ಟಿಕೆಟ್ ಇಲ್ಲದೆ ಇದ್ದರೆ ನಾಳೆ ಸ್ಟೇಡಿಯಂ ಬಳಿ ಯಾರೂ ಬರಬೇಡಿ : ಬೆಂಗಳೂರು ಕಮಿಷನರ್ ಎಚ್ಚರಿಕೆ

ಬೆಂಗಳೂರು: ಆರ್ಸಿಬಿ ಪಂದ್ಯಗಳು ಅಂದ್ರೆನೆ ಕ್ರಿಕೆಟ್ ಪ್ರೇಮಿಗಳಿಗೆ ಅದರಲ್ಲೂ ಕರ್ನಾಟಕದವರಿಗೆ ಅತಿಯಾದ ವ್ಯಾಮೋಹ. ಕಳೆದ ಬಾರಿ ಆರ್ಸಿಬಿ ಕಪ್ ಗೆದ್ದಿದ್ದನ್ನ ಹೊತ್ತು ಮೆರೆಸಿದ್ದಾರೆ. ದುರಾದೃಷ್ಟವಶಾತ್ ಕಪ್ ನೋಡಲು ಬಂದ ಹನ್ನೊಂದು ಜನ ಕಾಲ್ತುಳಿತದಿಂದ ಸಾವನ್ನಪ್ಪಿದ್ದರು. ಈ ಸೂತಕದ ಛಾಯೆಯಿಂದ ಮತ್ತೆ ಬೆಂಗಳೂರಲ್ಲಿ ಪಂದ್ಯಗಳೇ ನಡೆಯೋದಿಲ್ಲ ಎಂಬ ಮಾತುಗಳು ಕೇಳಿ ಬಂದಿತ್ತು. ಸದ್ಯ ಕ್ರಿಕೆಟ್ ಪ್ರೇಮಿಗಳು ಖುಷಿ ಪಡುವಂತಾಗಿದೆ. ಪಂದ್ಯಗಳು ನಡೆಯುತ್ತಿವೆ. ಆದರೆ ಟಿಕೆಟ್ ಇಲ್ಲದೆ ಬರುವವರಿಗೆ ಕಮಿಷನರ್ ಎಚ್ಚರಿಕೆಯನ್ನ ನೀಡಿದ್ದಾರೆ.

ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಾಳೆ ಐಪಿಎಲ್ ಉದ್ಘಾಟನಾ ಪಂದ್ಯಗಳು ನಡೆಯಲಿವೆ. ಸ್ಟೇಡಿಯಂ ಸುತ್ತಮುತ್ತಾ ಬಿಗಿ ಭದ್ರತೆಯನ್ನು ಕೈಗೊಳ್ಳಲಾಗಿದೆ. ಕ್ರಿಕೆಟ್ ನೋಡಬೇಕು, ಆಫ್ಲೈನ್ ನಲ್ಲಿಯೇ ಟಿಕೆಟ್ ಸಿಗುತ್ತೆ ಅಂತ ಬರೋರಿಗೆ ಬೆಂಗಳೂರು ಪೊಲೀಸ್ ಕಮಿಷನರ್ ಸೀಮಂತ್ ಕುಮಾರ್ ಎಚ್ಚರಿಕೆಯನ್ನ ನೀಡಿದ್ದಾರೆ.

ಚಿನ್ನಸ್ಚಾಮಿ ಸ್ಟೇಡಿಯಂ ಬಳಿ ಮೂರು ಹಂತದ ಸೆಕ್ಯುರಿಟಿ ಇರಲಿದೆ. ಆರ್ಎಎಫ್ ಮತ್ತು ಗರುಡ ಟೀಂ, ಪಿಕಪ್ ಸ್ಕ್ವ್ಯಾಡ್ ಇದೆ. ಭದ್ರತೆಗೆಂದು 2,500 ಪೊಲೀಸ್ ಸಿಬ್ಬಂದಿಯನ್ನು ನಿಯೋಜನೆ ಮಾಡಲಾಗಿದೆ. ಆಫ್ಲೈನ್ ಟಿಕರಟ್ ಗಳು ಸಿಗುತ್ತವೆ ಎಂದು ಯಾರು ಬರಬಾರದು. ಮೈದಾನ ಬಳಿ ರಸ್ತೆಗೆ ಬಂದು ನಿಲ್ಲುವವರಿಗೆ ಅವಕಾಶ ನೀಡಲ್ಲ. ಟಿಕೆಟ್ ಇಲ್ಲದಿದ್ದರೆ ಮನೆಯಲ್ಲಿಯೇ ಕೂತು ಪಂದ್ಯಗಳನ್ನು ನೋಡಿ, ಎಂಜಾಯ್ ಮಾಡಿ. ಇಲ್ಲಿಗೆ ಬಂದು ತೊಂದರೆ ತೆಗೆದುಕೊಳ್ಳಬೇಡಿ ಎಂದು ಕಿವಿ ಮಾತು ಹೇಳಿದ್ದಾರೆ. ಆರ್ಸಿಬಿ ಅಂದ್ರೆ ನಮ್ಮ ಕರ್ನಾಟಕದ ಕ್ರಿಕೆಟ್ ಪ್ರೇಮಿಗಳಿಗೆ ಇನ್ನಿಲ್ಲದ ಜೋಶು. ಹೆಚ್ಚು ಜನ ಸೇರಿ, ಏನಾದರೂ ತೊಂದರೆ ಆಗುವುದು ಬೇಡ ಎಂಬ ಎಚ್ಚರಿಕೆಯನ್ನ ನೀಡಿದ್ದಾರೆ.