಡಿಕೆ ಧಾರಣೆ ಗರಿಷ್ಠ ದರ 60,589 ರೂಪಾಯಿ. ಕನಿಷ್ಠ ದರ 55,679 ರೂಪಾಯಿ ಇದ್ದು ಸರಾಸರಿ ಬೆಲೆ 58,565 ರೂಪಾಯಿ ಇದೆ. ಬೆಟ್ಟೆ ಅಡಿಕೆ ಕನಿಷ್ಠ ದರ 23,387 ರೂಪಾಯಿ ಇದ್ದು, ಗರಿಷ್ಠ ದರ 30,187 ರೂಪಾಯಿ ಆಗಿದೆ. ದಾವಣಗೆರೆ ಅಡಿಕೆಧಾರಣೆಯನ್ನು ನೋಡುವುದಾದರೆ, ಸಿಪ್ಪೆಗೋಟು ಅಡಿಕೆ ಕನಿಷ್ಠ 10 ಸಾವಿರ ಇದ್ದು, ಗರಿಷ್ಠ 10 ಸಾವಿರಕ್ಕೆ ಮಾರಾಟವಾಗಿದೆ. ಗೊರಬಲು ಅಡಿಕೆ ಕನಿಷ್ಠ 19,800 ರೂಪಾಯಿ ಇದ್ದು, ಗರಿಷ್ಠ 19,800 ರೂಪಾಯಿಗೆ ಮಾರಾಟವಾಗಿದೆ.

ಇನ್ನು ಶಿವಮೊಗ್ಗದ ಬೆಟ್ಟೆ ಅಡಿಕೆ ಕನಿಷ್ಠ 51,009 ರೂಪಾಯಿ ಇದ್ದು, ಗರಿಷ್ಠ 58,911 ರೂಪಾಯಿಗೆ ಮಾರಾಟವಾಗಿದೆ. ರಾಶಿ ಅಡಿಕೆ ಕನಿಷ್ಠ 47,889 ರೂಪಾಯಿ ಇದ್ದು ಗರಿಷ್ಠ 60,589 ರೂಪಾಯಿಗೆ ಮಾರಾಟವಾಗಿದೆ. ಸರಕು ಅಡಿಕೆ ಕನಿಷ್ಠ 56,109 ಇದ್ದು, ಗರಿಷ್ಠ 91,069 ರೂಪಾಯಿಗೆ ಮಾರಾಟವಾಗಿದೆ. ಭದ್ರಾವತಿಯ ಅಡಿಕೆ ಮಾರುಕಟ್ಟೆಯಲ್ಲಿ ಬೇರೆ ತಳಿ ಕನಿಷ್ಠ 19,100 ರೂಪಾಯಿ ಇದ್ದು ಗರಿಷ್ಠ 25,000 ಕ್ಕೆ ಮಾರಾಟವಾಗಿದೆ. ಪುಡಿ ಅಡಿಕೆ ಕನಿಷ್ಠ 9 ಸಾವಿರ ರೂಪಾಯಿ ಇದ್ದು ಕನಿಷ್ಠ 10 ಸಾವಿರಕ್ಕೆ ಮಾರಾಟವಾಗಿದೆ.