ಬೆಂಗಳೂರು; ಆರ್ಸಿಬಿ ಟೀಂ ಈಗಷ್ಟೇ ಕಪ್ ಗೆದ್ದು ಸಂತಸದಲ್ಲಿದೆ. ಜೊತೆಗೆ ರಾಜ್ಯದಲ್ಲಿ ನೋವಿದೆ. ಆದರೆ ಇದರ ನಡುವೆ ಆರ್ಸಿಬಿ ಟೀಂ ಮಾರಾಟಕ್ಕಿದೆ ಎಂಬ ಚರ್ಚೆಗಳು ಇದಾವೆ. ಆದರೆ ಇದೀಗ ಅದಕ್ಕೊಂದು ಸ್ಪಷ್ಟನೆ ಸಿಕ್ಕಿದ್ದು, ಈ ವರದಿಯನ್ನ ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ ಕಂಪನಿ ತಳ್ಳಿ ಹಾಕಿದೆ. ಈ ಮಾಹಿತಿ ಸುಳ್ಳು, ಇದೊಂದು ಊಹಾಪೋಹ ಎಂದು ಆರ್ಸಿಬಿ ಮಾಲೀಕತ್ವದ ಯುನೈಟೆಡ್ ಸ್ಪಿರಿಟ್ ಲಿಮಿಟೆಡ್ ಕಂಪನಿ ಸ್ಪಷ್ಟ ಪಡಿಸಿದೆ. ಆರ್ಸಿಬಿ ತಂಡದ ಪೂರ್ಣ ಭಾಗವನ್ನಾಗಲಿ, ಭಾಗಶಃ ಭಾಗವನ್ನಾಗಲೀ ಮಾರಾಟ ಮಾಡ್ತಾ ಇಲ್ಲ ಎಂಬುದನ್ನು ಕೂಡ ಹೇಳಿದ್ದಾರೆ.
ಆರ್ಸಿಬಿ ತಂಡ ಮಾರಾಟಕ್ಕಿದೆ ಎಂಬುದನ್ನು ಬ್ಲೂಮ್ ಬರ್ಗ್ ಸಂಸ್ಥೆ ಪ್ರಕಟ ಮಾಡಿತ್ತು. ಕೇಂದ್ರ ಸರ್ಕಾರವೂ ಕ್ರೀಡಾಕೂಟಗಳಲ್ಲಿ ತಂಬಾಕು ಮತ್ತು ಮದ್ಯ ಉತ್ಪನ್ನಗಳ ಪ್ರಚಾರ ಮತ್ತು ಜಾಹೀರಾತು ನಡೆಯದಂತೆ ನಿರ್ಬಂಧಿಸಲು ಪ್ಲ್ಯಾನ್ ರೂಪಿಸಿದೆ. ಹೀಗಾಗಿ ಆರ್ಸಿಬಿ ತಂಡ ಮಾರಾಟಕ್ಕಿದೆ ಎಂದೇ ಹೇಳಲಾಗಿತ್ತು. ಐಪಿಎಲ್ ನ ಆರಂಭದಿಂದಾನು ಇದ್ದಮನತ ಎಂಟು ತಂಡಗಳಲ್ಲಿ ಆರ್ಸಿಬಿಯೂ ಒಂದಾಗಿದೆ.
ಮೊದಲಿಗೆ ವಿಜಯ್ ಮಲ್ಹ ಒಡೆತನದಲ್ಲಿ ಯುನೈಟೆಡ್ ಸ್ಪಿರಿಟ್ಸ್ ಇತ್ತು. ಯುನೈಟೆಡ್ ಸ್ಪಿರಿಟ್ಸ್ ಅನ್ನು ಬ್ರಿಟನ್ ಮೂಲದ ಡಿಯಾಜಿಯೋ ಖರೀದಿ ಮಾಡಿತ್ತು. ಆ ಬಳಿಕ ಆರ್ಸಿಬಿ ಮಾಲೀಕತ್ವವೂ ಡಿಯಾಜಿಯೋ ಕೈಗೆ ಹೋಗಿತ್ತು. 2008ರಿಂದ ಐಪಿಎಲ್ ಆಡುತ್ತಿರುವ ರಾಯಲ್ ಚಾಲೆಂಜರ್ಸ್ ತಂಡ ಈ ವರ್ಷ ಮೊದಲ ಬಾರುಗೆ ಚಾಂಪಿಯನ್ಸ್ ಒಟ್ಟ ಪಡೆದಿದೆ. ಈ ವರ್ಷ ಆರ್ಸಿಬಿ ಅಭಿಮಾನಿಗಳಿಗೆ ಸಂತಸ ಒಂದು ಕಡೆ ದುಃಖಕರ ಸಂಗತಿ ಮತ್ತೊಂದು ಕಡೆ ಸಿಕ್ಕಿದೆ. ಇದೀಗ ಆರ್ಸಿಬಿ ಟೀಂ ಮಾರಾಟಕ್ಕಿಲ್ಲ ಎಂಬ ಸ್ಪಷ್ಟನೆ ಕೂಡ ಸಿಕ್ಕಿದೆ.
