ದೆಹಲಿ ಸ್ಫೋಟ : ಕೆಂಪು ಕಾರು ಎಲ್ಲಿದೆ..?

ಸುದ್ದಿಒನ್

ದೆಹಲಿ ಕೆಂಪು ಕೋಟೆ ಸ್ಫೋಟ ಪ್ರಕರಣದಲ್ಲಿ ಮತ್ತಷ್ಟು ವಿಷಯಗಳು ಬೆಳಕಿಗೆ ಬರುತ್ತಿವೆ. ತನಿಖೆಯಿಂದ ಭಯೋತ್ಪಾದಕರು ಮುಂಬೈ ಮಾದರಿಯ ದಾಳಿಗಳನ್ನು ಯೋಜಿಸಿದ್ದರು ಎಂದು ತಿಳಿದುಬಂದಿದೆ. ಒಂದಲ್ಲ.. ಎರಡಲ್ಲ.. 200 (IED) ಐಇಡಿಗಳಿಂದ ದೆಹಲಿಯಲ್ಲಿ ಬಾಂಬ್ ಸ್ಫೋಟಿಸಲು ಭಯೋತ್ಪಾದಕರು ರೇಖಾಚಿತ್ರ ಬರೆದಿದ್ದರು ಎಂದು ಗುಪ್ತಚರ ಮೂಲಗಳು ಪತ್ತೆ ಹಚ್ಚಿವೆ. ಅವರು ಕೆಂಪು ಕೋಟೆ, ಇಂಡಿಯಾ ಗೇಟ್, ಕಾನ್ಸ್ಟಿಟ್ಯೂಷನ್ ಕ್ಲಬ್ ಮತ್ತು ಗೌರಿ ಶಂಕರ್ ದೇವಾಲಯಗಳ ಬಳಿ ಸ್ಫೋಟಗಳನ್ನು ನಡೆಸಲು ಯೋಜಿಸಿದ್ದರು. ಅಯೋಧ್ಯೆ ರಾಮ ಮಂದಿರದ ಜೊತೆಗೆ ವಾರಣಾಸಿಯಲ್ಲಿಯೂ ಭಯೋತ್ಪಾದಕರು ಸ್ಫೋಟಗಳನ್ನು ಯೋಜಿಸಿದ್ದರು ಎಂದು ತಿಳಿದು ಬಂದಿದೆ. ಜನವರಿ 26 ರಂದು ಸ್ಫೋಟಿಸಲು ಸಂಚು ರೂಪಿಸಿದ್ದರು. ಭಯೋತ್ಪಾದಕ ಶಾಹೀನ್ ಸ್ಲೀಪರ್ ಸೆಲ್‌ನ ಸಕ್ರಿಯ ಸದಸ್ಯ ಎಂದು ಗುರುತಿಸಲಾಗಿದೆ.

ದೆಹಲಿ ಸೇರಿದಂತೆ ದೇಶಾದ್ಯಂತ ವಿವಿಧ ರೈಲ್ವೆ ನಿಲ್ದಾಣಗಳು ಮತ್ತು ಶಾಪಿಂಗ್ ಮಾಲ್‌ಗಳಲ್ಲಿ ಬಾರೀ ಪ್ರಮಾಣದಲ್ಲಿ ಸ್ಪೋಟಿಸಲು ಭಯೋತ್ಪಾದಕರು ರೇಖಾಚಿತ್ರಗಳನ್ನು ರಚಿಸಿಕೊಂಡಿದ್ದರು ಎಂದು ಗುಪ್ತಚರ ಮೂಲಗಳು ತಿಳಿಸಿವೆ. ಜನವರಿಯಿಂದಲೇ ಈ ಪಿತೂರಿಯನ್ನು ಯೋಜಿಸಲಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಭಯೋತ್ಪಾದಕ ಕೃತ್ತಗಳಿಗೆ ಪಾಕಿಸ್ತಾನಿ ಸಂಘಟನೆ ಜೈಶ್ ಜೊತೆ ಸಂಪರ್ಕ ಹೊಂದಿದೆ ಎಂದು ತಿಳಿದುಬಂದಿದೆ. ಭಯೋತ್ಪಾದಕರು ಎರಡು ವರ್ಷಗಳಿಂದ ಸ್ಫೋಟಗಳಿಗಾಗಿ ಸ್ಫೋಟಕಗಳನ್ನು ಸಂಗ್ರಹಿಸುತ್ತಿದ್ದರು. ಭಯೋತ್ಪಾದಕರಿಂದ ಈಗಾಗಲೇ ಫರಿದಾಬಾದ್‌ನಲ್ಲಿ 2900 ಕೆಜಿ ಸ್ಫೋಟಕ ಪದಾರ್ಥಗಳನ್ನು ವಶಪಡಿಸಿಕೊಂಡಿದ್ದಾರೆ ಮತ್ತು ಇನ್ನೂ 300 ಕೆಜಿ ಸ್ಫೋಟಕಗಳಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.

