ಬೆಳಗಾವಿ: ವರ್ತೂರು ಸಂತೋಷರ ಬಂಧನವಾದ ಮೇಲೆ ರಾಜ್ಯಾದ್ಯಂತ ಹುಲಿ ಉಗುರಿನ ಪ್ರಕರಣಗಳು ಹೆಚ್ಚಾಗುತ್ತಿವೆ. ದೊಡ್ಡ ದೊಡ್ಡವರ ಕೊರಳಲ್ಲಿಯೇ ಹುಲಿ ಉಗುರಿನ ಪೆಂಡೆಂಟ್ ಗಳು ಕಾಣಿಸುತ್ತಿವೆ. ಇದು ಅರಣ್ಯಾಧಿಕಾರಿಗಳಿಗೆ ಬಹು ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.
ಇತ್ತಿಚೆಗಷ್ಟೇ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಅವರ ಪುತ್ರನ ಫೋಟೋ ಕೂಡ ವೈರಲ್ ಆಗಿತ್ತು. ಹುಲಿ ಉಗುರು ಇರುವಂತ ಪೆಂಡೆಂಟ್ ಅನ್ನು ಧರಿಸಿದ್ದರು. ಆ ಫೋಟೋ ಹಾಕಿ ದೊಡ್ಡವರ ತನಿಖೆ ಯಾವಾಗ ಎಂದೇ ಕೇಳಲಾಗಿತ್ತು. ಇದೀಗ ಮಗ ಹಾಕಿದ್ದ ಪೆಂಡೆಂಟ್ ಬಗ್ಗೆ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಪ್ರತಿಕ್ರಿಯೆ ನೀಡಿದ್ದಾರೆ. ಮಗ ಹಾಕಿದ್ದು ಒರಿಜಿನಲ್ ಅಥವಾ ಡೂಪ್ಲಿಕೇಟ್ ಎಂಬುದನ್ನು ತಿಳಿಸಿದ್ದಾರೆ.
‘ಮದುವೆ ಸಮಯದಲ್ಲಿ ಯಾರೋ ಗಿಫ್ಟ್ ಕೊಟ್ಟಿದ್ದರು ಅಂತ ಅದನ್ನ ಹಾಕಿದ್ದ. ಮೃಣಾಲ್‌ ಹಾಕಿದ್ದ ಪೆಂಡೆಂಟ್ ಪ್ಲಾಸ್ಟಿಕ್ ನದ್ದು, ಒರಿಜಿನಲ್ ಅಲ್ಲ. ನಾನು ಸಸ್ಯಹಾರಿ. ಹುಲಿ, ಜಿಂಕೆ, ಕೋಳಿ ಇನ್ಯಾವುದರ ಬಲಿಯನ್ನು ಬಯಸುವುದಿಲ್ಲ’ ಎಂದಿದ್ದಾರೆ. ಲಕ್ಷ್ಮೀ ಹೆಬ್ಬಾಳ್ಕರ್ ಪುತ್ರನ ಮದುವೆಗೆ ಪ್ಲಾಸ್ಟಿಕ್ ಉಡುಗೊರೆ ಬಂದಿತ್ತಾ ಎಂಬ ಪ್ರಶ್ನೆ ಅವರ ಹೇಳಿಕೆಯಿಂದ ಕಾಡುವುದಕ್ಕೆ ಶುರುವಾಗಿದೆ.
Newbie Techy