ಸೈಫ್ ಅಲಿ ಖಾನ್ ಗೆ ಚಾಕು ಇರಿತ ಕೇಸ್ : 30 ಗಂಟೆಗಳ ಬಳಿಕ ಅರೆಸ್ಟ್..!

ಬಾಲಿವುಡ್ ಮಂದಿಯನ್ನೇ ನಡುಗಿಸಿದ್ದ ಘಟನೆ ಅದು. ಅಷ್ಟು ಸೆಕ್ಯುರಿಟಿ ಇದ್ದರು, ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಮನೆಗೆ ನುಗ್ಗಿ ದಾಳಿ ಮಾಡಿದ್ದ ವ್ಯಕ್ತಿಯ ಬಂಧನವಾಗಿದೆ. ಸುಮಾರು 30 ಗಂಟೆಗಳ ಕಾರ್ಯಾಚರಣೆಯಲ್ಲಿ ಮುಂಬೈ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಬಂಧಿಸಿ ಅತನನ್ನು ತೀವ್ರ ವಿಚಾರಣೆ ನಡೆಸಲಾಗುತ್ತಿದೆ.

ಬಾಂದ್ರಾ ಪೊಲೀಸರು ಆರೋಪಿಯನ್ನು ಠಾಣೆಗೆ ಕರೆದೊಯ್ದಿದ್ದು, ತೀವ್ರ ವಿಚಾರಣೆ ನಡೆಸುತ್ತಿದ್ದಾರೆ. ದಾಳಿ ಮಾಡಿದರ ಹಿಂದಿನ ಉದ್ದೇಶ..? ಸೈಫ್ ಮನೆ ತಲುಪಿದ್ದೇಗೆ..? ದಾಳಿ ಹಿಂದೆ ಬೇರೆ ಯಾರಾದ್ರೂ ಇದ್ದಾರಾ..? ಎಂಬೆಲ್ಲಾ ಬಗ್ಗೆ ತೀವ್ರ ವಿಚಾರಣೆ ನಡೆಸುತ್ತಾರೆ. ಈಗಾಗಲೇ ಸೈಫ್ ಅಲಿ ಖಾನ್ ಮನೆಗೆ ನುಗ್ಗಿದ್ದ ವ್ಯಕ್ತಿಯ ಫೋಟೋವನ್ನು ಬಾಂದ್ರಾ ಪೊಲೀಸರು ರಿವೀಲ್ ಮಾಡಿದ್ದಾರೆ. ಹಲ್ಲೆ ನಡೆಸಿ, ಮೆಟ್ಟಿಲನ್ನು ಇಳಿದುಕೊಂಡು ಹೋಗುವಾಗ ಫೋಟೋ ಕ್ಯಾಪ್ಚರ್ ಆಗಿತ್ತು.

ಮಧ್ಯರಾತ್ರಿ 2.33 ಗಂಟೆಗೆ ಅಪಾರ್ಟ್ಮೆಂಟ್ ನುಗ್ಗಿದ್ದ ದುಷ್ಕರ್ಮಿ, ಸೈಫ್ ಮನೆಯ ಒಳಗೆ ಹೋಗಿ ಕೆಲಸದಾಕೆಯ ಬಳಿ ಜಗಳ ಮಾಡಿದ್ದಾನೆ. ಆ ಶಬ್ದ ಕೇಳಿದ ಕೂಡಲೇ ಸೈಫ್ ಕೂಡ ಅಲ್ಲಿಗೆ ಧಾವಿಸಿದ್ದಾರೆ. ಬಳಿಕ ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆದು ದೊಡ್ಡಮಟ್ಟಕ್ಕೆ ಜಗಳವಾಗಿದೆ. ಈ ವೇಳೆ ಆರೋಪಿ ಸೈಫ್ ಗೆ ಚಾಕು ಇರಿದು ಎಸ್ಕೇಪ್ ಆಗಿದ್ದ. ತಕ್ಷಣ ಸೈಫ್ ಅಲಿ ಖಾನ್ ಅವರನ್ನು ಹತ್ತಿರದ ಲೀಲಾವತಿ ಆಸ್ಪತ್ರೆಗೆ ಸೇರಿಸಲಾಗಿದೆ. ಈಗ ಚೇತರಿಸಿಕೊಳ್ಳುತ್ತಿದ್ದು, ಮಕ್ಕಳು ಕೂಡ ತಂದೆಯನ್ನು ನೋಡಲು ಆಸ್ಪತ್ರೆಗೆ ಧಾವಿಸಿದ್ದಾರೆ. ಇನ್ನಷ್ಟು ದಿನ ಸೈಫ್ ಅಲಿ ಖಾನ್ ಗೆ ವಿಶ್ರಾಂತಿಯ ಅಗತ್ಯವಿರುವ ಕಾರಣ ಆಸ್ಪತ್ರೆಯಲ್ಲಿಯೇ ವಿಶ್ರಾಂತಿ ಪಡೆಯಬಹುದು.