ದಾವಣಗೆರೆ: ಗಣರಾಜ್ಯೋತ್ಸವದ ದಿನ ದೆಹಲಿಯಲ್ಲಿ ವಿಶೇಷ ಔತಣಕೂಟವನ್ನು ಏರ್ಪಡಿಸಲಾಗಿದೆ. ರಾಷ್ಟ್ರಪತಿಗಳ ಔತಣಕೂಟದಲ್ಲಿ ರಾಜ್ಯದ ಹಲವು ಸಾಧಕರಿಗೂ ಆಹ್ವಾನ ಬಂದಿದೆ. ಅದರಲ್ಲಿ ದಾವಣಗೆರೆಯ ವೈದ್ಯ ಡಾ.ಸುರೇಶ್ ಹಗನವಾಡಿ ಕೂಡ ಒಬ್ಬರು. ಅಂಚೆ ಕಚೇರಿಯ ಮುಖ್ಯಾಧಿಕಾರಿಗಳೇ ಈ ಆಹ್ವಾನ ಪತ್ರಿಕೆಯನ್ನು ವೈದ್ಯ ಡಾ.ಸುರೇಶ್ ಅವರಿಗೆ ತಲುಪಿಸಿದ್ದಾರೆ.
ರಾಷ್ಟ್ರಪತಿಗಳ ಈ ಔತಣಕೂಟ ಸಮಾರಂಭಕ್ಕೆ ದೇಶದ 528 ಗಣ್ಯರಿಗೆ ಕರೆ ಬಂದಿದೆ. ಇದೇ ಜನವರಿ 26ರಂದು ಗಣರಾಜ್ಯೋತ್ಸವದ ಸಂಭ್ರಮದಲ್ಲಿ ನಡೆಯಲಿದೆ. ಈ ಔತಣಕೂಟದಲ್ಲಿ ಕ್ರಿಕೆಟ್ ದೇವರು ಎಂದೇ ಕರೆಯಲ್ಪಡುವ ಸಚಿನ್ ತೆಂಡೂಲ್ಕರ್ ಅವರು ಭಾಗಿಯಾಗಲಿದ್ದು, ಅವರ ಜೊತೆಗೆ ಕೂತು ಡಾ.ಸುರೇಶ್ ಕೂಡ ಊಟ ಮಾಡಲಿದ್ದಾರೆ. ಡಾ.ಸುರೇಶ್ ಹನಗವಾಡಿ ಹಿಮೋಫಿಲಿಯಾ ಪೀಡಿತರ ಬಾಳಿನ ಆಶಾ ಕಿರಣ. ಇತ್ತೀಚೆಗೆ ರಾಷ್ಟ್ರಪತಿಗಳಿಂದ ಶ್ರೇಷ್ಠಾ ದಿವಾಂಜನ್ ರಾಷ್ಟ್ರೀಯ ಪ್ರಶಸ್ತಿಯನ್ನು ಕೂಡ ಪಡೆದಿದ್ದಾರೆ. ದಾವಣಗೆರೆಯ ಹಿಮೋಫಿಲಿಯಾ ಸಂಸ್ಥೆಯ ಅದ್ಯಕ್ಷರಾದ ಡಾ.ಸುರೇಶ್ ಹನಗವಾಡಿ ಸ್ವತಃ ಹಿಮೋಫಿಲಿಯಾ ಎಂಬ ವಿಚಿತ್ರ ಕಾಯಿಲೆಯಿಂದ ಬಳಲಿದವರು.
ಡಾ.ಸುರೇಶ್ ದಾವಣಗಡರೆಯ ಜೆಜೆಎಂ ಮೆಡಿಕಲ್ ಕಾಲೇಜು ಫೇಥಾಲಜಿ ವಿಭಾಗದ ಪ್ರಾಧ್ಯಾಪಕರು ಹೌದು. ಹಿಮೋಫಿಲಿಯಾ ಪೀಡಿತರಾದ ಡಾ.ಸುರೇಶ್ ಅವರು ಕಳೆದ ನಾಲ್ಕು ದಶಕಗಳಿಂದ ಹಿಮೋಫಿಲಿಯಾ ಪೀಡಿತರಿಗಾಗಿ ಮಾಡಿದ ಸೇವೆ ಪರಿಗಣಿಸಿ ಪ್ರಶಸ್ತಿ ನೀಡಲಾಗಿದೆ. ಇದೇ ಕಾರಣಕ್ಕೆ ಇದೀಗ ರಾಷ್ಟ್ರಪತಿಗಳ ಔತಣಕೂಟಕ್ಕೆ ಡಾ.ಸುರೇಶ್ ಹನಗವಾಡಿಗೆ ಆಹ್ವಾನ ಬಂದಿದೆ. ಡಾ.ಸುರೇಶ್ ಅವರಿಗೆ ಬಂದ ಆಹ್ವಾನ ಪತ್ರಿಕೆಯೂ ಕೂಡ ಬಹಳ ವಿಶೇಷವಾಗಿದೆ. ದೇಶದ ಸಂಸ್ಕೃತಿ ಹಾಗೂ ಸಂಪ್ರದಾಯ ಬಿಂಬಿಸುವ ರೀತಿಯಲ್ಲಿ ಆಹ್ವಾನ ಪತ್ರಿಕೆ ವಿನ್ಯಾಸಗೊಳಿಸಲಾಗಿದೆ.
