ಸುದ್ದಿಒನ್, ಚಿತ್ರದುರ್ಗ, ಜನವರಿ, 01 : ನಗರದ ಕೋಟೆ ರಸ್ತೆಯಲ್ಲಿ ಹೊಸ ವರ್ಷದ ದಿನವೇ ಸರಣಿ ಅಪಘಾತ ಸಂಭವಿಸಿದೆ.
ಕೋಟೆ ವೀಕ್ಷಿಸಲು ಬಂದಿದ್ದ ಬಸ್ಸೊಂದು ಪ್ರವಾಸ ಮುಗಿಸಿ ವಾಪಾಸು ಬರುತ್ತಿದ್ದಾಗ ಉಚ್ಚಂಗಿಯಲ್ಲಮ್ಮ ದೇವಸ್ಥಾನದ ಸಮೀಪವಿರುವ ನಗರಸಭೆ ಸದಸ್ಯ ಚಂದ್ರಶೇಖರ್ ಅವರ ಮನೆ ಬಳಿ ಬಸ್ಸಿನ ಬ್ರೇಕ್ ಫೇಲ್ ಆಗಿದ್ದು, ಮುಂದೆ ಹೋಗುತ್ತಿದ್ದ ಟ್ರಾಕ್ಟರ್ ಗೆ ಡಿಕ್ಕಿಯಾಗಿದೆ. ಈ ವೇಳೆ ಬಸ್ಸಿನ ಚಾಲಕ ಬಸ್ಸಿಗೆ ಬ್ರೇಕ್ ಪೇಲ್ ಆಗಿದೆ ಎಂದು ಜೋರಾಗಿ ಕೂಗಿದ್ದಾನೆ. ಟ್ರಾಕ್ಟರ್ ಮುಂದಿದ್ದ ಬೈಕ್ ಗೆ ಡಿಕ್ಕಿ ಹೊಡೆದು ಬೈಕ್ ಟ್ರಾಕ್ಟರ್ ಚಕ್ರದಡಿಗೆ ಸಿಲುಕಿದೆ. ನಂತರ ಮುಂದಿದ್ದ ಎರಡು ಕಾರುಗಳಿಗೆ ಟ್ರಾಕ್ಟರ್ ಡಿಕ್ಕಿಯಾಗಿ ಈ ರೀತಿಯಲ್ಲಿ ಸರಣಿ ಅಪಘಾತ ಸಂಭವಿಸಿದೆ. ಅದೃಷ್ಟವಶಾತ್ ಯಾರಿಗೂ ಅಪಾಯವಾಗಿಲ್ಲ, ಕೆಲವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ತಿಳಿದು ಬಂದಿದೆ.
ಇಂದು ಹೊಸ ವರ್ಷ ಆದ ಕಾರಣ ಕೋಟೆ ನೋಡಲು ಪ್ರವಾಸಿಗರು ಅಪಾರ ಸಂಖ್ಯೆಯಲ್ಲಿ ಬಂದಿದ್ದರು
ಇದೇ ವೇಳೆ ಇಂತದ್ದೊಂದು ಅಪಘಾತ ಸಂಭವಿಸಿದ್ದು ಬಾರಿ ದುರಂತವೊಂದು ತಪ್ಪಿದಂತಾಗಿದೆ.
ವಿಷಯ ತಿಳಿದು ಘಟನಾ ಸ್ಥಳಕ್ಕೆ ಸಂಚಾರ ಮತ್ತು ಕೋಟೆ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
