ಸುದ್ದಿಒನ್ : ಸನಾತನ ಧರ್ಮದಲ್ಲಿ, ದೇವಸ್ಥಾನಕ್ಕೆ ಹೋಗುವುದು ಕೇವಲ ಧಾರ್ಮಿಕ ಕರ್ತವ್ಯವಲ್ಲ, ಬದಲಾಗಿ ನಮ್ಮಲ್ಲಿ ಸಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸುವ ಒಂದು ಮಾರ್ಗವಾಗಿದೆ. ದೇವರ ದರ್ಶನದಿಂದ ನಮ್ಮಲ್ಲಿ ಆಧ್ಯಾತ್ಮಿಕ ಶಾಂತಿ ಮತ್ತು ಧಾರ್ಮಿಕ ಸಂತೋಷವನ್ನು ಉಂಟುಮಾಡುತ್ತದೆ. ಆದರೆ, ದೇವಸ್ಥಾನದಿಂದ ಹಿಂದಿರುಗಿದ ತಕ್ಷಣ ಕೆಲವರು ಮಾಡುವ ಅಭ್ಯಾಸಗಳು ಸಕಾರಾತ್ಮಕ ಶಕ್ತಿಯನ್ನು ಸಂಪೂರ್ಣವಾಗಿ ಪಡೆಯಲು ಅಡ್ಡಿಯಾಗುತ್ತವೆ. ದೇವಸ್ಥಾನದಿಂದ ಹಿಂದಿರುಗಿದ ತಕ್ಷಣ ನಾವು ನಮ್ಮ ಪಾದಗಳನ್ನು ಮತ್ತು ಕೈಗಳನ್ನು ತೊಳೆಯಬಾರದು ಎಂದು ಹಿರಿಯರು ಹೇಳುತ್ತಾರೆ. ಇದರ ಹಿಂದೆ ಒಂದು ಕಾರಣವಿದೆ. ತಿಳಿದವರು ಕಾರಣಗಳನ್ನು ಹೇಳುತ್ತಾರೆ ಆದರೆ ಗೊತ್ತಿಲ್ಲದವರು ಅದೇ ನಮ್ಮ ಹಿರಿಯರ ಆಬಾರ ವಿಧಾನ ಎಂದು ಹೇಳುತ್ತಾರೆ. ಆದರೆ, ಈಗ ದೇವಸ್ಥಾನಕ್ಕೆ ಹೋದ ನಂತರ ಕೈಕಾಲುಗಳನ್ನು ತೊಳೆಯುವುದು ಏಕೆ ಒಳ್ಳೆಯದಲ್ಲ ಎಂದು ತಿಳಿದುಕೊಳ್ಳೋಣ…!
ಕೈ ಅಥವಾ ಕಾಲುಗಳನ್ನು ತೊಳೆದರೆ :
ಪ್ರಾಚೀನ ಗ್ರಂಥಗಳ ಪ್ರಕಾರ, ದೇವಾಲಯದ ಆವರಣವು ಅತ್ಯಂತ ಶಕ್ತಿಶಾಲಿ ಸ್ಥಳವಾಗಿದೆ. ನಾವು ಅಲ್ಲಿಗೆ ಪ್ರವೇಶಿಸಿದಾಗ, ಅಲ್ಲಿನ ದೈವಿಕ ಶಕ್ತಿಯು ನಮ್ಮೊಂದಿಗೆ ವಿಲೀನಗೊಳ್ಳುತ್ತದೆ. ದರ್ಶನದ ನಂತರ ನಾವು ಮನೆಗೆ ಹಿಂದಿರುಗಿದಾಗ ಆ ಶಕ್ತಿಯು ನಮ್ಮೊಂದಿಗೆ ಬರುತ್ತದೆ. ನಾವು ಮನೆಗೆ ಬಂದ ತಕ್ಷಣ ನಮ್ಮ ಕೈ ಅಥವಾ ಕಾಲುಗಳನ್ನು ತೊಳೆದರೆ, ಆ ಸಕಾರಾತ್ಮಕ ಶಕ್ತಿಯು ನೀರಿನೊಂದಿಗೆ ವಿಲೀನಗೊಳ್ಳುತ್ತದೆ. ನಮ್ಮ ಆಂತರಿಕ ಶಾಂತಿ ಸ್ವಲ್ಪ ಕಡಿಮೆಯಾಗುತ್ತದೆ. ಆದ್ದರಿಂದ, ಕನಿಷ್ಠ 15-20 ನಿಮಿಷಗಳ ಕಾಲ ನೀರನ್ನು ಮುಟ್ಟದಿರುವುದು ಉತ್ತಮ. ಇದು ವೈಜ್ಞಾನಿಕವಾಗಿ ಸಾಬೀತಾಗಿಲ್ಲ, ಆದರೆ ಶತಮಾನಗಳಿಂದ ಅನುಸರಿಸುತ್ತಿರುವ ಸಂಪ್ರದಾಯವಾಗಿದೆ.
