ಕುಮಾರಸ್ವಾಮಿಗೆ ಅವಮಾನ ಮಾಡೋದಕ್ಕೆ ಈ ರೀತಿ ಮಾಡಿದ್ದಲ್ಲ : ಗೃಹ ಸಚಿವ ಆರಗ ಜ್ಞಾನೇಂದ್ರ

ಬೆಂಗಳೂರು: ನಿನ್ನೆ ರಾತ್ರಿ ವಿಧಾನಸೌಧ ಶಾಸಕರ ಭವನದ ಬಳಿ ಗಲಾಟೆ ನಡೆದಿದೆ. ಮೂಡಿಗೆರೆ ಶಾಸಕ ಎಂ ಪಿ ಕುಮಾರಸ್ವಾಮಿ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಹಲ್ಲೆ ನಡೆಸಿರುವ ಆರೋಪ ಕೇಳಿ ಬಂದಿದೆ. ಈ ಸಂಬಂಧ ಇಂದು ಗೃಹ ಸಚಿವ ಆರಗ ಜ್ಞಾನೇಂದ್ರ ಪ್ರತಿಕ್ರಿಯೆ ನೀಡಿದ್ದು, ಪೊಲೀಸರೇನು ಕುಮಾರಸ್ವಾಮಿಗೆ ಅವಮಾನ ಮಾಡಬೇಕು ಅಂತ ಈ ರೀತಿ ಮಾಡಿಲ್ಲ ಎಂದಿದ್ದಾರೆ.

ಅವರು ಶಾಸಕರು ಅಂತ ಗೊತ್ತಿರಲಿಲ್ಲ. ಉದ್ದೇಶ ಪೂರ್ವಕವಾಗಿ ನಡೆದ ಗಲಾಟೆಯಲ್ಲ. ಶಾಕರು ಹೋಗೋ ಜಾಗದಲ್ಲಿ ಹೊಯ್ಸಳ ನಿಲ್ಲಿಸಿದ್ರು. ಹಾಗಾಗಿ ಹೊಯ್ಸಳದವರು ಜಾಗ ಬಿಟ್ಟಿಲ್ಲ. ಅವರಿಗೆ ಗೊಂದಲ ಆಗಿದೆ ಎನಿಸಿದೆ. ಹೊಯ್ಸಳ ಅಡ್ಡಲಾಗಿ ನಿಂತಿದ್ದರು. 15-20 ನಿಮಿಷ ಕಾಯಿಸಿದ್ರು. ಹಾರನ್ ಮಾಡಿದಾಗ ನಡೆದುಕೊಂಡು ಹೋಗು ಅಂತ ಹೇಳಿದ್ರು. ಪಕ್ಕದಲ್ಲೇ ಮಾತಾಡಿಕೊಳ್ಳುತ್ತಿದ್ದರಿಂದ ಅವರಿಗೆ ಈ ಕಡೆ ಗಮನ ಹೋಗಿಲ್ಲ.

ಇನ್ನು ನಾನು ಕುಮಾರಸ್ವಾಮಿ ಬಳು ಈ ಬಗ್ಗೆ ಮಾತಾಡಿದ್ದೇನೆ. ಕುಮಾರಸ್ವಾಮಿ ಅವರು ಹೇಳಿದ್ದಾರೆ. ಅದನ್ನ ಕೈಬಿಟ್ಟಿದ್ದೀನಿ. ಅದನ್ನ ಬೆಳೆಸೋದಲ್ಲ ಅಂತ ಅವರಿಗೆ ಎಚ್ಚರಿಕೆ ಕೊಟ್ಟು ಬಿಡಿ ಅಂತ ಹೇಳಿದ್ದಾರೆ. ಕುಮಾರಸ್ವಾಮಿ ಅವರಿಗೆ ಅವಮಾನ ಮಾಡ್ಬೇಕು ಅಂತ ಏನು ಪೊಲೀಸರು ಮಾಡಿದ್ದಲ್ಲ ಎಂದಿದ್ದಾರೆ.