ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಬೆಳಗೆರೆ, ಚಳ್ಳಕೆರೆ
ಮೊ : 8431413188
ಸುದ್ದಿಒನ್, ಚಿತ್ರದುರ್ಗ, ನವೆಂಬರ್. 24 : ಹಲವು ದಿನಗಳ ಹಿಂದೆ ಟೊಮೆಟೋ ಬೆಲೆ ಪಾತಳಕ್ಕೆ ಕುಸಿತ ಕಂಡಿದ್ದು ಬೆಳೆಗಾರರಲ್ಲಿ ನಿರಾಸೆ ಮೂಡಿಸಿತ್ತು. ಇದೀಗ ಟೊಮೆಟೋ ಮಾರುಕಟ್ಟೆಯಲ್ಲಿ ಏರಿಕೆ ಕಂಡಿದ್ದು ಟೊಮೇಟೋ ಬೆಳೆಗಾರರಲ್ಲಿ ಸಂತಸ ಮೂಡಿದೆ.
15 ದಿನಗಳ ಹಿಂದೆ ಟೊಮೆಟೊ ಬೆಲೆ ಬಾರಿ ಕುಸಿತ ಕಂಡಿದ್ದು ರೈತರು ಬೆಳೆ ಬೆಳೆಯಲು ಹಾಕಿದ್ದ ಬಂಡವಾಳವು ಸಹ ಬಾರದಂತಾಗಿ ಬೆಳೆದ ಟೊಮೆಟೊ ಬೆಳೆಯನ್ನು ರೈತರು ರಸ್ತೆಗೆ ಸುರಿದು ಆಕ್ರೋಶ ವ್ಯಕ್ತಪಡಿಸಿದ್ದರು. ಬಹುಶಃ ಕೆಲವು ರೈತರು ಬೆಳೆಯನ್ನ ಜಮೀನಿನಲ್ಲೆ ಕೊಳೆಯಲು ಬಿಟ್ಟಿದ್ದರು.
ಆದರೆ ಈಗ ಜಿಲ್ಲೆಯಲ್ಲಿ ಟೊಮೆಟೊ ಬೆಲೆ ಒಂದು ಕೆಜಿಗೆ 40 ರಿಂದ 60 ರೂಪಾಯಿಗಳಿದ್ದ, 1 ಬಾಕ್ಸ್ ಗೆ 500 ರಿಂದ 700 ರೂಪಾಯಿ ಏರಿಕೆ ಕಂಡಿದ್ದ ಟೊಮೆಟೊ ಬೆಳೆಗಾರರಿಗೆ ತುಸು ಸಂತಸ ತಂದರೆ ಗ್ರಾಹಕರಿಗೆ ಹೊರೆಯಾಗಿಲಿದೆ.
