69ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು ಘೋಷಣೆಯಾಗಿವೆ. ಕರ್ನಾಟಕಕ್ಕೆ ನಾಲ್ಕು ಪ್ರಶಸ್ತಿಗಳು ಲಭಿಸಿವೆ. 777 ಚಾರ್ಲಿ ಸಿನಿಮಾ, ಬಾಳೆ ಬಂಗಾರ ಶಾರ್ಟ್ ಮೂವಿ, ಆಯುಷ್ಮಾನ್, ಕ್ರಿಟಿಕ್ ಗೆ ರಾಷ್ಟ್ರೀಯ ಪ್ರಶಸ್ತಿ ಸಿಕ್ಕಿದೆ.
ಅನಿರುದ್ಧ್ ಜತ್ಕರ್ ಬಾಳೆ ಬಂಗಾರ ಶಾರ್ಟ್ ಮೂವಿ ನಿರ್ಮಿಸಿದ್ದರು. ಅದು ತನ್ನ ಅತ್ತೆ ಭಾರತೀ ವಿಷ್ಣುವರ್ಧನ್ ಬಗೆಗಿನ ಕಿರು ಚಿತ್ರವಾಗಿತ್ತು. ಅವರ ಜೀವನಾಧಾರಿತ ಸಿನಿಮಾವಾಗಿತ್ತು. ಬಾಳೆ‌ಬಂಗಾರಕ್ಕೆ ಇದೀಗ ರಾಷ್ಟ್ರ ಪ್ರಶಸ್ತಿ ಗೌರವ ಲಭಿಸಿದೆ.
ಆಯುಷ್ಮಾನ್ ಇಂಗ್ಲೀಷ್, ಕನ್ನಡ ನಿರ್ಮಣವಾದ ಈ ಸಿನಿಮಾವನ್ನು ಮ್ಯಾಥ್ಯೂ ವರ್ಗೀಸ್, ದಿನೇಶ್ ರಾಜ್‌ಕುಮಾರ್ ಎನ್‌, ನವೀನ್ ಫ್ರಾನ್ಸಿಸ್ ನಿರ್ಮಾಣ ಮಾಡಿದ್ದು, ಜೇಕಬ್ ವರ್ಗೀಸ್ ನಿರ್ದೇಶನ ಮಾಡಿದ್ದರು.
ಅತ್ಯುತ್ತಮ ಕನ್ನಡ ಸಿನಿಮಾ 777 ಚಾರ್ಲಿ ಸಿನಿಮಾಗೂ ರಾಷ್ಟ್ರೀಯ ಪ್ರಶಸ್ತಿ ಲಭಿಸಿದೆ. ಪರಂವಃ ಸ್ಟುಡಿಯೋಸ್ ಈ ಸಿನಿಮಾ ನಿರ್ಮಾಣ ಮಾಡಲಾಗಿತ್ತು. ಕಿರಣ್ ರಾಜ್ ಕೆ ಈ ಸಿನಿಮಾ ನಿರ್ದೇಶನ ಮಾಡಿದ್ದರು.
