ಸುದ್ದಿಒನ್, ಛಿಂದವಾಡ, ಅಕ್ಟೋಬರ್ 13 : ಈ ಪುಟ್ಟ ಬಾಲಕಿ ಹುಟ್ಟಿ ಕೇವಲ 72 ದಿನಗಳಾಗಿವೆ. ಇಷ್ಟು ಚಿಕ್ಕ ಮಗುವಿನ ಹೆಸರಿನಲ್ಲಿ 33 ಸರ್ಕಾರಿ ದಾಖಲೆಗಳು ಹೊರಬಿದ್ದಿದ್ದರಿಂದ ವಿಶ್ವದಾಖಲೆ ಸೃಷ್ಟಿಯಾಗಿದೆ.
ಅದೇಗೆ ಸಾಧ್ಯ ? ಎಂದುಕೊಳ್ಳುತ್ತಿದ್ದೀರಾ ? ಹಾಗಾದರೆ ನೀವು ಈ ಸುದ್ದಿಯನ್ನು ಓದಲೇಬೇಕು. ಈ ವರ್ಷ ಜುಲೈ 8 ರಂದು ಮಧ್ಯಪ್ರದೇಶದ ಛಿಂದವಾಡ ಜಿಲ್ಲೆಯ ಕೇಸರಿನಂದನ್ ಸೂರ್ಯವಂಶಿ ಮತ್ತು ಪ್ರಿಯಾಂಕಾ ದಂಪತಿಗೆ ಶರಣ್ಯ ಎಂಬ ಪುಟ್ಟ ಹುಡುಗಿ ಜನಿಸಿದಳು. ಜನಿಸಿದ ಮೂರು ತಿಂಗಳಿಗೂ ಮೊದಲೇ ಬೇಬಿ ಶರಣ್ಯ ವಿಶ್ವ ದಾಖಲೆಯನ್ನು ಸಾಧಿಸಿದರು.
ಅದೇನೆಂದರೆ, ತಮ್ಮ ಮಗುವಿನ ಜನನವನ್ನು ಶಾಶ್ವತವಾಗಿ ಸ್ಮರಣೀಯವಾಗಿಸಲು ಏನಾದರೂ ಮಾಡಬೇಕೆಂದು ದಂಪತಿಗಳು ಬಯಸಿದರು. ಈಗಾಗಲೇ ಒಂದು ಮಗುವಿನ ಹೆಸರಿನಲ್ಲಿ 28 ಗುರುತಿನ ದಾಖಲೆಗಳೊಂದಿಗೆ ವಿಶ್ವದಾಖಲೆ ಇದೆ ಎಂದು ತಿಳಿದುಕೊಂಡ ಅವರು ತಮ್ಮ ಮಗಳ ಹೆಸರನ್ನು ವಿಶ್ವ ದಾಖಲೆಯ ಪಟ್ಟಿಗೆ ಸೇರಿಸಲು ಬಯಸಿದ್ದರು. ತಕ್ಷಣವೇ ದಂಪತಿಗಳಿಬ್ಬರೂ ಸ್ಪರ್ಧೆಗಿಳಿದು ತಮ್ಮ ಮಗಳ ಹೆಸರಿನಲ್ಲಿ ಸಾಧ್ಯವಾದಷ್ಟು ಹೆಚ್ಚು ದಾಖಲೆಯ ಪ್ರಮಾಣ ಪತ್ರಗಳನ್ನು ಬರೆಸಿದರು. ಹೀಗಾಗಿ ಮಗಳು ಶರಣ್ಯ ಹುಟ್ಟಿದ 72 ದಿನಗಳಲ್ಲಿ 31 ಬಗೆಯ ಪ್ರಮಾಣ ಪತ್ರಗಳನ್ನು ಪಡೆದು ವಿಶ್ವ ದಾಖಲೆ ಪುಸ್ತಕದಲ್ಲಿ ಸ್ಥಾನ ಪಡೆದಿದ್ದಾರೆ.
