BBK12: ಗಿಲ್ಲಿಗೆ ಎರಡು ಬಾರಿ ಹೊಡೆದ ರಿಷಾ ಗೌಡ : ಮುಂದೇನು..?

ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ ನಲ್ಲಿ ದಿನದಿಂದ ದಿನಕ್ಕೆ ಸ್ಪರ್ಧಿಗಳು ರೌದ್ರವತಾರ ತಾಳುತ್ತಿದ್ದಾರೆ. ಅದರಲ್ಲೂ ವೈಲ್ಡ್ ಕಾರ್ಡ್ ಮೂಲಕ ಬಂದಂತ ರಿಷಾ ಬಂದಾಗಿನಿಂದಲೂ ರೌದ್ರವತಾರದಲ್ಲಿಯೇ ಇದ್ದಾರೆ. ಬಂದ ದಿನವೇ ಎಲ್ಲರ ಮುಖವಾಡ ಕಳಚುತ್ತೀನಿ ಅಂದ್ರು. ಆದ್ರೆ ಅವರೇನು ಅನ್ನೋದು ಇನ್ನು ಅರ್ಥವಾಗುತ್ತಿಲ್ಲ. ಎಲ್ಲರ ಜೊತೆಗೂ ಜಗಳಕ್ಕೆ‌ ನಿಲ್ಲುತ್ತಾರೆ. ಅದರಲ್ಲೂ ಗಿಲ್ಲಿ, ರಕ್ಷಿತಾ ಜೊತೆಗೆ ಜೋರು ಜಗಳವಾಡುತ್ತಾರೆ. ಇಂದು ಬಿಗ್ ಬಾಸ್ ಮನೆಯಲ್ಲಿ ನಡೆಯಬಾರದ್ದೇ ನಡೆದು ಹೋಗಿದೆ.

ಬಿಗ್ ಬಾಸ್ ಮನೆಯಲ್ಲಿ ಒಂದಷ್ಟು ನಿಯಮಗಳು ಇದೆ. ಯಾರ ಮೇಲೂ ಕೈ ಮಾಡಬಾರದು, ಹೊಡೆಯಬಾರದು ಎಂಬುದು. ಮ್ಯಾನ್ ಹ್ಯಾಂಡ್ಲಿಂಗ್ ಮಾಡಿದ್ರೆ ಮನೆಯಿಂದ ತಕ್ಷಣವೇ ಹೊರಗೆ ಕಳುಹಿಸುತ್ತಾರೆ. ಇವತ್ತಿನ ಪ್ರೋಮೋದಲ್ಲಿ ಮ್ಯಾನ್ ಹ್ಯಾಂಡ್ಲಿಂಗ್ ಮಾಡಿರೋದು ಗೊತ್ತಾಗ್ತಾ ಇದೆ. ಈ ಪ್ರೋಮೋ ನೋಡಿದ ಮೇಲೆ ರಿಷಾ ಗೌಡರ ಮುಂದಿನ ಭವಿಷ್ಯ ಏನಾಗಬಹುದು ಎಂಬ ಪ್ರಶ್ನೆ ಎದುರಾಗಿದೆ. ರಿಷಾ ಗೌಡ ಮುಂದುವರೆಯುತ್ತಾರಾ ಅಥವಾ ಮನೆಯಿಂದ ಹೊರಗೆ ಬರ್ತಾರಾ ಎಂಬ ಕುತೂಹಲವಿದೆ.

ಹಾಗಾದ್ರೆ ರಿಷಾ ಗೌಡ ಏನ್ಮಾಡಿದ್ರು ಎಂಬ ವಿಚಾರ ಇಲ್ಲಿದೆ ನೋಡಿ. ಇವತ್ತಿನ ಪ್ರೋಮೋದಲ್ಲಿ ರಿಷಾ ಸ್ನಾನಕ್ಕೆ ಹೋಗಿರ್ತಾರೆ. ತಡ ಮಾಡಿದ್ದಕ್ಕೆ ಗಿಲ್ಲಿ ಕೇಳ್ತಾರೆ. ಬೇಗ ಬಾ ಅಂತಾನು ಹೇಳ್ತಾರೆ. ಆದರೆ ರಿಷಾ ಬರೋದಿಲ್ಲ. ತಮಾಷೆ ಮಾಡೋಕೆ ಅಂತ ಹೇಳಿ ರಿಷಾರ ಕಬೋಡ್ ನಲ್ಲಿರುವ ಬಟ್ಟೆಯನ್ನೆಲ್ಲಾ ತಂದು ಹೊರಗೆ ಹಾಕ್ತಾರೆ ಗಿಲ್ಲಿ. ಇಲ್ಲಿಂದ ಇಬ್ಬರ ನಡುವೆ ಜೋರು ಜಗಳ ಹತ್ತಿಕೊಳ್ಳುತ್ತೆ. ಗಿಲ್ಲಿ ಮೇಲೆ ರಿಷಾ ಕೈ ಕೂಡ ಮಾಡ್ತಾರೆ. ಒಮ್ಮೆ ಅಲ್ಲ ಎರಡು ಬಾರಿ. ಎರಡನೇ ಬಾರಿ ತಳ್ಳಲು ಹೋದಾಗ ರಕ್ಷಿತಾ ಅಡ್ಡ ಬಂದು ತಡೆಯುತ್ತಾರೆ.