ದಾವಣಗೆರೆ: ಇತ್ತೀಚೆಗೆ ಮೈಕ್ರೋ ಫೈನಾನ್ಸ್ ಕಾಟಕ್ಕೆ ರಾಜ್ಯದಲ್ಲಿ ಜೀವ ಕಳೆದುಕೊಂಡವರು ಅದೆಷ್ಟೋ. ಇದಕ್ಕೆ ಕಡಿವಾಣ ಹಾಕುವುದಕ್ಕೆ ಸರ್ಕಾರ ಕೂಡ ಸಭೆಗಳನ್ನ ನಡೆಸಿದೆ, ಸಂಪುಟ ಸಭೆಯಲ್ಲಿ ಬಿಲ್ ಮಂಡಿಸಿ, ಕಠಿಣ ಆದೇಶ ತರಲು ತೀರ್ಮಾನಿಸಿದೆ. ಆದರೆ ಕಳೆದ ಮೂರು ದಿನಗಳ ಹಿಂದೆ ದಾವಣಗೆರೆಯಲ್ಲಿ ಶಿಕ್ಷಕಿಯೊಬ್ಬರು ಸಾವನ್ನಪ್ಪಿದ್ದರು. ಆ ಕೇಸ್ ಗೆ ಕೂಡ ಫೈನಾನ್ಸ್ ಕಿರುಕುಳ ಎನ್ನಲಾಗಿತ್ತು. ಇದೀಗ ಪತ್ನಿ ಸಾವಿನ ಬಗ್ಗೆ ಪತಿ ಉಲ್ಟಾ ಹೊಡೆದಿದ್ದಾರೆ.
ಸರ್ಕಾರಿ ಶಾಲೆಯಲ್ಲಿ ಶಿಕ್ಷಕಿಯಾಗಿದ್ದ ಪುಷ್ಪಲತಾ, ಮನೆಯಿಂದ ನಾಪತ್ತೆಯಾಗಿದ್ದರು. ಮೂರು ದಿನಗಳ ಬಳಿಕ ತುಂಗಾಭದ್ರಾ ನದಿಯಲ್ಲಿ ಪುಷ್ಪಲತಾ ಶವವಾಗಿ ಪತ್ತೆಯಾಗಿದ್ದರು. ದಾವಣಗೆರೆ ಜಿಲ್ಲೆಯ ಹೊನ್ನಾಳಿ ಪಟ್ಟಣದ ರಾಘವೇಂದ್ರ ಮಠದ ಬಳಿ ತುಂಗಾ ಭದ್ರಾ ನದಿಗೆ ಪುಷಗಪಲತಾ ಹಾರಿದ್ದಾರೆಂದು ವರದಿಯಾಗಿತ್ತು. ಆಕೆಯ ಪತಿ ಈ ಸಾವಿಗೆ ಇಂದು ಬೇರೆಯೇ ಹೇಳುತ್ತಿದ್ದಾರೆ. ಇದು ಆತ್ಮಹತ್ಯೆಯಲ್ಲ, ಪುಷ್ಪಲತಾ ಕಾಲು ಜಾರಿ ಬಿದ್ದಿರೋದು ಎಂದು ಹೇಳುತ್ತಿದ್ದಾರೆ. ಮೊದಲು ಫೈನಾನ್ಸ್ ವಿಚಾರಕ್ಕೆ ಆತ್ಮಹತ್ಯೆ ಮಾಡಿಕೊಂಡಿರುವುದು ಎಂದಿದ್ದ ಪತಿ ಈಗ ಉಲ್ಟಾ ಹೊಡೆದಿದ್ದಾರೆ.
ಶಿಕ್ಷಕಿ ಪುಷ್ಪಲತಾ, ಮನಡ ಕಟ್ಟುವುದಕ್ಕೆಂದು ಫೈನಾನ್ಸ್ ಅವರ ಬಳಿ ಸಾಲ ಪಡೆದಿದ್ದರು. ಆದರೆ ಒಂದೇ ಒಂದು ಕಂತು ಡ್ಯೂ ಇದ್ದ ಕಾರಣ, ಫೈನಾನ್ಸ್ ಅವರು ಮನೆ ಬಳಿ ಬಂದು ಕೂರುತ್ತಿದ್ದರಂತೆ. ಅಷ್ಟೇ ಅಲ್ಲ ಸ್ಕೂಲ್ ಬಳಿಯೂ ಹೋಗುತ್ತಿದ್ದರಂತೆ. ಈ ಸಂಬಂಧ ಪೊಲೀಸ್ ಠಾಣೆಯಲ್ಲಿ ದೂರನ್ನು ದಾಖಲಿಸಲಾಗಿತ್ತು. ಪುಷ್ಪಲತಾ ಸ್ವಲ್ಲ ಸೆನ್ಸಿಟಿವ್ ಕ್ಯಾರೆಕ್ಟರ್ ಅಂತೆ. ಹೀಗಾಗಿ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಪತಿ ಹಾಲೇಶ್ ಹೇಳಿದ್ದರು. ಈಗ ಉಲ್ಟಾ ಹೊಡೆಯುತ್ತಿರೋದು ಹಲವು ಅನುಮಾನಗಳಿಗೆ ಕಾರಣವಾಗಿದೆ.
