ಚಳ್ಳಕೆರೆ | ವಿದ್ಯುತ್ ವೈರ್ ಸ್ಪರ್ಶಿಸಿ ಏಳು ಮೇಕೆ ಸಾವು..!

ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಬೆಳಗೆರೆ
ಮೊ : 97398 75729

ಸುದ್ದಿಒನ್, ಚಳ್ಳಕೆರೆ, ಆಗಸ್ಟ್. 30 : ತಾಲ್ಲೂಕಿನ ನಾಯಕನಹಟ್ಟಿ ಹೋಬಳಿಯ ಗೌಡಗೆರೆ ಗ್ರಾಮದಲ್ಲಿ ವಿದ್ಯುತ್ ವೈರು ಸ್ಪರ್ಶಿಸಿ 7 ಮೇಕೆಗಳು ಸಾವನಪ್ಪಿವೆ.

ಗೌಡಗೆರೆ ಗ್ರಾಮದ ತಿಪ್ಪೇಸ್ವಾಮಿ ಎಂಬುವರ ರೈತನಿಗೆ ಸೇರಿದ ಮೇಕೆಗಳಾಗಿವೆ.
ರೈತ ತಿಪ್ಪೇಸ್ವಾಮಿ ಎಂದಿನಂತೆ ಮೇಕೆ ಮೇಯಿಸಿಕೊಂಡು ಸಂಜೆ ನಾಲ್ಕು ಗಂಟೆ ಸಮಯಕ್ಕೆ ಮನೆಗೆ ಮೇಕೆ ಹಟ್ಟಿಯಲ್ಲಿ ಕಟ್ಟಿ ಹಾಕಿದ್ದಾನೆ. ರೈತ ಊಟ ಮಾಡುತ್ತಿರುವಾಗ ಏಕಾಏಕಿ ಮೇಕೆಗಳು ಕಿರುಚಿಕೊಂಡಿವೆ ಮೇಕೆ ಹಟ್ಟಿಗೆ ಹೋಗಿ ನೋಡಿದಾಗ ವಿದ್ಯುತ್ ವೈರ್ ತಗಲಿ ಏಳು ಮೇಕೆ ಮೃತಪಟ್ಟಿವೆ ಎಂದು ತಿಪ್ಪೇಸ್ವಾಮಿ ತಿಳಿಸಿದ್ದಾರೆ. ಇದರಿಂದ ಸುಮಾರು ಲಕ್ಷ ರೂಪಾಯಿ ನಷ್ಟವಾಗಿದೆ ಎಂದು ತಿಳಿಸಿದ್ದಾರೆ.