ಬೆಂಗಳೂರು: ಕೆಲವೊಂದು ಸಲ ಪರಿಸ್ಥಿತಿಗೆ ಅನುಗುಣವಾಗಿ ಪೆಟ್ರೋಲ್ – ಡಿಸೇಲ್ ದರ ಏರಿಕೆಯಾಗದೆ ಹೋದರು ವದಂತಿಗಳಿಂದ ಏರಿಕೆಯಾಗಿ ಬಿಡುತ್ತದೆ. ಈಗ ಪೆಟ್ರೋಲ್ – ಡಿಸೇಲ್ ದರ ಹಾಗೇ ಆಗಿರೋದು. ಗ್ಯಾಸ್ ಸಮಸ್ಯೆ ಇರೋದು ಎಲ್ಲರ ಅನುಭವಕ್ಕೂ ಬಂದಿದೆ. ಆದರೆ ಪೆಟ್ರೋಲ್ – ಡಿಸೇಲ್ ಸಮಸ್ಯೆ ಆಗಿರಲಿಲ್ಲ. ಆದರೂ ಶೆಲ್ ನಲ್ಲಿ ದರ ಏರಿಕೆಯಾಗಿದೆ. ಇದರಿಂದ ಗ್ರಾಹಕರಿಗಂತು ದೊಡ್ಡ ಮಟ್ಟದ ಹೊರೆಯಾಗಲಿದೆ. ಹಾಗಾದ್ರೆ ಎಷ್ಟು ರೂಪಾಯಿ ದರ ಏರಿಕೆ ಮಾಡಿದ್ದಾರೆ ಅನ್ನೋದನ್ನ ನೋಡೋದಾದ್ರೆ,
ಶೆಲ್ ಪೆಟ್ರೋಲ್ ಬಂಕ್ ಗಳಲ್ಲಿ ಇದೇ ಮೊದಲ ಬಾರಿಗೆ ದರ ಹೆಚ್ಚಳ ಮಾಡಿರೋದಲ್ಲ, ಕಳೆದ 15 ದಿನದಲ್ಲಿ 3 ನೇ ಬಾರಿಗೆ ದರ ಏರಿಕೆಯನ್ನ ಮಾಡಿಕೊಂಡಿದೆ. ಪ್ರೀಮಿಯಂ ಜೊತೆಗೆ ಸಾಮಾನ್ಯ ತೈಲ ದರವೂ ಏರಿಕೆಯಾಗಿದೆ. ಕಡಿಮೆ ಏನು ಅಲ್ಲ ದಿಢೀರನೆ ಒಂದು ಲೀಟರ್ ಪೆಟ್ರೋಲ್ ಗೆ ಸುಮಾರು 6 ರೂಪಾಯಿ ಏರಿಕೆ ಮಾಡಿದೆ. ಡಿಸೇಲ್ ಗೆ ಲೀಟರ್ ಗೆ 7 ರೂಪಾಯಿ ಹೆಚ್ಚು ಮಾಡಿದೆ.
ಈ ಮೂಲಕ 106 ರೂಪಾಯಿ ಇದ್ದ ಸಾಮಾನ್ಯ ಪೆಟ್ರೋಲ್ ದರ 112 ರೂಪಾಯಿಗೆ ಮಾರಾಟವಾಗ್ತಾ ಇದೆ. ಸರ್ಕಾರಿ ಸ್ವಾಮ್ಯದ ಬಂಕ್ ಗಳಿಗಿಂತ ಶೆಲ್ ಪೆಟ್ರೋಲ್ ಬಂಕ್ ನಲ್ಲಿ ಸಾಮಾನ್ಯವಾಗಿಯೇ ಹೆಚ್ಚು ಇರುತ್ತದೆ. ಈಗ ಮತ್ತೆ ಬೆಲೆ ಏರಿಕೆಯಾಗಿದೆ. ಆದರೆ ಶೆಲ್ ಪೆಟ್ರೋಲ್ ಬಂಕ್ ದರ ಏರಿಕೆ ನೋಡಿ ಸಾಮಾನ್ಯ ಪೆಟ್ರೋಲ್ ಬಂಕ್ ಗಳು ದರ ಏರಿಕೆ ಮಾಡಿದರೆ ವಾಹನ ಚಾಲಕರು, ಅದರಲ್ಲಿಯೇ ದುಡಿಮೆ ಮಾಡುತ್ತಿರುವವರ ಪರಿಸ್ಥಿತಿ ಏನಾಗಬಹುದು ಎಂಬ ಚಿಂತೆ ಶುರುವಾಗಿದೆ.