ಶರಣ್ಯಾ ಅವರ ಪೋಷಕರಾದ ಕೇಸರಿ ನಂದನ್ ಮತ್ತು ಪ್ರಿಯಾಂಕಾ ಇಬ್ಬರೂ ಚಂದಂಗಾವ್‌ನ ಅಂಚೆ ಇಲಾಖೆಯಲ್ಲಿ ಉದ್ಯೋಗಿಗಳು. ಜೊತೆಗೆ ಶರಣ್ಯಳ ತಾತ ಕೂಡ ಅಂಚೆ ಉದ್ಯೋಗಿ. ಶರಣ್ಯ ಹೆಸರಿನಲ್ಲಿ 72 ದಿನಗಳಲ್ಲಿ 31 ಗುರುತಿನ ದಾಖಲೆ ಪಡೆದು ಗುರಿ ಸಾಧಿಸಲಾಗಿದೆ. ಪಾಸ್‌ಪೋರ್ಟ್, ಐಡಿ ಕಾರ್ಡ್, ಆಧಾರ್ ಕಾರ್ಡ್, ಇಮ್ಯುನೈಸೇಶನ್ ಕಾರ್ಡ್, ‘ಲಾಡ್ಲಿ ಲಕ್ಷ್ಮಿ’ ಪ್ರಮಾಣಪತ್ರ, ಜಾತಿ ಪ್ರಮಾಣಪತ್ರ, ಸ್ಥಳೀಯ ನಿವಾಸ ಪ್ರಮಾಣಪತ್ರ, ರಾಷ್ಟ್ರೀಯ ಆರೋಗ್ಯ ಕಾರ್ಡ್, ‘ಸುಕನ್ಯಾ ಸಮೃದ್ಧಿ’ ಖಾತೆ, ‘ಮಹಿಳಾ ಸಮ್ಮಾನ್ ಉಳಿತಾಯ ಪತ್ರ’, ‘ರಾಷ್ಟ್ರೀಯ ಉಳಿತಾಯ ದಾಖಲೆಗಳು’, ‘ಕಿಸಾನ್ ವಿಕಾಸ ಪತ್ರಾ’, ಪೋಸ್ಟ್ ಆಫೀಸ್ ಉಳಿತಾಯ ಖಾತೆ, PNB ATM ಕಾರ್ಡ್, ಸಾರ್ವಜನಿಕ ಭವಿಷ್ಯ ನಿಧಿ ಖಾತೆ, ಬ್ಯಾಂಕ್ ಖಾತೆಗಳು ಸೇರಿದಂತೆ ಒಟ್ಟು 31 ಪ್ರಮಾಣ ಪತ್ರಗಯ ಪಡೆದರು.
ಅನೇಕ ಜನರು ಸರಿಯಾದ ಗುರುತಿನ ದಾಖಲೆಗಳಿಲ್ಲದೆ ತೊಂದರೆಗಳನ್ನು ಎದುರಿಸುತ್ತಾರೆ. ಸರ್ಕಾರದ ಹಲವು ಯೋಜನೆಗಳಿಂದ ದೂರ ಉಳಿಯುತ್ತಾರೆ. ಅಂತಹವರಲ್ಲಿ ಜಾಗೃತಿ ಮೂಡಿಸಲು ಈ ರೀತಿ ಮಾಡಲಾಗಿದೆ ಎಂದು ದಂಪತಿಗಳು ತಿಳಿಸಿದರು. ಅಲ್ಲದೆ, ಹೆಣ್ಣು ಮಗುವಿನ ಜನನದ ಮೇಲೆ ಯಾವ ಸರ್ಕಾರದ ಯೋಜನೆಗಳು ಅನ್ವಯಿಸುತ್ತವೆ ಮತ್ತು ಅವುಗಳನ್ನು ಹೇಗೆ ಪಡೆಯುವುದು ಮುಂತಾದ ವಿವರಗಳನ್ನು ಹೇಗೆ ಪಡೆಯುವುದು ಎಂದು ತಿಳಿಸಲು ನಾವು ಈ ರೀತಿ ಮಾಡಿದ್ದೇವೆ. ಸೂಕ್ತ ವಿವರಗಳೊಂದಿಗೆ ಸಕಾಲದಲ್ಲಿ ಅರ್ಜಿ ಸಲ್ಲಿಸಿದರೆ ಯಾವುದೇ ಪ್ರಮಾಣಪತ್ರವನ್ನು ಸುಲಭವಾಗಿ ಪಡೆಯಬಹುದು ಎಂದು ತಿಳಿಸಿದರು.
Newbie Techy