ಸುದ್ದಿಒನ್, ಚಿತ್ರದುರ್ಗ, ಫೆಬ್ರವರಿ. 06 : ಒಂದು ನಗು ತುಂಬಾ ಮುಖ್ಯ. ಒಂದು ನಗು ಸಾವಿರ ಕಥೆಗಳನ್ನು ಹೇಳಬಲ್ಲದು ಮತ್ತು ಸೌಂದರ್ಯದ ಚಿತ್ರಣವನ್ನು ತೋರಿಸಬಲ್ಲದು. ಜನರು ನಿಮ್ಮ ಬಗ್ಗೆ ಮೊದಲು ಗಮನಿಸುವ ವಿಷಯವೆಂದರೆ ನಿಮ್ಮ ಮುಖ, ಮತ್ತು ಸುಂದರವಾದ ನಗು ದೊಡ್ಡ ಪರಿಣಾಮ ಬೀರುತ್ತದೆ ಎಂದು ಖ್ಯಾತ ಚಲನಚಿತ್ರ ನಟಿ ಅದಿತಿ ಪ್ರಭುದೇವ್ ಹೇಳಿದರು.
ಅವರು ನಗರದ ಬಿ.ಡಿ.ರಸ್ತೆಯ ಎಸ್.ಬಿ.ಐ. ವೃತ್ತದಲ್ಲಿ ನೂತನ SmyleXL ದಂತ ಚಿಕಿತ್ಸಾಲಯವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಒತ್ತಡದ ಬದುಕಿನಲ್ಲಿ ನಗು ಬಹಳ ಮುಖ್ಯ. ನಗುವಿನಷ್ಟೇ ಮುಖ್ಯವಾದದ್ದು ನಮ್ಮ ಬಾಯಿಯ ಆರೋಗ್ಯ. ಆದ್ದರಿಂದ ಎಲ್ಲರೂ ಬಾಯಿಯ ಆರೋಗ್ಯಕ್ಕೆ ಹೆಚ್ಚಿನ ಒತ್ತು ನೀಡಬೇಕು. ಇಂದಿನಿಂದ ಆರಂಭವಾದ SmyleXL ದಂತ ಚಿಕಿತ್ಸಾಲಯ ನಿಮ್ಮ ನಗುವನ್ನು ಮತ್ತಷ್ಟು ಮೆರುಗುಗೊಳಿಸುತ್ತದೆ. ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ಸೌಲಭ್ಯಗಳನ್ನು ಹೊಂದಿರುವ ಈ ಕ್ಲಿನಿಕ್ ನಲ್ಲಿ ಚಿಕಿತ್ಸೆ ಪಡೆಯುವ ಮೂಲಕ ನಿಮ್ಮ ಹಲ್ಲುಗಳ ಆರೋಗ್ಯವನ್ನು ಕಾಪಾಡಿಕೊಳ್ಳಿ ಎಂದು ಹೇಳಿದರು.
ಈ ಸಂದರ್ಭದಲ್ಲಿ SmyleXL ದಂತ ಚಿಕಿತ್ಸಾಲಯದ ಸಂಸ್ಥಾಪಕರಾದ ಡಾ.ಪ್ರಸನ್ನ ಕುಮಾರ್, ಶ್ರೀಮತಿ ವೀಣಾ ಪ್ರಸನ್ನ ಕುಮಾರ್, ನಿರ್ದೇಶಕರಾದ ಶ್ರೀಮತಿ ರೀನಾ ಮತ್ತು ಡಾ. ಸುಜಿತ್ ಪರ್ದೇಶಿ ಸೇರಿದಂತೆ ಮತ್ತಿತರರು ಇದ್ದರು.