ದೇವಾಲಯದಿಂದ ಹಿಂತಿರುಗಿದ ನಂತರ ಅನುಸರಿಸಬೇಕಾದ ಮೂರು ಪ್ರಮುಖ ಸಲಹೆಗಳು:
• ದೇವಸ್ಥಾನದಿಂದ ಹೊರಬಂದ ತಕ್ಷಣ ಕೆಟ್ಟ ಮಾತುಗಳನ್ನಾಡಿ ಓಡಾಡಬೇಡಿ.
• ನೀವು ಗಳಿಸಿರುವ ಆಧ್ಯಾತ್ಮಿಕ ಶಾಂತಿಯನ್ನು ಭಂಗಗೊಳಿಸದೆ, ನೇರವಾಗಿ ಮನೆಗೆ ಹಿಂತಿರುಗಿ.
• ದೇವಸ್ಥಾನದಿಂದ ಒಂದು ಸಣ್ಣ ಪಾತ್ರೆಯಲ್ಲಿ ನೀರು ತನ್ನಿ. ಖಾಲಿ ಪಾತ್ರೆಯೊಂದಿಗೆ ಹಿಂತಿರುಗದಂತೆ ಎಚ್ಚರವಹಿಸಿ.
• ದೇವಸ್ಥಾನದಿಂದ ತಂದ ನೀರನ್ನು ಮನೆಯ ಪ್ರತಿಯೊಂದು ಮೂಲೆಯಲ್ಲಿ ಸಿಂಪಡಿಸಿ. ಇದು ಮನೆಯಿಂದ ನಕಾರಾತ್ಮಕ ಶಕ್ತಿಯನ್ನು ತೆಗೆದುಹಾಕಿ ಸಂತೋಷ ಮತ್ತು ಸಮೃದ್ಧಿಯನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ.
(ಪ್ರಮುಖ ಸೂಚನೆ : ಇಲ್ಲಿ ಒದಗಿಸಲಾದ ಎಲ್ಲಾ ಮಾಹಿತಿ ಮತ್ತು ಪರಿಹಾರಗಳು ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿವೆ. ಇವುಗಳನ್ನು ಊಹೆಗಳ ಆಧಾರದ ಮೇಲೆ ಮಾತ್ರ ನೀಡಲಾಗಿದೆ. ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ. ಈ ಮಾಹಿತಿಯನ್ನು ಪರಿಗಣನೆಗೆ ತೆಗೆದುಕೊಳ್ಳಲು ಮತ್ತು ಪೂರ್ಣ ವಿವರಗಳನ್ನು ಪಡೆಯಲು ನೀವು ಸಂಬಂಧಿತ ತಜ್ಞರನ್ನು ಸಂಪರ್ಕಿಸಬಹುದು.)
