ಕಲಾವಿದರನ್ನು ಗುರುತಿಸಿ ಪ್ರೋತ್ಸಾಹಿಸಿದಾಗ ಮಾತ್ರ ಕಲೆ ಜೀವಂತ: ಕಾಂಗ್ರೆಸ್ ಮುಖಂಡ ರೇಣುಕ ಶಿವು

ವರದಿ ಮತ್ತು ಫೋಟೋ ಕೃಪೆ
ಕೆ.ಎಂ.ಮುತ್ತುಸ್ವಾಮಿ ಕಣ್ಣನ್,
ಮೊ : 78998 64552

ಸುದ್ದಿಒನ್, ಚಿತ್ರದುರ್ಗ, ಅಕ್ಟೋಬರ್. 18 : ಯಾವುದೇ ರಂಗದಲ್ಲಾಗಲಿ ಕಲಾವಿದರನ್ನು ಗುರುತಿಸಿ ಪ್ರೋತ್ಸಾಹಿಸಿದಾಗ ಮಾತ್ರ ಕಲೆ ಜೀವಂತವಾಗಿರಲು ಸಾಧ್ಯ ಎಂದು ಜಿಲ್ಲಾ ಬ್ಲಾಕ್ ಕಾಂಗ್ರೆಸ್ ಲೀಡರ್ ರೇಣುಕ ಶಿವು ತಿಳಿಸಿದರು.

ಬಾಪೂಜಿ ಕಂಪ್ಯುಟರ್ಸ್ ಹಾಗೂ ಸಿಂಗರ್ ಜೋನ್ ಸಹಯೋಗದೊಂದಿಗೆ ಅಮೋಘ ಇಂಟರ್ ನ್ಯಾಷನಲ್ ಹೋಟೆಲ್‍ನಲ್ಲಿ ಭಾನುವಾರ ನಡೆದ ಕರೋಕೆ ಸಿಂಗಿಂಗ್ ಇವೆಂಟ್‍ನಲ್ಲಿ ಸನ್ಮಾನ ಸ್ವೀಕರಿಸಿ ಮಾತನಾಡಿದರು.
ಚಿತ್ರದುರ್ಗ ಜಿಲ್ಲೆ ಬರಪೀಡಿತ ಪ್ರದೇಶವಾಗಿರಬಹುದು. ಆದರೆ ಕಲೆ, ಸಾಹಿತ್ಯ, ಜಾನಪದ, ನೃತ್ಯ, ಹಾಡುಗಾರಿಕೆಯಲ್ಲಿ ಶ್ರೀಮಂತಿಕೆಯನ್ನು ಹೊಂದಿದೆ. ಕಲಾವಿದರ ಬದುಕು ಕಷ್ಟ. ಕಲಾವಿದರು ತಮ್ಮ ಜೀವನವನ್ನು ಕಲೆಗೆ ಮೀಸಲಿಡುತ್ತಾರೆ. ಕಲಾವಿದರನ್ನು ಉಳಿಸಿ ಬೆಳೆಸುವ ಜವಾಬ್ದಾರಿ ಪ್ರೇಕ್ಷಕರುಗಳ ಮೇಲಿದೆ ಎಂದು ಹೇಳಿದರು. ಜೂನಿಯರ್ ರವಿಚಂದ್ರನ್, ಮಂಡ್ಯದ ರೂಪ, ವಿಜಯಪ್ರಕಾಶ್, ಶಿವರಾಜ್ ಇನ್ನು ಅನೇಕರು ಇವೆಂಟ್‍ನಲ್ಲಿ ಭಾಗವಹಿಸಿದ್ದರು.