ಸುದ್ದಿಒನ್,ಬೆಂಗಳೂರು,ಮೇ.11: ರಾಜ್ಯದ ಜನತೆಗೆ ಒಂದೆಡೆ ಅಡುಗೆ ಅನಿಲದ (ಸಿಲಿಂಡರ್) ಕೊರತೆ ಕಾಡುತ್ತಿದ್ದರೆ, ಇನ್ನೊಂದೆಡೆ ದಿನೇ ದಿನೇ ಏರುತ್ತಿರುವ ತರಕಾರಿ ಬೆಲೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ. ಕಳೆದ ಹದಿನೈದು ದಿನಗಳಿಗೆ ಹೋಲಿಸಿದರೆ ಬಹುತೇಕ ತರಕಾರಿಗಳ ಬೆಲೆ ಎರಡು ಪಟ್ಟು ಹೆಚ್ಚಾಗಿದ್ದು, ಜನಸಾಮಾನ್ಯರ ಅಡುಗೆಮನೆ ಬಜೆಟ್ ತಲೆಕೆಳಗಾಗಿದೆ.
ತೀವ್ರ ಬಿಸಿಲಿನ ತಾಪದಿಂದಾಗಿ ತರಕಾರಿ ಗಿಡಗಳ ಹೂವು ಉದುರುತ್ತಿದ್ದರೆ, ಇತ್ತೀಚೆಗೆ ಸುರಿದ ಅಕಾಲಿಕ ಮಳೆಯಿಂದಾಗಿ ಬೆಳೆ ಹಾನಿಯಾಗಿ ಇಳುವರಿ ಕುಂಠಿತಗೊಂಡಿದೆ.ಸದ್ಯ ಮದುವೆ ಸೀಸನ್, ಊರ ಹಬ್ಬಗಳು ಹಾಗೂ ಜಾತ್ರೆ-ರಥೋತ್ಸವಗಳ ಸಾಲು ಇರುವುದರಿಂದ ಮಾರುಕಟ್ಟೆಯಲ್ಲಿ ತರಕಾರಿಗೆ ಭಾರಿ ಬೇಡಿಕೆ ಸೃಷ್ಟಿಯಾಗಿದೆ. ಬೇಡಿಕೆಗೆ ತಕ್ಕಂತೆ ಮಾರುಕಟ್ಟೆಗೆ ತರಕಾರಿ ಪೂರೈಕೆಯಾಗದಿರುವುದು ದರ ಏರಿಕೆಗೆ ಮುಖ್ಯ ಕಾರಣವಾಗಿದೆ.
ತರಕಾರಿ ಬೆಲೆಗಳ ಇಂದಿನ ಸ್ಥಿತಿ (ಪ್ರತಿ ಕೆ.ಜಿ.ಗೆ):
| ತರಕಾರಿ ಹೆಸರು | 10 ದಿನದ ಹಿಂದೆ (₹) | ಇಂದಿನ ದರ (₹) |
|---|---|---|
| ಬೀನ್ಸ್ | 80 | 200 |
| ಬಟಾಣಿ | 120 | 360 |
| ಡಬಲ್ ಬೀನ್ಸ್ | 120 | 260 |
| ಕ್ಯಾರೆಟ್ | 30 | 60 |
| ಟೊಮೆಟೋ | 30 | 60 |
| ಸೌತೆಕಾಯಿ | 30 | 60 |
| ಹಸಿ ಮೆಣಸಿನಕಾಯಿ | 70 | 95 |
| ಬೀಟ್ ರೂಟ್ | 45 | 70 |
| ಕ್ಯಾಪ್ಸಿಕಂ | 65 | 90 |
| ಹೂಕೋಸು | 40 | 65 |
| ಎಲೆಕೋಸು | 30 | 50 |
