2024ಕ್ಕೆ ಮತ್ತೆ ಮೋದಿಗೆ ಜೈ ಅಂತಾರಾ ಜನ..? ಸಮೀಕ್ಷೆ ಹೇಳ್ತಿರೋದೇನು..?

2024ರ ಲೋಕಸಭಾ ಚುನಾವಣೆ‌ ಮೇಲೆ ಎಲ್ಲರ ಕಣ್ಣು ಬಿದ್ದಿದೆ. ಈ ಬಾರಿ ಯಾವ ಸರ್ಕಾರ ಅಧಿಕಾರಕ್ಕೆ ಬರುತ್ತೆ ಎಂಬುದಾಗಿ ಎಲ್ಲರ ಪ್ರಶ್ನೆ ಕಾಡ್ತಿದೆ. ಅದರಲ್ಲೂ ಈ ಬಾರಿ ಮೋದಿ ಸರ್ಕಾರವನ್ನು ಹೇಗಾದರೂ ಮಾಡಿ ಬೀಳಿಸಲೇಬೇಕೆಂದು ವಿಪಕ್ಷಗಳು ಕೂಡ ಒಂದಾಗಿವೆ. ಇದರ ನಡುವೆ ಕೆಲವೊಂದು ಸಮೀಕ್ಷೆಗಳು ಬೇರೆಯದ್ದೇ ಉತ್ತರ ಹೇಳುತ್ತಿವೆ.

ಇಂಎಇಯಾ ಟಿವಿ ಹಾಗೂ CNX ಸಮೀಕ್ಷೆ ನಡೆಸಿದ್ದು, ಅದರಲ್ಲಿ ಮತ್ತೊಮ್ಮೆ ಮೋದಿ ಸರ್ಕಾರಕ್ಕೇನೆ ಜೈಕಾರ ಸಿಕ್ಕಿದೆ. ಸಮೀಕ್ಷೆಯ ಪ್ರಕಾರ 543 ಲೋಕಸಭಾ ಕ್ಷೇತ್ರದಲ್ಲಿ 318 ಕ್ಷೇತ್ರಗಳನ್ನು ಮೋದಿ ನೇತೃತ್ವದ ಎನ್ಡಿಎ ಸರ್ಕಾರವೇ ಪಡೆದುಕೊಳ್ಳಲಿದೆ ಎನ್ನಲಾಗುತ್ತಿದೆ. ಕಾಂಗ್ರೆಸ್ 175 ಕ್ಷೇತ್ರಗಳಲ್ಲಿ ಮಾತ್ರ ಗೆಲುವು ಸಾಧಿಸಲಿದೆ ಎನ್ನಲಾಗುತ್ತಿದೆ.

ಆದ್ರೆ ಈ ಬಾರಿ ಕಾಂಗ್ರೆಸ್ ತನ್ನ ಕ್ಷೇತ್ರಗಳನ್ನು ಹೆಚ್ಚಿಸಿಕೊಳ್ಳಲಿದೆ ಎಂಬುದನ್ನು ಸೂಚಿಸಿದೆ. ಬಿಜೆಪಿ ಕಳೆದ ಬಾರಿಗಿಂತ ಈ ಬಾರಿ ಕುಸಿಯಲಿದೆ ಎಂದು ಕೂಡ ಸಮೀಕ್ಷೆಯ ವರದಿ ತಿಳಿಸಿದೆ. ಲೋಕಸಭಾ ಚುನಾವಣೆಗೆ ಈಗಾಗಲೇ ಪಕ್ಷಗಳು ತಯಾರಿ ನಡೆಸುತ್ತಿವೆ. ಜನ ಯಾರ ಕಡೆ ಒಲವು ತೋರಲಿದೆ ಅನ್ನೋದು ಚುನಾವಣೆಯ ಬಳಿಕ ತಿಳಿಯಲಿದೆ.