ಬೆಂಗಳೂರು: ರಾಜ್ಯ ವಿಧಾನಸಭಾ ಚುನಾವಣೆಗೆ ಇನ್ನು ಎರಡೇ ದಿನ ಬಾಕಿ ಇದೆ. ಭರ್ಜರಿ ಪ್ರಚಾರಕ್ಕೂ ಸಮಯ ಕಡಿಮೆ ಇರುವ ಕಾರಣ ರಾಜಕೀಯ ಪಕ್ಷಗಳು ಸಿಕ್ಕಾಪಟ್ಟೆ ಅಬ್ಬರದ ಪ್ರಚಾರ ನಡೆಸುತ್ತಿವೆ. ಇಂದು ರಾಹುಲ್ ಗಾಂಧಿ ಕೂಡ ನಗರದಾದ್ಯಂತ ತಮ್ಮ ಅಭ್ಯರ್ಥಿಗಳ ಪರ ಪ್ರಚಾರ ಕಾರ್ಯ ಹಮ್ಮಿಕೊಂಡಿದ್ದರು. ಈ ವೇಳೆ ಡೆಲಿವರಿ ಬಾಯ್ ಬಳಿ ರಾಹುಲ್ ಗಾಂಧಿ ಡ್ರಾಪ್ ತೆಗೆದುಕೊಂಡಿರುವ ಘಟನೆ ನಡೆದಿದೆ.
ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಏರ್ ಲೈನ್ಸ್ ಹೊಟೇಲ್ ನಿಂದ ಶಾಂಘ್ರಿಲಾಗೆ ಹೋಗಬೇಕಿತ್ತು. ಹೊಟೇಲ್ ನಿಂದ ಹೊರ ಬಂದಾಗ ಫುಡ್ ಡೆಲಿವರಿ ಬಾಯ್ ಕಂಡಿದ್ದಾರೆ. ತಕ್ಷಣ ಅವರ ಬಳಿ ಡ್ರಾಪ್ ಕೇಳಿದ್ದಾರೆ. ರಾಹುಲ್ ಗಾಂಧಿ ಅವರನ್ನು ಕಂಡು ಫುಡ್ ಡೆಲಿವರಿ ಬಾಯ್ ಅಂತು ಶಾಕ್ ಆಗಿದ್ದಾನೆ. ಆದರೂ ಅವರು ಗಾಡಿ ಹತ್ತಿದಾಗ ಖುಷಿ ಮತ್ತು ಭಯದಿಂದಾನೇ ಗಾಡಿ ಓಡಿಸಿದ್ದಾನೆ. ರಾಹುಲ್ ಗಾಂಧಿ ಅವರು ಹೆಲ್ಮೆಟ್ ಧರಿಸಿಯೇ ಗಾಡಿ ಮೇಲೆ ಕೂತಿದ್ದಾರೆ.
ಯಾವುದೇ ರೀತಿಯ ಭದ್ರತೆ ಇಲ್ಲದೆ ಬೆಂಗಳೂರಿನ ರಸ್ತೆಯ ಇಕ್ಕೆಲಗಳಲ್ಲಿ ರಾಹುಲ್ ಗಾಂಧಿ ಸಂಚರಿಸಿದರು. ಜಾಲಿ ರೈಡ್ ನಲ್ಲಿ ರಾಹುಲ್ ಗಾಂಧಿ ಸ್ಕೂಟರ್ ನಲ್ಲಿ ಹೋಗ್ತಾ ಇದ್ರೆ, ಸ್ಕೂಟರ್ ಹಿಂದೆ ಓಡಿ ಓಡಿ ಭದ್ರತಾ ಸಿಬ್ಬಂದಿ ಸುಸ್ತಾಗಿದ್ದರು.
