ನಿನ್ನೆ ರಾತ್ರಿಯೇ ನಟ ಸೈಫ್ ಅಲಿ ಖಾನ್ ಮನೆಗೆ ನುಗ್ಗಿದ ಕಳ್ಳನಿಂದ ದಾಳಿ ನಡೆದಿದೆ. ಅದರಲ್ಲೂ ಸೈಫ್ ಮೇಲೆಯೇ ದಾಳಿ ಮಾಡಿದ್ದಾನೆ. ಸೈಫ್ ಅಲಿ ಖಾನ್ ಗೆ ಚಾಕುವಿನಿಂದ ಇರಿದಿದ್ದಾನೆ. ಈ ಸಂಬಂಧ ಬಿಗ್ ಅಪ್ಡೇಟ್ ನೀಡಿದ್ದಾರೆ. ಚಾಕು ಚುಚ್ಚಿದ ವ್ಯಕ್ತಿಯನ್ನು ಪತ್ತೆ ಹಚ್ಚಲಾಗಿದೆ. ಮೆಟ್ಟಿಲುಗಳಿಂದ ಓಡಿ ಹೋಗಿದ್ದಾನೆಂದು ಮಾಹಿತಿ ನೀಡಲಾಗಿದೆ. ಈ ಘಟನೆ ಸಂಬಂಧ ಸಂಬಂಧಿಕರು ಈಗಾಗಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಘಟನೆಯಲ್ಲಿ ಸೈಫ್ ಅಲಿಖಾನ್ ಮಕ್ಕಳಿರುವ ಕೋಣೆಯಲ್ಲಿ ಚಾಕು ಹಾಕಲಾಗಿದೆ. ಮನೆಗೆ ನುಗ್ಗಿ ಸೈಫ್ ಅಲಿ ಖಾನ್ ಅವರನ್ನು ಕೊಲ್ಲುವ ಪ್ರಯತ್ನ ನಡೆಸಲಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.
ಈ ಸಂಬಂಧ ಈಗಾಗಲೇ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಬಾಂದ್ರಾದಲ್ಲಿ ಸೈಫ್ ಅಲಿ ಖಾನ್ ತಮ್ಮ ಕುಟುಂಬಸ್ಥರೊಂದಿಗೆ ವಾಸಿಸುತ್ತಿದ್ದಾರೆ. ಇವರು ವಾಸವಿರುವ ಅಪಾರ್ಟಮೆಂಟ್ ನಲ್ಲಿ ಏಳನೇ ಮಹಡಿಯಲ್ಲಿ ಇವರ ಮನೆ ಇದೆ. ಆದರೆ ಅಲ್ಲಿಗೆ ಈ ವ್ಯಕ್ತಿ ಹೇಗೆ ಬಂದ ಅನ್ನೋದು ಹಲವು ಅನುಮಾನಗಳಿಗೆ ಕಾರಣವಾಗಿದೆ. ಅದರಲ್ಲೂ ಇಷ್ಟು ದೊಡ್ಡ ಸೆಲೆಬ್ರೆಟಿಗಳೆಲ್ಲ ಇರುವೆಡೆ ದೊಡ್ಡ ಸೆಕ್ಯೂರಿಟಿ ಇದ್ದೆ ಇರುತ್ತದೆ. ಹೀಗಿರುವಾಗ ಆ ಕಳ್ಳ ನುಗ್ಗಿದ್ದೇಗೆ ಎಂಬ ಅನುಮಾನ ವ್ಯಕ್ತವಾಗಿದೆ.
ಅಪರಿಚಿತ ವ್ಯಕ್ತಿ ಮನೆಯೊಳಗೆ ನುಗ್ಗಿದ ಕೂಡಲೇ ಮಹಿಳಾ ಸಿಬ್ಬಂದಿ ಕೂಗಲು ಶುರು ಮಾಡಿದ್ದಾರೆ. ಅದು ಸೈಫ್ ಗೆ ಕೇಳಿಸಿದ ಕೂಡಲೇ ಅಲ್ಲಿಗೆ ಓಡಿ ಬಂದಿದ್ದಾರೆ. ಇಬ್ಬರ ನಡುವೆ ಮಾತಿನ ಚಕಮಕಿ ನಡೆದು, ಕಡೆಗೆ ಆ ವ್ಯಕ್ತಿ ಸೈಫ್ ಮೇಲೆ ಚಾಕುವಿನಿಂದ ದಾಳಿ ನಡೆಸಿದ್ದಾನೆ. ಪೊಲೀಸರಿಗೆ ಆತನ ಗುರುತು ಸಿಕ್ಕಿದ್ದು, ಪತ್ತೆ ಮಾಡುವತ್ತ ಹುಡುಕಾಟ ಶುರುವಾಗಿದೆ.
