ನವದೆಹಲಿ: ಮನೆಯಲ್ಲಿಟ್ಟಿದ್ದ ಸ್ಟೌವ್ ನಿಂದ ಹೊರ ಬಂದ ವಿಷಕಾರಿ ಹೊಗೆ ಕುಡಿದು ತಾಯಿ ಮತ್ತು ನಾಲ್ಕು ಜನ ಮಕ್ಕಳು ಸಾವನ್ನಪ್ಪಿರುವ ಘಟನೆ ಶಹದಾರದ ಸೀಮಾಪುರಿ ಪ್ರದೇಶದಲ್ಲಿ ನಡೆದಿದೆ. 30 ವರ್ಷದ ರಾಧಾ ಮತ್ತು ಆಕೆಯ ಮಕ್ಕಳು ದಾರುಣವಾಗಿ ಸಾವನ್ನಪ್ಪಿವೆ.
ಮೋಹಿತ್ ಕಾಲಿನಿಯಾ ಮತ್ತು ರಾಧಾ ದಂಪತಿ ಸೀಮಾಪುರಿಯಲ್ಲಿ ವಾಸವಾಗಿದ್ದರು. ಅಪಾರ್ಟ್ಮೆಂಟ್ ನ ಐದನೇ ಮಹಡಿಯಲ್ಲಿ ಇವರ ಮನೆ ಇತ್ತು. ಆ ಮನೆ ತುಂಬಾ ಚಿಕ್ಕದಾಗಿದ್ದರಿಂದ, ಗಾಳಿ ಮನೆಯೊಳಗೆ ಸುಳಿಯುವ ಅವಕಾಶವೇ ಇಲ್ಲದಷ್ಟು ಚಿಕ್ಕದಾಗಿತ್ತು. ಚಳಿ ಇದ್ದ ಕಾರಣ ಸ್ಟೌವ್ ನಲ್ಲಿ ಬೆಂಕಿ ಹೊತ್ತಿಸಿ ಇಡಲಾಗಿತ್ತಂತೆ. ಆದ್ರೆ ಆ ಸ್ಟೌವ್ ನಲ್ಲಿ ವಿಷ ಗಾಳಿ ಬಂದು ಈ ದುರ್ಘಟನೆ ನಡೆದಿದೆ.
ವಿಷಯ ತಿಳಿದ ತಕ್ಷಣ ಮನೆಯ ಬಳಿ ಪೊಲೀಸರು ಬಂದಿದ್ದಾರೆ. ಪೊಲೀಸರು ಬಂದಾಗ ತಾಯಿ ಮತ್ತು ಮೂವರು ಮಕ್ಕಳು ಅದಾಗಲೇ ಸಾವನ್ನಪ್ಪಿದ್ದರು. ನಾಲ್ಕನೇಯ ಮಗು ಉಸಿರಾಡುತ್ತಿದ್ದ ಕಾರಣ ಮಗುವನ್ನ ಆಸ್ಪತ್ರೆಗೆ ಸೇರಿಸಲು ಪ್ರಯತ್ನಿಸಿದ್ದಾರೆ. ಆದ್ರೆ ಮಾರ್ಗ ಮಧ್ಯೆಯೇ ಆ ಮಗು ಕೂಡ ಸಾವನ್ನಪ್ಪಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
