ಆರ್ಯನ್ ಖಾನ್ ಗೆ ಜೈಲಾ..? ಬೇಲಾ..? ಇಂದು ಮತ್ತೆ ಭವಿಷ್ಯ ನಿರ್ಧಾರ..!

ಮುಂಬೈ: ಐಷರಾಮಿ ಹಡಗಿನಲ್ಲಿ ಪಾರ್ಟಿ ಮಾಡಲು ಹೋಗಿ ಬಾಲಿವುಡ್ ಬಾದ್ ಶಾ ಶಾರೂಖ್ ಖಾನ್ ಮಗ ಡ್ರಗ್ ಕೇಸ್ ನಲ್ಲಿ ತಗಲಾಕಿಕೊಂಡಿರೋದು ಎಲ್ಲರಿಗೋ ಗೊತ್ತಿರೋ ವಿಚಾರ.. ಆದ್ರೆ ಬಂಧನವಾದಾಗಿನಿಂದ ಜಾಮೀನಿಗಾಗಿ ಪ್ರಯತ್ನಿಸಿದ್ರು ಜಾಮೀನು ಸಿಕ್ತಾ ಇಲ್ಲ. ಹೀಗಾಗಿ ಇವತ್ತಾದರೂ ಸಿಗುತ್ತಾ ಅನ್ನೋ ನಿರೀಕ್ಷೆಯಲ್ಲೇ ಅವರ ಪೋಷಕರು ಕಾಯ್ತಾ ಇದ್ದಾರೆ.

ಆರ್ಯನ್ ಖಾನ್ ಜಾಮೀನು ಸಂಬಂಧ ಇಂದು ಅರ್ಜಿ ವಿಚಾರಣೆ ನಡೆಯಲಿದೆ. ಆರ್ಯನ್ ಖಾನ್ ವಿಚಾರಣೆ ಬಳಿಕ ಇಂದು ಮತ್ತೆ ಜೈಲು ಮುಂದುವರೆಯುತ್ತಾ ಅಥವಾ ಅಂತ್ಯವಾಗುತ್ತಾ ಎಂಬುದನ್ನ ಕಾದು ನೋಡಬೇಕಿದೆ. ಸಲ್ಮಾನ್ ಖಾನ್ ಹಿಟ್ ಅಂಡ್ ರನ್ ಕೇಸ್ ಗೆದ್ದ ವಕೀಲರನ್ನೇ ಈ ಕೇಸ್ ಗೂ ನೇಮಕ ಮಾಡಲಾಗಿದೆ ಎನ್ನಲಾಗಿದ್ದು.

ಅಕ್ಟೋಬರ್ 13 ಮತ್ತು 14 ರಂದು ಆರ್ಯನ್ ಖಾನ್ ಸೇರಿದಂತೆ ಮೂವರನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿತ್ತು. ಅದಾದ ಬಳಿಕ ಅಕ್ಟೋಬರ್ 20 ರ ತನಕ ನ್ಯಾಯಾಂಗ ಬಂಧನಕ್ಕೆ ನೀಡಲಾಗಿತ್ತು. ಇದೀಗ ಇಂದು ವಿಚಾರಣೆ ನಡೆಯಲಿದ್ದು, ಎಲ್ಲರ ಚಿತ್ತ ಜೈಲಾ ಬೇಲಾ ಅನ್ನೋ ಕಡೆಗೆ ಇದೆ.