ಸುದ್ದಿಒನ್, ಜೂನ್. 02 : ಜೆಇಇ ಅಡ್ವಾನ್ಸ್ -2025ರ ಫಲಿತಾಂಶದಲ್ಲಿ 34ನೇ ರ್ಯಾಂಕ್ ಪಡೆಯುವ ಮೂಲಕ ರಾಷ್ಟ್ರ ಮಟ್ಟದಲ್ಲಿ ಎಸ್ ಆರ್ ಎಸ್ ಕಾಲೇಜಿನ ವಿದ್ಯಾರ್ಥಿ ಕೆ ಪಿ ಪೂಜಿತ್ ಕುಲಾಲ್ ಅದ್ವಿತೀಯ ಸಾಧನೆ ಮಾಡಿದ್ದಾರೆ.
ಕ್ರಮವಾಗಿ ತ್ರಿವೇಣಿ- 502,
ಆನಂದ್ ಎನ್ ವೈ-559,
ಹರ್ಷಿತ್ರಾಜ್ ಎನ್ ವಿ-1083,
ರಕ್ಷಿತಾ ಟಿ ಎಂ-1947 ಹಾಗೂ
ವಿಕಾಸ್ ಜಿ ನಾಯಕ್-3748 ನೇ ರ್ಯಾಂಕ್ನೊಂದಿಗೆ ದಾಖಲೆ ನಿರ್ಮಿಸಿದ್ದಾರೆ.
ಕೇವಲ 40 ವಿದ್ಯಾರ್ಥಿಗಳಲ್ಲಿ, 21 ವಿದ್ಯಾರ್ಥಿಗಳು IITಗೆ ಪ್ರವೇಶಾತಿ ಪಡೆಯುತ್ತಿರುವುದು ಐತಿಹಾಸಿಕ ದಾಖಲೆ. ರಾಷ್ಟ್ರ ಮಟ್ಟದ ಜೆಇಇ ಅಡ್ವಾನ್ಸ್ ಪರೀಕ್ಷೆಯಲ್ಲಿ ಅತ್ಯುತ್ತಮ ರ್ಯಾಂಕ್ಗಳೊಂದಿಗೆ ಹಿಂದಿನ ಎಲ್ಲಾ ದಾಖಲೆಗಳನ್ನು ಸರಿಗಟ್ಟಿ, ಐಐಟಿ ಹಾಗೂ ಐಐಐಟಿ ಗಳಿಗೆ ಅರ್ಹತೆಗಳಿಸಿರುವುದು ವಿಶೇಷ. ಇದರೊಂದಿಗೆ ರಾಷ್ಟ್ರಮಟ್ಟದಲ್ಲಿ ಅತೀ ಹೆಚ್ಚು ರ್ಯಾಂಕ್ಗಳನ್ನು ದಾಖಲಿಸಿದ ಮಧ್ಯ ಕರ್ನಾಟಕದ ಏಕೈಕ ಕಾಲೇಜು “ಎಸ್ ಆರ್ ಎಸ್” ಪಿಯು ಕಾಲೇಜ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಕಾಲೇಜಿಗೆ ಹಾಗೂ ರಾಜ್ಯಕ್ಕೆ ಕೀರ್ತಿ ತಂದಿರುವ ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಸಂಸ್ಥೆಯ ಆಡಳಿತ ಮಂಡಳಿ, ಪ್ರಾಂಶುಪಾಲರು ಹಾಗೂ ಬೋಧಕ-ಬೋಧಕೇತರ ಸಿಬ್ಬಂದಿಯವರು ಅಭಿನಂದಿಸಿದ್ದಾರೆ.