ಬೆಂಗಳೂರು: ಈಗಂತೂ ಸೈಬರ್ ವಂಚಕರು ತಮ್ಮ ಜಾಲವನ್ನು ಬೇರೆ ರೀತಿಯಲ್ಲಿಯೇ ವಿಸ್ತರಿಸಿಕೊಂಡಿದ್ದಾರೆ. ಜನ ಏನನ್ನ ಹೆಚ್ಚು ಬಳಕೆ ಮಾಡುತ್ತಾರೋ ಅದನ್ನೇ ಸೈಬರ್ ವಂಚಕರು ಬಂಡವಾಳವನ್ನಾಗಿಸಿಕೊಳ್ಳುತ್ತಿದ್ದಾರೆ. ಟ್ರಾಫಿಕ್ ರೂಲ್ಸ್ , ಬ್ಯಾಂಕ್ ಅಪ್ಡೇಟ್, ಜಾಬ್ ಆಫರ್ ನೀಡುವುದು, ಡೆಲಿವರಿ ಬಂದಿದೆ ಎನ್ನುವುದು ಅಷ್ಟೆ ನಾನಿನ್ನ ಹಳೆ ಫ್ರೆಂಡ್ ಅಂತ ಹೇಳಿ ಮದುವೆ ಪತ್ರಿಕೆ ಕಳುಹಿಸಿಯೂ ಕೋಟಿ ಕೋಟಿ ವಂಚನೆ ಮಾಡಿದ್ದಾರೆ. ಈಗಂತೂ ವಾಟ್ಸಾಪ್ ಮೂಲಕ ಹೆಚ್ಚು ಸೈಬರ್ ವಂಚನೆಗಳು ನಡೆಯುತ್ತಿದ್ದು, ಅದೆಲ್ಲದರಿಂದ ಸ್ವಲ್ಪ ಜಾಗರೂಕರಾಗಿರಿ.
ಅದರಲ್ಲೂ ವಾಟ್ಸಾಪ್ ಬಳಕೆದಾರರು ಎಚ್ಚರದಿಂದ ಇರಬೇಕಾಗಿದೆ. ಕಳುಹಿಸುವ ಒಂದು ಲಿಂಕ್ ಓಪನ್ ಮಾಡಿದರೆ ನಿಮ್ಮ ಬ್ಯಾಂಕ್ ಖಾತೆಯಲ್ಲಿರುವ ಹಣ ಮಂಗಮಾಯವಾಗಬಹುದು. ಹೀಗಾಗಿ ಬ್ಯಾಂಕ್ ಕೆವೈಸಿ ಅಪ್ಡೇಟ್, ಲಾಟರಿ ಹೊಡೆದಿದೆ ಅಥವಾ ಬಹುಮಾನ ಬಂದಿದೆ ಎಂಬೆಲ್ಲ ಆಶ್ವಾಸನೆಗಳನ್ನು ನಂಬುವುದಕ್ಕೆ ಹೋಗಬೇಡಿ. ಅದರಿಂದ ನಿಮಗೆ ತೊಂದರೆ ಎದುರಾಗಬಹುದು.
ಅದರಲ್ಲೂ ಅಪರಾಧಿಗಳು ಉದ್ಯೋಗದ ಹೆಸರಿನಲ್ಲಿ ಯುವಕರನ್ನು ಯಾಮಾರಿಸುತ್ತಿದ್ದಾರೆ. ಒಳ್ಳೆಯ ಉದ್ಯೋಗ ನೀಡುತ್ತೇವೆಂದು ಲಿಂಕ್ ಕಳುಹಿಸುತ್ತಾರೆ. ಅದರಲ್ಲೂ ಆ ಲಿಂಕ್ ಅಫಿಷಿಯಲ್ ಪೇಜ್ ಗಳಂತೆಯೇ ಇರುವಂತೆ ಲಿಂಕ್ ಗಳನ್ನ ಕಳುಹಿಸುತ್ತಾರೆ. ಆದರೆ ಅದನ್ನ ಓಪನ್ ಮಾಡಿ, ವೈಯಕ್ತಿಕ ನಮೂದಿಸಿದರೆ ಮುಗೀತು ಸುಲಭವಾಗಿ ಬ್ಯಾಂಕ್ ಖಾತೆಗೆ ಪ್ರವೇಶ ಮಾಡುತ್ತಾರೆ.
ಇನ್ನು ಬ್ಯಾಂಕ್ ಖಾತೆದಾರರಿಗೆ ಬ್ಯಾಂಕ್ ಹೆಸರಿನಲ್ಲಿ ಲಿಂಕ್ ಕಳುಹಿಸುತ್ತಾರೆ. ಈ ಲಿಂಕ್ ಅನ್ನ ಓಪನ್ ಮಾಡಿ, ಕೆವೈಸಿಗೆ ಬೇಕಾದ ಮಾಹಿತಿ ಕೊಟ್ಟಲ್ಲಿ ನಿಮ್ಮ ಬ್ಯಾಂಕ್ ಖಾತೆಯ ಹಣ ಖಾಲಿಯಾಗದೆ ಇರುವುದಿಲ್ಲ. ಹಾಗೇ ನೀವೂ ಏನನ್ನು ಆರ್ಡರ್ ಮಾಡದೆ ಇದ್ದರು ನಿಮ್ಮ ಹೆಸರಲ್ಲಿ ಬರುವ ಡೆಲಿವರಿ ಬಗ್ಗೆಯೂ ಎಚ್ಚರದಿಂದ ಇರಿ.
