ಬೆಂಗಳೂರು: ಸಿಟಿ ರವಿ ಹಾಗೂ ಸಿದ್ದರಾಮಯ್ಯ ಆಗಾಗ ಚಾನ್ಸ್ ಸಿಕ್ಕಾಗೆಲ್ಲಾ ಒಬ್ಬರಿಗೊಬ್ಬರು ಕಾಲೆಳೆದುಕೊಂಡು, ವ್ಯಂಗ್ಯವಾಡುತ್ತಿರುತ್ತಾರೆ. ಇವತ್ತು ಕೂಡ ಅಂತದ್ದೇ ಸನ್ನಿವೇಶ ನಡೆದಿದೆ. ವಿಧಾನಸಭಾ ಅಧಿವೇಶನದಲ್ಲಿ ವಿಪಕ್ಷ ನಾಯಕ ಸಿದ್ದರಾಮಯ್ಯ, ಸಿಟಿ ರವಿ ಅವರಿಗೆ ಟಾಂಗ್ ನೀಡಿದ್ದಾರೆ.
ನನ್ನ ಹೆಸರನ್ನು ಬಹಳ ಸಾರಿ ಸ್ಮರಣೆ ಮಾಡಿಕೊಳ್ಳುತ್ತಿದ್ದೀಯಾ. ಅದಕ್ಕೆ ತುಂಬಾ ಸಂತೋಷವಾಗುತ್ತಿದೆ. ಭಾಷಣದಲ್ಲಿ ಬಹಳಷ್ಟು ಬಾರಿ ಪ್ರಧಾನಿ ಮೋದಿ ಅವರನ್ನು ಬಹಳ ಹೊಗಳಿದಿದ್ದೀರಿ. ಜೊತೆಗೆ ನನ್ನ ಹೆಸರನ್ನು ತೆಗೆದುಕೊಂಡಿದ್ದೀರಿ. ಬಹಳ ಥ್ಯಾಂಕ್ ಯೂ. ನಿಂಗೆ ಥ್ಯಾಂಕ್ಸ್ ಹೇಳಿದ್ದೀನಿ ಕೂತ್ಕೋ ಮಾರಾಯ ಎಂದಿದ್ದಾರೆ.
ಇತ್ತೀಚೆಗೆ ಬಿಜೆಪಿಯವರು ನನ್ನ ಹೆಸರನ್ನು ಹೇಳುವುದಕ್ಕೆ ಶುರು ಮಾಡಿಕೊಂಡಿದ್ದಾರೆ. ಅದಕ್ಕೆ ನಾನೂ ತುಂಬಾ ಸಂತೋಷವಾಗಿರಬೇಕು ಅಲ್ಲವೆ ಎಂದು ತಿರುಗೇಟು ನೀಡಿದ್ದಾರೆ.