ಬೆಂಗಳೂರು: ಟಾಕ್ಸಿಕ್ ಬಹಳ ನಿರೀಕ್ಷೆ ಇರುವಂತಹ ಚಿತ್ರ. ಕೇವಲ ಕನ್ನಡಕ್ಕೆ ಮಾತ್ರವಲ್ಲ ವರ್ಲ್ಡ್ ವೈಡ್ ವೈಟಿಂಗ್ ನಲ್ಲಿದ್ದಾರೆ. ಅದಕ್ಕೆ ತಕ್ಕ ಹಾಗೆ ಸಿನಿಮಾದ ಒಂದೊಂದೆ ಅಪ್ಟೇಡ್ ಅನ್ನ ಚಿತ್ರತಂಡ ಬಿಡ್ತಾ ಇದೆ. ಹೀಗಾಗಿಯೇ ನಿರೀಕ್ಷೆ ದುಪ್ಪಟ್ಟಾಗಿದೆ. ಪಾತ್ರಗಳ ಪರಿಚಯದ ಪೋಸ್ಟರ್ಸ್ ನೋಡಿನೆ ಸಿನಿ ಪ್ರೇಮಿಗಳು ವಾವ್ ಅಂತಿದ್ದಾರೆ. ಇದೀಗ ಬಹಳ ಮುಖ್ಯವಾದ ಪಾತ್ರದ ಪರಿಚಯವೊಂದನ್ನ ಟಾಕ್ಸಿಕ್ ತಂಡದಿಂದ ಮಾಡಿಕೊಡಲಾಗಿದೆ.
ಇಂದು ಯಶ್ ಅವರ ಹುಟ್ಟುಹಬ್ಬ. 40 ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಈ ಸಂಭ್ರಮವನ್ನು ಅಭಿಮಾನಿಗಳು ಹಬ್ಬದಂತೆ ಸೆಲೆಬ್ರೇಟ್ ಮಾಡಿದ್ದಾರೆ. ಅಷ್ಟು ಇಷ್ಟ ಪಡುವ ಅಭಿಮಾನಿಗಳಿಗೆ, ಬರ್ತ್ ಡೇನಾ ಅಷ್ಟು ಗ್ರ್ಯಾಂಡ್ ಆಗಿ ಸೆಲೆಬ್ರೇಟ್ ಮಾಡುವ ಅಭಿಮಾನಿಗಳಿಗೆ ರಿಟರ್ನ್ ಗಿಫ್ಟ್ ಏನಾದ್ರೂ ಕೊಡದೆ ಇದ್ರೆ ಏನ್ ಚೆಂದ ಹೇಳಿ. ಯಶ್ ಸೂಪರ್ ಆಗಿರೋ ರಿಟರ್ನ್ ಗಿಫ್ಟ್ ನೀಡಿದ್ದಾರೆ. ಅದುವೆ ಟಾಕ್ಸಿಕ್ ನಲ್ಲಿ ತಮ್ಮ ಪಾತ್ರ ಹೇಗಿರಲಿದೆ..? ಅದರ ಹೆಸರೇನು ಎಂಬುದನ್ನ ರಿವೀಲ್ ಮಾಡಿದ್ದಾರೆ.
ಟಾಕ್ಸಿಕ್’ ಚಿತ್ರದ ಓಪನಿಂಗ್ ದೃಶ್ಯ ಆರಂಭ ಆಗೋದು ಸ್ಮಶಾನದ ಮೂಲಕ. ಹೆಣ ಹೂಳುವ ಕೆಲಸ ಆಗುತ್ತಾ ಇರುತ್ತದೆ. ಅಲ್ಲಿಗೆ ಬರೋ ಗ್ಯಾಂಗ್ ಇವರ ಮೇಲೆ ಹಲ್ಲೆ ಮಾಡುತ್ತದೆ. ಅವರನ್ನು ಸ್ಮಶಾನದಿಂದ ಹೊರ ಹಾಕುತ್ತಾರೆ. ಆಗ ಎಂಟ್ರಿ ಆಗುತ್ತಾನೆ ರಾಯ (ಯಶ್). ಬೋಲ್ಡ್ ದೃಶ್ಯವನ್ನು ತೋರಿಸೋ ನಿರ್ದೇಶಕಿ ಗೀತು ಮೋಹನ್ದಾಸ್, ನಂತರ ಮಾಸ್ ಅಂಶ ತೋರಿಸುತ್ತಾರೆ. ಜೊತೆಗೆ ಡೈಲಾಗ್ ಒಂದನ್ನು ರಿವೀಲ್ ಮಾಡಿದ್ದಾರೆ. Daddy’s Home ಎಂಬ ಡೈಲಾಗ್ . ಈ ಗ್ಯಾಂಗ್ ಸ್ಟರ್ ಸಿನಿಮಾದ ಕ್ಯಾರೆಕ್ಟರ್ ಇಂಟ್ರುಡಕ್ಷನ್ ಟೀಸರ್ ಇಷ್ಟು ಅದ್ಭುತವಾಗಿರುವಾಗ ನಿರೀಕ್ಷೆ ದುಪ್ಪಟ್ಟಾಗದೆ ಇರಲು ಹೇಗೆ ಸಾಧ್ಯ ಹೇಳಿ.