ಕೆಂಪು ಬಣ್ಣದ ಎಕೋ ಸ್ಪೋರ್ಟ್ಸ್‌ಗಾಗಿ ಪೊಲೀಸರು ಹುಡುಕಾಟ…!
ದೆಹಲಿ ಕೆಂಪು ಕೋಟೆ ಸ್ಫೋಟ ಪ್ರಕರಣದಲ್ಲಿ ಎನ್ಐಎ ತನಿಖೆಯನ್ನು ಮತ್ತಷ್ಟು ಚುರುಕುಗೊಳಿಸಿದೆ. ದೆಹಲಿ ಪೊಲೀಸರು ಕೂಡ ತನಿಖೆಯನ್ನು ಚುರುಕುಗೊಳಿಸಿದ್ದಾರೆ. ಕೆಂಪು ಬಣ್ಣದ ಇಕೋ ಸ್ಪೋರ್ಟ್ಸ್‌ಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ. ಐದು ಪೊಲೀಸ್ ತಂಡಗಳು ಕಾರಿಗಾಗಿ ಶೋಧ ಕಾರ್ಯಾಚರಣೆ ಆರಂಭಿಸಿವೆ. ಕೆಂಪು ಕೋಟೆ ಬಳಿ ಸ್ಫೋಟಕ್ಕೆ ಬಳಸಲಾದ ಐ20 ಕಾರಿನ ಜೊತೆಗೆ, ಭಯೋತ್ಪಾದಕರು ಇಕೋ ಸ್ಪೋರ್ಟ್ಸ್ ಕಾರನ್ನು ಸಹ ಬಳಸಿದ್ದರು ಎಂದು ಪತ್ತೆಹಚ್ಚಿದ್ದಾರೆ. ಈಗ ಆ ಕಾರು ಎಲ್ಲಿದೆ ಎಂಬುದರ ಕುರಿತು ಅವರು ತನಿಖೆ ನಡೆಸುತ್ತಿದ್ದಾರೆ.

ದೆಹಲಿ ಪೊಲೀಸರು ಹುಡುಕುತ್ತಿರುವ ಕಾರು ಸಂಖ್ಯೆ DL10CK0458. ದೆಹಲಿ, ಹರಿಯಾಣ, ಕಾಶ್ಮೀರ ಮತ್ತು ಉತ್ತರ ಪ್ರದೇಶ ಪೊಲೀಸರು ಈ ಕಾರನ್ನು ಹುಡುಕುತ್ತಿದ್ದಾರೆ. ದೆಹಲಿ ಸ್ಫೋಟ ಘಟನೆಯಲ್ಲಿ ಇಲ್ಲಿಯವರೆಗೆ 18 ಜನರನ್ನು ಬಂಧಿಸಲಾಗಿದೆ. ಡಾ. ಉಮರ್ ಅವರ ಕುಟುಂಬದೊಂದಿಗೆ, ಬಂಧಿತರ ಕುಟುಂಬ ಸದಸ್ಯರನ್ನು ವಿಚಾರಣೆ ನಡೆಸಲಾಗುತ್ತಿದೆ.

ಮತ್ತೊಂದೆಡೆ, ಜಮ್ಮು ಮತ್ತು ಕಾಶ್ಮೀರದಲ್ಲಿ ಹಾಗೂ ದೇಶದ ಹಲವು ಭಾಗಗಳಲ್ಲಿ ಪೊಲೀಸ್ ಶೋಧ ಕಾರ್ಯ ಮುಂದುವರೆದಿದೆ. ಕಾಶ್ಮೀರದ 200 ಸ್ಥಳಗಳಲ್ಲಿ ಪೊಲೀಸರು ಶೋಧ ಕಾರ್ಯಾಚರಣೆ ಆರಂಭಿಸಿದ್ದಾರೆ. ಅವರು ಭಯೋತ್ಪಾದಕರು ಮತ್ತು ಅವರ ಸಹಕರಿಸಿದವರಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.