ಮಂಡ್ಯ: ರಾಹ್ಯದಲ್ಲಿ ಮಳೆ ನೀರಿನ ಕೊರತೆ ಇರುವಾಗಲೂ ತಮಿಳುನಾಡಿಗಾಗಿ ಕಾವೇರಿ ನೀರನ್ನು ಹರಿಸಲಾಗುತ್ತಿದೆ. ರಾಜ್ಯ ಸರ್ಕಾರದ ಈ ನಿರ್ಧಾರ ರೈತರನ್ನು ಕೆರಳಿಸಿದೆ. ಕಾವೇರಿಗಾಗಿ ಪ್ರತಿಭಟನೆ ನಡೆಸುತ್ತಲೇ ಇದ್ದಾರೆ. ಇದರ ನಡುವೆ ಸಂಸದೆ ಸುಮಲತಾ ವಿಚಾರವಾಗಿ ಜೆಡಿಎಸ್ ಮಾಜಿ ಶಾಸಕ ರವೀಂದ್ರ ಶ್ರೀಕಂಠಯ್ಯ ಬೇಸರ ಹೊರ ಹಾಕಿದ್ದಾರೆ.
ಸುಮಲತಾ ವಿಚಾರವಾವಿ ಮಾತನಾಡಿದ ರವೀಂದ್ರ ಶ್ರೀಕಂಠಯ್ಯ, ಮಂಡ್ಯ ಜನರಿಗೆ ಮೋಸ ಆಗೋಯ್ತು. ಸಂಸದೆ ಸುಮಲತಾ ಅವರನ್ನು ಗೆಲ್ಲಿಸಿ ತಪ್ಪು ಮಾಡಿದೆವು. ಮಂಡ್ಯದ ಜನ ಅವರನ್ನು ಎಂಪಿ ಮಾಡಿದ್ದು ಯಾವ ಕಾರಣಕ್ಕೆ..? ಇವತ್ತು ಇಂಥ ಪರಿಸ್ಥಿತಿ ಬಂದೊದಗಿದೆ. ಮಂಡ್ಯದಲ್ಲಿ ಕಾವೇರಿ ನೀರಿಗಾಗಿ ಹೋರಾಟ ನಡೆಯುತ್ತಿದೆ. ಆದ್ರೆ ಸಮಲತಾ ಅವರಿಗೆ ಮಂಡ್ಯ ಜನರ ಮೇಲೆ ಅಕ್ಕರೆಯೆ ಇಲ್ಲ.
ಸಂಸದೆ ಸುಮಲತಾ ಅವರು ಒಂದು ಹೋರಾಟದಲ್ಲೂ ಭಾಗಿಯಾಗಲಿಲ್ಲ. ಬರೀ ಎಸಿ ರೂಮಲ್ಲಿ ಕೂತು ಸ್ಟೇಟ್ಮೆಂಟ್ ಕೊಡ್ತಾರೆ. ಈ ಅನ್ಯಾಯವನ್ನು ನಾವೂ ನೋಡಬೇಕಿದೆ. ಈ ಬೆಳವಣಿಗೆಗಳನ್ನು ನೋಡ್ತಾ ಇದ್ರೆ ಮುಂದಿನ ಯಾವ ಚುನಾವಣೆಯಲ್ಲೂ ಸುಮಲತಾ ಮಂಡ್ಯದಿಂದ ಸ್ಪರ್ಧೆ ಮಾಡಲ್ಲ ಎನಿಸುತ್ತೆ. ಒಂದು ವೇಳೆ ಮಂಡ್ಯದಿಂದಾನೇ ನಿಲ್ಲುವವರಾಗಿದ್ದರೆ ನಮ್ಮ ಮಂಡ್ಯ ಜನತೆಗೆ ಅನ್ಯಾಯ ಮಾಡ್ತಾ ಇರಲಿಲ್ಲ ಎನಿಸುತ್ತೆ ಎಂದಿದ್ದಾರೆ.
