ಕೃಷಿಸಾಲದ ಅಸಲು ಪಾವತಿಸಿದರೆ ಬಡ್ಡಿ ಮನ್ನಾ

ಸುದ್ದಿಒನ್,  ಚಿತ್ರದುರ್ಗ. ಜ.25: ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ (ಪಿಎಲ್‍ಡಿ) ಬ್ಯಾಂಕುಗಳಲ್ಲಿ ರೈತರು ಪಡೆದ ಮಧ್ಯಮಾವಧಿ, ದೀರ್ಘಾವಧಿ ಕೃಷಿ ಮತ್ತು ಕೃಷಿ ಸಂಬಂಧಿತ ಸಾಲದ ಅಸಲು ಪಾವತಿಸಿದರೆ, ಸಂಪೂರ್ಣ ಬಡ್ಡಿ ಮನ್ನಾ ಮಾಡುವ ಬಗ್ಗೆ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.

ದಿನಾಂಕ 31-12-2023 ರವರೆಗಿನ ಸುಸ್ತಿಯಾದ ಕಂತು ಸಾಲಗಳನ್ನು ದಿನಾಂಕ 20-02-2024ರ ಒಳಗಾಗಿ ಪಾವತಿಸಿದರೆ, ಅಂತಹ ರೈತರ ಅಸಲಿನ ಮೇಲಿನ ಬಡ್ಡಿಯನ್ನು ಸಂಪೂರ್ಣ ಮನ್ನಾ ಮಾಡಲಾಗುವುದು. ಈ ಕುರಿತು ಹತ್ತಿರದ ಪಿ.ಎಲ್.ಡಿ ಬ್ಯಾಂಕುಗಳ ವ್ಯವಸ್ಥಾಪಕರನ್ನು ಸಂಪರ್ಕಿಸಬಹುದು. ಯೋಜನೆಯ ಸದುಪಯೋಗ ಪಡೆದುಕೊಂಡು ಸಾಲದಿಂದ ಋಣಮುಕ್ತವಾಗುವಂತೆ ಕರ್ನಾಟಕ ರಾಜ್ಯ ಸಹಕಾರಿ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್ ಚಿತ್ರದುರ್ಗ ಶಾಖಾ ಕಚೇರಿಯ ಜಿಲ್ಲಾ ನಿರ್ದೇಶಕಿ ಬಿ.ಎನ್.ಶೋಭಾ ಉಮೇಶ್ ಕುಮಾರ್ ರೈತರ ಭಾಂದವರಲ್ಲಿ ಕೋರಿದ್ದಾರೆ.