ಹೊಸ ವರ್ಷಕ್ಕೆ ಕಂಠಪೂರ್ತಿ ಕುಡಿದವರನ್ನ ಪೊಲೀಸರೇ ಮನೆಗೆ ಬಿಡುತ್ತಾರಾ..? ಗೃಹ ಸಚಿವ ಪರಮೇಶ್ವರ್ ಹೇಳಿದ್ದೇನು..?

ಬೆಂಗಳೂರು: ಹೊಸ ವರ್ಷದ ಸಂಭ್ರಮದ ಹೊಸ್ತಿಲಲ್ಲಿ ಜನರಿದ್ದಾರೆ. ಇಂದು ಒಂದೇ ಒಂದು ದಿನ ಕಳೆದರೆ 2026ಕ್ಕೆ ಮುನ್ನಡಿ ಬರೆಯಲಿದ್ದಾರೆ. ಹೀಗಾಗಿಯೇ 2025ನ್ನ ಬೀಳ್ಕೊಟ್ಟು 2026 ಅನ್ನು ಸ್ವಾಗತಿಸೋದಕ್ಕೆ ಜನ ಸಿದ್ಧವಾಗಿದ್ದಾರೆ. ಪಾರ್ಟಿ, ಸಾಂಗ್ಸ್ ಅಂತ ಕುಣಿದು ಕುಪ್ಪಳಿಸಲಿದ್ದಾರೆ. ಅದರಲ್ಲೂ ಬೆಂಗಳೂರಿನಲ್ಲಂತೂ ಈ ಸಂಭ್ರಮ ಜೋರಾಗಿಯೇ ಇರಲಿದೆ. ನಮ್ಮ ಪೊಲೀಸರು ಕೂಡ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಬಿಗಿ ಭದ್ರತೆಯನ್ನು ಮಾಡಿಕೊಂಡಿದ್ದಾರೆ. ನ್ಯೂ ಇಯರ್ ಸೆಲೆಬ್ರೇಷನ್ ಅಂದ್ರೆ ಪಾರ್ಟಿ ಜೋರಾಗಿರುತ್ತೆ. ಮದ್ಯದ ಗಮ್ಮತ್ತಲ್ಲೇ ಜನ ತೇಲುತ್ತಾ ಇರ್ತಾರೆ. ಈ ಸಂಬಂಧ ಗೃಹ ಸಚಿವ ಜಿ ಪರಮೇಶ್ವರ್ ಅವರು ಮಾಹಿತಿ ನೀಡಿದ್ದಾರೆ.

ಎಲ್ಲರನ್ನು ಮನೆಗೆ ಕರೆದುಕೊಂಡು ಹೋಗಿ ಬಿಡಲ್ಲ. ತುಂಬಾ ಅವರಿಗೆ ನಡೆಯೋದಕ್ಕೆ ಆಗ್ತಿಲ್ಲ, ಅವರಿಗೆ ಪ್ರಜ್ಞೆನೇ ಇರುವುದಿಲ್ಲ, ಎಂಜಾಯ್ಮೆಂಟ್ ಮಾಡುವಾಗ ಹತೋಟಿ ಕಳೆದುಕೊಂಡಿರುತ್ತಾರೆ. ಅಂತಹವಿರಿಗೆ ವಿಶ್ರಾಂತಿ‌ ಸ್ಥಳಕ್ಕ ಬಿಡುತ್ತಾರೆ.

15 ಕಡೆ ಆ ರೀತಿಯ ಸ್ಥಳವನ್ನ ಮಾಡಿದ್ದಾರೆ. ಅವರನ್ನ ಎಚ್ಚರವಾಗುವ ತನಕ ಇಟ್ಟುಕೊಂಡು, ಆಮೇಲೆ ಅವರ ಮನೆ ವಿಳಾಸ ತಗೊಂಡು ಮನೆಗೆ ಕಳುಹಿಸಿಕೊಡುವ ಕೆಲಸ ಮಾಡುತ್ತೇವೆ. ವಿಶೇಷವಾಗಿ ಹೆಣ್ಣು ಮಕ್ಕಳು, ಆ ಸಂದರ್ಭದಲ್ಲಿ ಯಾವ್ಯಾವ ಪರಿಸ್ಥಿತಿಯಲ್ಲಿರ್ತಾರೆ ಅನ್ನೋದು ಹೇಳುವುದಕ್ಕೆ ಬರಲ್ಲ. ಪ್ರಜ್ಞೆ ಇಲ್ಲದೆ ಇದ್ದಾಗ ಅವರಿಗೆ ಯಾರು ಏನು ಬೇಕಾದರೂ ಮಾಡಬಹುದು. ಆ ಕಾರಣಕ್ಕೆ ನಾವೂ ಈಕ್ರಮ ತೆಗೆದುಕೊಳ್ಳುತ್ತಿದ್ದೇವೆ. ಇದು ದುರುಪಯೋಗ ಆಗಬಾರದು. 30 ಜಿಲ್ಲೆಗಳಲ್ಲೂ ಕಟ್ಟುನಿಟ್ಟಿನ ಭದ್ರತೆಯನ್ನ ಒದಗಿಸಿದ್ದೀವಿ. ವಿಶೇಷವಾಗಿ ಬೆಂಗಳೂರಿಗೆ ಪ್ರತಿ ವರ್ಷ ಹೊರಗಿನಿಂದ ಬರುತ್ತಾರೆ ಎಂದು ಮಾಹಿತಿ ನೀಡಿದ್ದಾರೆ.