ರಷ್ಯಾ ಹಾಗೂ ಉಕ್ರೇನ್ ನಡುವೆ ಯುದ್ಧ ಶುರುವಾಗಿದೆ. ದಾಳಿ ಪ್ರತಿ ದಾಳಿ ನಡೆಯುತ್ತಿರುವ ಮಧ್ಯೆ ಇದೀಗ ಉಕ್ರೇನ್ ಸೇನೆ ರಷ್ಯಾ ಸೈನಿಕರನ್ನ ಜೀವಂತವಾಗಿ ಸೆರೆಹಿಡಿದಿದ್ದಾರೆ. ಈ ಬಗ್ಗೆ ಪ್ರಕಟಣೆಯನ್ನು ಹೊರಡಿಸಿದೆ.
ಉಕ್ರೇನ್ ಸೆರೆಹಿಡಿದಿರುವ ಸೈನಿಕರ ಬಳಿಯಿದ್ದ ಶಸ್ತ್ರಾಗಳನ್ನು ವಶಕ್ಕೆ ಪಡೆದುಕೊಂಡಿದೆ. ಅಷ್ಟೇ ಅಲ್ಲ ಅವರ ಭಾವಚಿತ್ರಗಳನ್ನು ಹೊರಡಿಸಿದೆ. ಈಗಾಗಲೇ ಎರಡು ಕಡೆಯಿಂದಲೂ ದಾಳಿ ಪ್ರತಿ ದಾಳಿ ನಡೆಯುತ್ತಲೆ ಇದೆ. ಇದು ಅಲ್ಲಿನ ಜನರಿಗೆ ಆತಂಕಕ್ಕೀಡು ಮಾಡಿದೆ.
ಈಗಾಗಲೇ ರಷ್ಯಾ ದಾಳಿಯಿಂದಾಗಿ 8 ಜನ ಸಾವನ್ನಪ್ಪಿದ್ದು, ಒಂಭತ್ತು ಮಂದಿ ಗಾಯಗೊಂಡಿದ್ದಾರೆ. ಈ ಸಂಬಂಧ ಉಕ್ರೇನ್ ಆಂತರಿಕ ಸಚಿವಾಲಯದ ಅಧಿಕಾರಿ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಹೆಚ್ಚು ಬಲಶಾಲಿಯಾಗಿರುವ ರಷ್ಯಾ, ಪುಟ್ಟ ದೇಶವಾದ ಉಕ್ರೇನ್ ಮೇಲೆ ಸಮರ ಸಾರಿರುವುದು ಆ ದೇಶದ ಜನರು ಭಯಗೊಂಡಿದ್ದಾರೆ.
Newbie Techy